- ABŞ-dən sülhməramlıların Qarabağı tərk etməsinə - Reaksiya
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
- Rusiyanın sülhməramlı kontingenti Azərbaycanı tərk edir - Video
- Hadi Rəcəbli vəfat etdi - Yenilənib
- Tanınmış həkim telefon nömrəsini satışa çıxardı – 26 min manat
Ramiz Rövşən Allahın Yer üzünə sevgi məktubudur...
Cəmiyyət15 dekabr 2018 18:03
Bu gün müasir Azərbaycan poeziyasının qüdrətli nümayəndələrindən olan, görkəmli söz ustası, xalqımızın sevimli şairi Ramiz Rövşənin doğum günüdür. Bu münasibətlə professor Qulu Məhərrəmlinin böyük şairə həsr olunmuş təbrik yazısını təqdim edirik.
* * *
Bu gün cəmiyyətdə mənəvi dəyərlərin gücdən düşdüyü, həqiqi ədəbiyyatın, poeziyanın, laqeydlik və süstlük dumanları içərisində azıb qaldığı bir vaxtda Ramiz Rövşən haqqında danışmaq bizi bu dumanlardan aydınlığa çıxara biləcək işıq haqqında danışmaq deməkdir. Əslində neçə illərdir ki, insanların çoxu şairin yaradıcılığına onları mənəvi təlatümlərdən xilas edəcək mistik bir qüvvə, ruh hadisəsi kimi baxır, onun şeirləri ilə yaşayır, bu şeirlərlə könüllərini ovundurur, onlarla təsəlli tapır, sabaha ümidlə boylanan ümidlərini bu şeirlərlə bəsləyirlər. Bu mənada L.Tolstoyun dediyi “Ədəbiyyat insanları tənhalıqdan xilas edir” kəlamı, sözün həqiqi mənasında R.Rövşən kimi ədəbi dühalara aiddir.
Azərbaycan ədəbiyyatı və ictimai mühitində Ramiz Rövşənin tutduğu mənəvi ərazi çox genişdir. İnsan hisslərinin oyaq olduğu, ağlın kara gəldiyi hər yerdə onu tanıyır, duyğuları təlatümə gətirən, beyinləri işıqlandıran, düşüncələri duruldan populyar şeirlərinə görə onu sevir, ehtiram göstərirlər. Hətta onun şöhrətindən darılanlar belə R.Rövşənin yaratdığı poetik nümunələri müasir bədii mədəniyyətimizin sənətkarlıqla yaradılmış inciləri olduğunu inkar etmirlər. “Populyarlıq şair istedadının göstəricisi deyil” fikri R.Rövşən kimi böyük söz ustasının yaradıcılığına münasibətdə öz gücünü itirmiş olur.
* * *
R.Rövşəndən danışmaq, çoxrəngli və çoxsəsli çağdaş Azərbaycan ədəbiyyatından, poeziyamızın metafizikasından, onun yaratdığı möcüzələrdən danışmaq deməkdir. Minillik poeziya tariximizdə ən konseptual şairlərdən biri olan R.Rövşənin yaradıcılığından söz açmaq, neçə əsrlər öncə Yaxın Şərq şeirində yeni poetik üslub formalaşdırmış M.Füzulidən üzü bu yana intellektual fırtınaların gedişatını izləmək, bu gedişatın bir şairin yaradıcılığında əbədiləşmiş və dünya ilə səsləşən ədəbi-poetik təcəssümünü görmək deməkdir. Yəni R.Rövşən əsrlərdən üzübəri yol gələn sözün tozunu silib ona yeni həyat vermiş, təkrarsız ifadə tərzi ilə onu cilalayaraq öz üslubunu yaratmış bir şairdir. Bu şarin söz bağçasında bərq vuran və dillər əzbəri olan “İlan balası”, “Toz”, “Qara paltarlı qadın”, “Göy üzü daş saxlamaz”, “Nəfəs” kimi onlarca poetik nümunələri, eləcə də nəğmələr silsiləsi onun yerlə göy arasında gərdiş edən azad ruhunun, insan duyğu və düşüncələrini yüksək sənətkarlıqla nəzmə çəkməyinin bədii ifadəsidir. Mən bu sənətkarlığın göstəricisi kimi R.Rövşənin ana dilimizin ifadə imkanlarından, xalq dilinin incəliklərindən məharətlə bəhrələnməsini, xüsusi poetik arsenalı səfərbər etmədən bir şeirlə bir roman yaratmaq məhərətini, sözdən qurduğu alliterasiyaları, alogizmləri, adi kəlmələrə ilahi ruh vermək qüdrətini bir yana qoyuram…
Uzun illərdir ki, bir yerdəyik, söz-söhbətimiz yaxşı tutur, onu yaxından müşahidə edir, yaradıcılığını diqqətlə izləyirəm. Gəldiyim qənaət budur ki, R.Rövşən yalnız şair deyil, bu ad onun istedadının, coşqun ruhani gücünün, düşüncə və intellektinin, şəxsiyyətinin miqyas və mahiyyətini tam ifadə etmir. Poeziya, nəsr, kino sənəti, dil və semiotika, fəlsəfi problemlər, dünya ədəbiyyatı, teatr, estetika, dramaturgiya, publisistika, yaradıcı peşənin möcüzələri və s. barədə şairin bilikləri adamı bu fikrə gətirir ki, Tanrı bu insanın boyuna, sanki fərqli bir missiya biçib. “Daş” povesti kimi unikal romanın, saysız-hesabsız kinosenarilərin, hər biri bir tarixi-mənəvi mənzərə sayılan esselərin, kinopovestlərin müəllifi olan R.Rövşənin qüdrətli şair R.Rövşənin kölgəsində qalmasını ədalətsizlik hesabetməkdən və sakitcə təəssüflənməkdən başqa çarə qalmır.
Bütün bunlar onu deməyə əsas verir ki, təbii istedadı, intellekti, şair fəhmi, çoxşaxəli yaradıcılığı ilə Ramiz Rövşən yalnız parlaq ədəbiyyat faktı deyil, həm də kulturoloji hadisədir. Ona görə də hesab edirəm ki, Azərbaycan poeziyasında fərqli bir cığır açaraq öz üslubunu yaratmış, öz həyat və yaradıcılıq fəlsəfəsi olan, yaradıcı ruhundan başqa heç bir kənar iradəyə boyun əyməyən və bu mənada həm də mətinlik, əyilməzlik və azad ruhun rəmzi olan Ramiz Rövşən Allahın insanlara, Yer üzünə, bizlərə bir sevgi məktubudur. Bu səbəbdən də şairin özü də, sözü də, yaradıcılığı da fərqli, ilahi bir missiya daşıyır.
Mən bu missiyanın daşıyıcısı olan qüdrətli şairi və əziz dostumuzu doğum günü münasibətilə ürəkdən təbrik edir, Allah sevgisinin onun üzərindən əskik olmamasını arzulayıram!!!
Qulu Məhərrəmli, Tanınmış ictimai xadim, professor
Oxşar xəbərlər
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Papa qadın məhbusların ayaqlarını yuyub öpdü
29 mart 2024 10:44
- Bu gün ilk Qədr gecəsidir
28 mart 2024 17:37
- Salam verməyin nə əhəmiyyəti var?
24 mart 2024 20:33
- Bab və babilik: Bir tarixi hadisənin izi ilə
21 mart 2024 23:10
- 2 polis işğaldan azad olunan ərazidə ehtiyatsızlıqdan həlak oldu
13 mart 2024 09:30
- Adların mənası – TAM SİYAHI
12 mart 2024 21:50
- Bakcell deputatın şirkətini məhkəməyə verdi – Şirkətin 9,4 milyon vergi borcu da var
11 mart 2024 19:19
- Orucluq dövründə intim münasibət olarmı ? - Halal və haram olan nələrdi..
11 mart 2024 13:25
Xəbər lenti
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
- Kür çayında batan ata və altı yaşlı qızının FOTOSU
13 aprel 10:05
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 09:29
- Çingiz Abdullayev xəstəxanaya yerləşdirildi - Vəziyyəti ağırdır
13 aprel 08:38
- Əməkdar artist vəfat etdi
12 aprel 21:21
- Günəş "öləndə" nələr baş verəcək?
12 aprel 21:03
- Türkiyədə 2028-ci il seçkiləri: Əkrəm İmamoğlu, yoxsa Səlcuk Bayrakdar?
12 aprel 12:56
Video & Fotoqalereya
Video
Fotoqalereya