“İstəyirdim əliboş gəlməyim...” - İlham Əliyev

Xəbər verdiyimiz kimi, dünən Azərbaycan Prezidenti İlham Əliyev və birinci xanım Mehriban Əliyeva İsmayıllı rayonunun Lahıc qəsəbəsinə təbii qazın verilməsi mərasimində iştirak ediblər.
"Qafqazinfo" dövlət başçısının görüşdən çıxışını təqdim edir:
"Mən sizi salamlayıram. Çox şadam ki, Lahıc qəsəbəsinə gəlmişəm. Uzun illərdir ki, istəyirdim gəlim. Amma Prezident kimi ilk səfərimdir. Əvvəllər dəfələrlə olmuşam, siz də bunu yaxşı bilirsiniz. İstəyirdim əliboş gəlməyim. Ona görə bir az vaxt apardı. Ancaq bu səfər ərəfəsində Lahıc qəsəbəsində çox önəmli hadisələr baş vermişdir. Birincisi, biz bu gün Dəmirçi-Lahıc avtomobil yolunun açılışını qeyd etdik. Bu, hesab edirəm ki, tarixi bir layihədir. Lahıc qəsəbəsini Şamaxı rayonu ilə birləşdirir. Əvvəlki yol keçilməz idi. Heç yük maşını ilə getmək mümkün deyildi. İndi isə mən özüm bu yolla gəlmişəm. Çox rahat, gözəl yoldur, təhlükəsiz yoldur. Bakıdan Lahıca gələn turistlər üçün də, vətəndaşlar üçün də çox rahat bir yoldur. Həm daha qısadır, həm də təhlükəsiz getmək mümkündür.
Keçən il mən Dəmirçi kəndində olarkən, kəndin inkişafı ilə bağlı göstərişlər vermişəm. Bu gün orada tarix muzeyinin açılışını qeyd etdik. Dəmirçi kəndi də Lahıc qəsəbəsi ilə tarixən bağlı olan bir kənddir. Ona görə indi gediş-gəliş də çox rahat olacaq.
Lahıc qəsəbəsinin təhsil məsələlərinin həlli də diqqət mərkəzindədir. Bilirəm, belə təkliflər də olubdur ki, yeni məktəb tikilsin. Keçən il Sərəncam verildi və bu gün biz bu məktəbin açılışını etdik. Gözəl, 400 şagird yerlik məktəbdir. Hazırda burada təxminən 200-dən çox şagird oxuyur. Amma gələcəkdə əhali artacaq, uşaqların sayı artacaq. Elə məktəb tikmişik ki, gələcəkdə də Lahıc qəsəbəsinin ehtiyacını tam ödəsin.
Əlbəttə ki, Lahıc qəsəbəsinə təbii qazın çəkilişi də tarixi layihədir. Siz yaxşı bilirsiniz ki, qaz xətlərini çəkmək çox çətin məsələdir, həm maliyyə baxımından, həm texniki baxımdan. Ancaq Lahıcın Azərbaycanda xüsusi yerini nəzərə alaraq, biz bu böyük layihəni də icra etdik. İndi biz təbii qazın verilməsini sizinlə birlikdə qeyd edəcəyik.
Yəni, bir daha demək istəyirəm, mən bu gün gəlmişəm ki, bu tədbirlərdə iştirak edim və sizinlə görüşüm. Şadam ki, Lahıc sakinlərinin xahişləri tam yerinə yetirilib. Əgər əlavə xahişlər olarsa, siz mənə deyin, biz onları da həll edərik ki, bu tarixi, qədim qəsəbə öz inkişafını bundan sonra da təmin etsin.
Lahıc tarixi bir yerdir, qədim yaşayış diyarıdır. Burada yaşayan insanlar çox istedadlı insanlardır. Sizin misgərlik sənətiniz, digər sahələrdə fəaliyyətiniz lahıclıların nə qədər istedadlı olduğunu göstərir. Eyni zamanda, Lahıcdan bir çox görkəmli şəxsiyyətlər olub, bu gün də var - alimlər, ziyalılar, ictimai xadimlər. Yəni, Lahıc çox dəyərli insanlar yetişdirib. Hesab edirəm ki, təhsil məsələsində də siz ön sıralardasınız. Mənə indi məlumat verildi ki, Lahıc məktəbini bitirən şagirdlər Azərbaycanın ali məktəblərinə yüksək ballarla daxil olurlar. Yəni, bu, onu göstərir ki, qəsəbənin çox dərin kökləri var, mədəniyyəti var. Bu mədəniyyət özünü göstərir. Çünki Lahıc nəinki Azərbaycanda, bizim regionumuzda unikal yaşayış yeridir. Təsadüfi deyil ki, Lahıca minlərlə, on minlərlə turist gəlir. İndi Şamaxı-Lahıc yolu ilə daha da çox gələcəklər. Əminəm ki, turistlərin axını daha da artacaq. Bu qəsəbənin özəlliyi ondadır ki, burada çox nadir memarlıq ansamblı mövcuddur.
İndi Lahıcın memarlığı, küçələri, binaları özlüyündə bir milli sərvətdir. Burada işləyən, yaşayan insanların əl işləri də, əlbəttə ki, bu qəsəbəni dünya səviyyəsində təqdim edir. Təsadüfi deyil ki, dünyanın aparıcı televiziya kanallarında Lahıcla bağlı verilişlər gedib və bu gün də gedir. Həm “Euronews”, həm başqa aparıcı televiziya kanallarında, qonşu ölkələrin kanallarında indi çox gözəl reportajlar verilir. Bu da Azərbaycanın şöhrətini daha da artırır və Lahıca gələcək turistlərin sayını da artırır.
Turizm Azərbaycanda prioritet istiqamətlərdən biridir. Mənə verilən məlumata görə, Lahıcda otellər tikilir, bir otel indi məktəbin önündə inşa edilir. Mən bunu da alqışlayıram. Nə qədər çox turist gəlsə, ölkəmizə o qədər də çox pul gələcək. Bax, turistlərin sayı 2016-cı ildə 22 faiz, 2017-ci ildə 20 faiz, bu ilin 7 ayında 9 faiz artıb və bu proses davam edir. Hər gələn turist xidmət sektorunun inkişafına xidmət göstərir. Mən istəyirəm ki, hər bir yerdə, ölkəmizin hər bir guşəsində insanlar daha da yaxşı yaşasınlar, onların həyat səviyyəsi yüksəlsin, dolanışıq yaxşı olsun. Ona görə biz bütün lazımi infrastruktur layihələrini icra edirik, o cümlədən İsmayıllı rayonunda. Mən dünən İsmayıllı rayonunun bəzi obyektlərinin açılışında olmuşam. Həm yeni heyvandarlıq kompleksi, aqropark, yarımstansiya, yollar – bütün bunlar İsmayıllı rayonunun inkişafına xidmət göstərir. İsmayıllı rayonunda qazlaşdırmanın səviyyəsi 75 faizdir. Biz içməli su layihəsini icra etmişik, İsmayıllı şəhərinin içməli su problemi həll olunub. Bir çox kənd yolları salınıb. Dünən istifadəyə verdiyimiz yarımstansiya nəinki İsmayıllı rayonuna, qonşu rayonlara da enerji ötürür. İndi yarımstansiya ancaq 40 faiz gücü ilə işləyir. Yəni, İsmayıllı rayonunun gələcək inkişafı üçün bizdə indi bütün enerji təsərrüfatı mövcuddur.
Dünən mən xalçaçılıq fabrikinin açılışında iştirak etmişəm. Orada 150 qadın işlə təmin olunub, xalçaçılıq sənətini yaşadır, yaxşı maaş alır. Yəni, bu gün Azərbaycan reallıqları budur. Ən ucqar yerdə infrastruktur yaradılır, təhsil müəssisələri tikilir, yollar, qaz xətləri çəkilir ki, insanlar rahat yaşasınlar. Əminəm ki, yolun, qazın çəkilişindən sonra Lahıca gələn qonaqların - həm Azərbaycan vətəndaşlarının, həm də xarici vətəndaşların sayı qat-qat artacaq.
Mən şadam ki, bu gün sizinlə birlikdəyəm. Mən lahıclılarla müxtəlif sərgilərdə dəfələrlə görüşmüşəm - Bakıda, Mehriban xanımın xətti ilə Heydər Əliyev Fondunun tədbirlərində, xarici ölkələrdə lahıclılar öz sənətini nümayiş etdirirlər. Hər dəfə də onlar məni dəvət edirdilər, mən də hər dəfə deyirdim ki, gələcəyəm. Amma bir daha demək istəyirəm, istəyirdim ki, əliboş gəlməyim. Sizi bir daha təbrik edirəm".
- İlham Əliyev Sumqayıtda zavod açılışında
18 fevral 2019 12:20
- Gəncədə Mehriban Əliyevanın adından ehsan verildi (FOTO)
17 fevral 2019 10:50
- İlham Əliyev Moskvadakı hadisəni nəzarətə götürüb - Video
17 fevral 2019 10:23
- Qroznının ilk fəxri vətəndaşı baş verənlərlə bağlı bəyanat verdi
16 fevral 2019 18:04
- Prezidentdən Siyavuş Novruzovla bağlı - Sərəncam
16 fevral 2019 15:05
- Leyla Əliyeva “Toplan” sahibsiz itlər üçün mərkəzin açılışında - Fotolar
16 fevral 2019 13:29
- Prezident 5 komissiyanın tərkibində dəyişiklik etdi
15 fevral 2019 16:49
- Zahid Oruc yeni vəzifəsindən danışdı - Nə iş görəcək?
15 fevral 2019 14:42
- Birinci vitse-prezident Gəncədə səfərdədir (FOTOLAR)
15 fevral 2019 14:35
- İlham Əliyevin imzasını saxtalaşdıran deputat köməkçisi saxlanılıb
15 fevral 2019 14:26
- “İbrahimbəyov məni dəvət edib, sağlığına tost demişəm” - Anar
18 fevral 15:36
- "Aztelekom"un sabiq baş direktorunun məhkumluğu ləğv edildi
18 fevral 14:35
- Məktəb direktorunu döyən aktyora və bacısı oğluna cinayət işi açıldı
18 fevral 13:58
- SOCAR-la “KazMunayQaz” arasında memorandum imzalanıb
18 fevral 13:32
- Rüstəm İbrahimbəyov Bakıya gəlib - Fotolar
18 fevral 12:59
- SOCAR: “İdarə rəisinin saxlanıldığı barədə məlumatlar həqiqət deyil”
18 fevral 12:51
- İlham Əliyev Sumqayıtda zavod açılışında
18 fevral 12:20
- Məşhur FHN generalının banka külli miqdarda borcu üzə çıxdı
17 fevral 17:26
- “Vertolyotla Yevlağa kimi pul səpəcəm....
17 fevral 16:30
- Qadınların sayının kişilərdən çox olduğu ölkələr (SİYAHI)
17 fevral 16:14
- “Qəribəsi o idi ki, Əfsanə ağlamırdı...” - Ər-arvad intiharının təfərrüatı
17 fevral 15:44
- Gəncədə Mehriban Əliyevanın adından ehsan verildi (FOTO)
17 fevral 10:50
- Azyaşlılara qarşı cinsi zorakılıq edən Baş Yepiskopla bağlı qərar verildi
17 fevral 10:41
- Sabiq məmur və övladlarının Slovakiyadakı biznesi üzə çıxdı (FOTO)
17 fevral 10:34
- İlham Əliyev Moskvadakı hadisəni nəzarətə götürüb - Video
17 fevral 10:23
- Milli Şura yeni mitinq keçirəcək
17 fevral 10:16
- ABŞ-da insanlar girov götürüldü, 4-ü öldürüldü
17 fevral 10:11
- Damla icra başçısının müavini ilə sevgilidir- FOTOLAR
16 fevral 19:07
- Qroznının ilk fəxri vətəndaşı baş verənlərlə bağlı bəyanat verdi
16 fevral 18:04
- Ordubada 18, Lerikə 15, Yardımlıya 10 sm qar yağdı
16 fevral 17:13
- Dünyaya hökm edən Rokfellerlərin sirli keçmişi
16 fevral 15:59
- “Bu hadisə Azərbaycan-Çeçenistan dostluğunu daha da möhkəmlədəcək”
16 fevral 15:32
- Prezidentdən Siyavuş Novruzovla bağlı - Sərəncam
16 fevral 15:05
- Yüksək vəzifəli məmurun xaricdəki biznesi ifşa edildi (FOTOFAKT)
16 fevral 14:12
- Əbülfəz Məlikovla Eldar Mahmudov arasında hansı anlaşma olub?
16 fevral 14:03
- Nazir uşaqlara baş çəkdi - Fotolar
16 fevral 13:49
- Leyla Əliyeva “Toplan” sahibsiz itlər üçün mərkəzin açılışında - Fotolar
16 fevral 13:29
- Azərbaycanın “biznesmen” nazirləri
15 fevral 18:07
- Penitensiar Xidmətdən Taleh Bağırovla bağlı açıqlama
15 fevral 17:18
- Mirşahin Ağayevin qardaşı azadlığa çıxdı
15 fevral 16:59