Sumqayıtda başçının 1-ci müavini bağça müdirinin evini banka girov qoydurub? – Video
Tünzalə Nəsibova: “Sumqayıtın icra başçısının 1-ci müavini Teymur Səmədovun İcra Hakimiyyətinə işə götürdüyü Günel xanım ilyarım müddətində Sumqayıtda üç, Türkiyənin İstanbul şəhərində bir ev alıb… Aynur xanım isə bir aydır işə çıxıb, artıq Sumqayıtda bir ev alıb, mənə isə…”
Son dövrlər ölkədə fəaliyyət göstərən idarə və müəssisələrdən işçilərin ixtisarı, işdən çıxarılmalar geniş yayılıb. Təbii ki, işçini ixtisara salmaq və ya kənarlaşdırmaq hər bir müəssisə və qurumun haqqıdır, lakin işçinin haqqını tapdalamaq hesabına bu, yolverilməzdir. İllah da ki, işəgötürən tərəfindən qərəzli şəkildə əmək müqaviləsi Azərbaycan Respublikasının Əmək Məcəlləsinin 70-ci maddəsinin “ç” bəndi ilə ləğv edilə.
Qeyd edək ki, 70-ci maddənin “ç” bəndi işçi özünün əmək funksiyasını və əmək müqaviləsi üzrə öhdəliklərini yerinə yetirməməsi və ya əmək funksiyalarının kobud pozulması əsası ilə əmək müqaviləsinə xitam verilməsini ehtiva edir. Belə olan halda da, bəzi işəgötürənlər əsasən bu əsasla əvvəllər əmək müqaviləsinə xitam verilmiş şəxslərlə əmək münasibətləri bağlamaqdan çəkinirlər.
“Təzadlar” qəzetinə müraciət edən Sumqayıt şəhərindəki 18 saylı uşaq bağçasının müdiri Tünzalə Nəsibova da məhz belə bir xoşagəlməz halla qarşılaşa biləcəyinin narahatlığını yaşayır.
T.Nəsibovanın bu barədə əməkdaşımıza verdiyi video-müsahibəsindən məlum olur ki, o, 2003-cü ildən Sumqayıt şəhərindəki 18 saylı uşaq bağçasında müdir vəzifəsində çalışır. Sovet dövründə, daha dəqiq desək, 1955-ci ildə tikilmiş ikimərtəbəli binada fəaliyyət göstərən uşaq bağçası büdcədən maliyyələşdirilsə də, burada istər dövlət, istərsə də hər hansı hüquqi şəxs tərəfindən təmir işi aparılmayıb. Ancaq bağça müdiri T.Nəsibova uşaqların rahatlığını nəzərə alaraq öz şəxsi vəsaiti hesabına elektrik, su və kanalizasiya xətlərini yeniləyib, binanın fasadında kosmetik təmir işləri gördürüb. Amma…
Son vaxtlar Sumqayıt şəhər İcra Hakimiyyəti başçısının 1-ci müavini Teymur Səmədov tərəfindən təzyiqlərə məruz qaldığını deyən bağça müdiri ona işdən çıxarılacağı xəbərdarlığı edildiyini bildirib.
T.Nəsibovanın sözlərinə görə, başçının 1-ci müavini T.Səmədov ona bir neçə il öncə xəbərdarlıq edib ki, əgər öz vəzifəsində qalıb işləmək istəyirsə, bağçanı təmir etdirməlidir. O da məcbur olub 2017-ci il aprel ayının 27-də Sumqayıt şəhəri, 13-cü mikrorayonda istifadəsində olan 0,1 ha torpaq sahəsində yerləşən 1 nömrəli, 5 mərtəbəli binanın 5-ci girişində, 5-ci mərtəbəsində 68,34 kv.m ümumi, 47,31 kv.m yaşayış sahəsindən ibarət 3 otaqlı 48 nömrəli mənzilini görov qoyaraq “FİNOKO” Bank Olmayan Kredit Təşkilatı Açıq Səhmdar Cəmiyyətindən ipoteka müqaviləsi ilə 10 min dollar kredit götürərək bağçanı əsaslı şəkildə təmir etdirib. Təmir işləri bitər-bitməz Teymur Səmədovun tapşırığı ilə İH-nin əməkdaşları Aynur xanım və Rövşən müəllim, demək olar ki, hər gün bağçaya gələrək, nəsə bir çatışmazlıq, nöqsan tapıb bu bəhanə ilə də iki diplomulu, ali təhsilli mütəxəssisi işdən çıxartmaq istəyirlər. T.Nəsibova bildirib ki, Aynur xanımla Rövşən müəllim hətta bağçanın işçilərinə müxtəlif vədlər verərək onun əleyhinə izahatlar yazdırırlar.
Bu təzyiqlərdən artıq stress vəziyyətinə salındığını deyən bağça müdiri bank ödənişlərinin 2021-ci ildə tamamlanacağını bildirib: “Əgər məni işdən çıxaracaqdılarsa, bu qədər xərci niyə mənə çəkdirirdilər? İşdən çıxarılsam, bu borcu necə ödəyəcəyəm? Buna nə ad vermək olar? Teymur müəllim deyir ki, sənin işin məni qane etmir. Niyə? Çünki istəyir ki, məni işdən çıxarıb, öz adamını yerimə təyin etsin”.
Tünzalə Nəsibovanın iddiasına görə, Sumqayıt İH başçısının 1-ci müavini Teymur Səmədov bağçanın müdirlik vəzifəsini başqasına satıb. Sumqayıt şəhər İcra Hakimiyyətinin başçısı Zakir Fərəcovla görüşməyə imkan verilmədiyini vurğulayan T.Nəsibova icra başçısının 1-ci müavini Teymur Səmədovun qəbulunda olub, vəziyyəti danışıb. 1-ci müavindən müsbət cavab almayan bağça müdiri bu barədə Azərbaycan Respublikasının Birinci vitse-prezidenti Mehriban xanım Əliyevaya şikayət edəcəyini bildirib. T.Səmədovun da cavabı bu olub ki, əgər o, öz ərizəsi ilə işdən çıxmasa və ya harasa şikayət etsə, onu elə bir maddə ilə (yəni, Əmək Məcəlləsinin 70-ci maddəsinin “ç” bəndi ilə – RED.) işdən kənarlaşdıracaq ki, başqa yerdə işə götürməsinlər.
“Sumqayıtın icra başçısının 1-ci müavini Teymur Səmədovun İcra Hakimiyyətinə işə götürdüyü gənc xanım Günel ilyarım müddətində Sumqayıtda 3, Türkiyənin İstanbul şəhərində 1 ev alıb, Aynur xanım isə bir aydır işə çıxıb, artıq Sumqayıtda bir ev alıb, mən isə atamın 2000-ci ildə adığı evdə yaşayıram. Bəs mən niyə ev ala bilmirəm? Əksinə, atamın aldığı evi banka ipotekaya qoyaraq pul götürüb bağça təmir etdirmişəm, ancaq indi imkan vermirlər ki, işləyim» – deyən T.Nəsibova üzləşdiyi vəziyyətlə bağlı qəzetimiz vasitəsi ilə Azərbaycan Respublikasının Birinci vitse-prezidenti Mehriban xanım Əliyevaya müraciət edərək, probleminin həll ediləcəyinə ümid etdiyini bildirib: “Bir ana, bir ailə başçısı kimi ona müraciət edirəm. Ümid edirəm ki, hörmətli Mehriban xanım düşdüyüm vəziyyətin ağırlığını nəzərə alaraq mənə yardımcı olacaq”.
Əməkdaşımız məsələyə münasibət öyrənmək üçün Sumqayıt şəhər İcra Hakimiyyəti başçısının 1-ci müavini Teymur Səmədovla əlaqə saxlayıb. T.Səmədov şikayətin əsassız, T.Nəsibovanın bağçadakı fəaliyyətinin isə yarıtmaz olduğunu bildirib. Buna baxmayaraq, T.Nəsibovanın fevralın 16-da icra başçısı Zakir Fərəcov tərəfindən qəbul olunaraq məsələyə aydınlıq gətiriləcəyinə əminliyini ifadə edən T.Səmədov sözügedən tarixdə iş gününün sonunda belə bir görüşün baş tutmayacağını bildirib.
Qeyd edək ki, “Təzadlar” qəzetinin növbəti sayında vətəndaş T.Nəsibovanın Azərbaycan Respublikasının Birinci vitse-prezidenti Mehriban xanım Əliyevaya müraciətini dərc edəcəyik.
Sumqayıt şəhərindəki 18 saylı uşaq bağçasının müdiri Tünzalə Nəsibovanın “Təzadlar” qəzetinə verdiyi video-müsahibəni oxuculara təqdim edirik:
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 2024 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 2024 11:47
- Keçmiş başçının hospitalından şikayət
24 aprel 2024 21:35
- Əliyev Putinlə görüşdü - Video
22 aprel 2024 18:45
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 2024 12:48
- Atatürk və Ərdoğanı təhqir edən şəxs həbs olundu
21 aprel 2024 22:31
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 2024 15:49
- Bakının bu ərazisində binalar əyildi – Hərəkətə keçildi - VİDEO
21 aprel 2024 15:41
- İlham Əliyev 4 kəndi də qaytardı
19 aprel 2024 20:32
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09