Parad hazırlıqlar davam edir: “Azadlıq” meydanında məşqlər başladı

Reportaj18 iyun 2018 18:45

İyunun 26-da Bakı şəhərində keçiriləcək hərbi paradda iştirak edən şəxsi heyətin paytaxtın "Azadlıq” meydanında məşqləri başlayıb.

 "Azeridefence"   xəbər verir ki, bu gün səhər saatlarında şəxsi heyət "Azadlıq” meydanına gətirilib. Hazırlıq məşqlərində müdafiə naziri, general-polkovnik Zakir Həsənov və Silahlı Qüvvələrin rəhbərliyi iştirak edib. 
 
Bununla əlaqədar bir neçə saat ərzində "Neftçilər” prospektindən "Azadlıq” meydanı istiqamətində nəqliyyatın hərəkəti dayandırılıb. Hava şəraitinin küləkli olması səbəbindən hərbi aviasiyanın səhər saatlarına planlaşdırılan uçuşları təxirə salınıb.
Paradda Silahlı Qüvvələrin şəxsi heyətini Baş Qərargah rəisinin müavini, general-mayor Ayaz Həsənov keçirəcək. Quru Qoşunlarının ordu birliklərinin şəxsi heyəti isə general-mayor Hikmət Həsənovun, Xüsusi Təyinatlı Qüvvələr isə bu qoşunların komandanı general-mayor Hikmət Mirzəyevin rəhbərliyi altında keçid edəcək.
Hərbi paradda Müdafiə Nazirliyi ilə yanaşı Dövlət Sərhəd Xidmətinin, DİN Daxili Qoşunlarının, Dövlət Təhlükəsizlik Xidmətinin, Fövqəladə Hallar Nazirliyinin Mülki Müdafiə Qoşunlarının, Xüsusi Dövlət Mühafizə Xidmətinin Milli Qvardiyasının bölmələri də keçid edəcəklər.
 
Məşqlərdən göründüyü qədər paradın tərtibatında dəyişiklik edilib və 2017-ci ilin oktyabr ayında Naxçıvanda keçirilən paradın tərtibatına bənzədilib. Əvvəlki paradlardakı kimi aparıcı Abdulla Qurbaninin çox vaxt aparan geniş, pafoslu təqdimatları olmayacaq. Parad 2 nəfər tərəfindən aparılacaq.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1329