Səfər Mehdiyev səfərdən nə vaxt qayıdacaq?

Dövət  Gömrük  Komitəsi  də  MTN  kimi  ləğv  olunmalıdır 

“DGK rəhbərliyi hazır məhsulu NİYƏ külçə kimi sənədləşdirir ?” başlıqlı ötən yazımızda Dövlət Gömrük Komitəsi rəhbərliyinin sahibkarlara, iş adamlarına əsassız olaraq yaratdığı problemlərdən bəhs etmişdik.

Qısa məlumat üçün qeyd edək ki,  3 ildir Gəncə şəhərində fəaliyyət göstərən, əlvan metalların istehsalı, emalı və ixracı ilə məşğul olan  Salehoğlu LTD MMC şirkətinin ekspertiza üzrə mütəxəssisi  Məmmədov Bayram Camal oğlu  NUH.az saytına bildirmişdi ki, DGK rəhbərliyi ixrac olunan məhsulların laborator müayinəsini bilərəkdən 3-4 gün kecikdirir və sahibkarlar  hər bir  konteyner üçün hər gün 150 dollar cərimə ödəməyə məcbur olur.

Bundan əlavə Bayram Məmmədov  müxbirimizə bildirirb ki, DGK rəhbərliyi  sahibkarları məcbur edir ki, ixrac etdikləri hazır məhsulu  xammal-külçə kimi sənədləşdirsinlər:”Bizi məcbur edirlər ki, latun və mis çubuqları  hazır məhsul kimi deyil, məhz külçə kimi sənədlışdirək.  Axı, biz neçə ildir  böyük vəsait sərf edib avadanlıqlar almışıq, istehsal sahəsi yaratmışıq, əsasən Qarabağ veteranlarından ibarət olan 25 nəfər işçiyə  maaş veririk, ayda  12-13 min manat qaz sərfinə,  5 min manat işıq sərfinə, ildə  20 min manat sosial müdafiə fonduna, 80-100 min manat vergiyə pul ödəyirik. Bu boyda xərclərdən sonra biz istehsal etdiyimiz hazır məhsulu niyə  külçə kimi sənədləşdirməliyik?

Axı, Nazirlər Kabinetinin hazır məhsul  və külçə ixracı ilə bağlı qərarı var. DGK rəhbərliyi NK-nın qərarını  ayaq altına atır. Bircə sadə hesabla DGK-nın sahibkarın başına açdığı oyuna nəzər salaq. Nazirlər Kabinetinin qərarı ilə 1 ton latun, mis külçənin ixrası üçün dövlətə 320 dollar rüsum ödənməlidir. Deməli bizim şirkət 24 ton külçə üçün 24 x 320 = 7680 dollar rüsum ödəməlidir. Əslində bizim şirkət hazır məhsula görə NK-nın qərarına uyğun olaraq 1356 manat rüsum ödəməliyik. 7680 dollar hara, 1356 manat hara ? Fərqi gördünüz”.

Bayram Məmmədov dəfələrlə DGK-ya müraciət etsə də ona könkret cavab verən olmayıb. Daha doğrusu, komitədə daxili telefonla əlaqə saxladığı vəzifəli şəxs ona bildirib ki, biz sizə sübut edəcəyik ki, sizinki hazır nəhsul deyil, külçədir.

Bu gün redaksiyamızla əlaqə saxlayan Bayram Məmmədov bildirdi ki, məsələ ilə bağlı DGK-nın Mərkəzi Gömrük Ekspertizası İdarəsinin rəis,  gömrük xidməti polkovniki Təyyar İbrahimovla və idarənin Texnoloji və Mexaniki avadanlıqların ekspertizasl şöbəsinin müdiri İsgəndər Abbasovla görüşmüşük.

Təyyar İbrahimov  şirkətin nümayəndəsinə bildirib ki, DGK-nın labarator avadanlığı sıradan çıxıb, ona görə də məhsulunuza  rəy verə bilmirik, bir neçə gün gözləməli olacaqsınız.

Şirkət nümayəndəsinin “Bəs bizə dəyən zərəri kim ödəyəcək” sualna isə idarə rəisi “Əlbəttə, özünüz ödəyəcəksiniz” cavabını verib.

Şirkət nümayəndəsinin “ Bizə ya hazır məhsul, ya da külçə kodu verin” tələbinə isə şöbə müdiri İsgəndər Abbasovun cavabı maraqlı olub: “ Komitə sədri  Səfər Mehdiyev xaricdə səfərdədədir. Biz kod verə bilmərik, qoy sədr gəlsin qərarını versin”.

Şirkətin nümayəndəsi NUH.az-a bildirib ki, hazırda gecikməyə görə, konteyner üçün 600 dollar cərimə verməliyk, Səfər müəllim gələnə kimi cərimə 2000 dollara çatacaq.

Bayram Məmmədov müxbirimizə onu da bildirib ki, Ekspertiza İdarəsinin mütəxəssisləri öz vəzifələrini müstəqil icra edə bilmir, yuxarının qərarını gözləyir, bu isə sahibkarlara ciddi problem yaradır.

Məsələ ilə bağlı  Ekspertiza İdarəsinin rəisi ilə  ( +994 12 440-14-06 ) əlaqə saxlamaq cəhdimiz alınmadı.

Qarşı tərəfin mövqeyini dərc etməyə  hazırıq. 

P.S. Bir media qurumu olaraq apardığımız araşdırmalar onu göstərir ki, DGK sədri Səfər Mehdiyev cənab Prezidentin etimadını doğrulda bilmir, gömrük sistemində ciddi islahatlar aparmaq əvəzinə ciddi problemlər yaradır. Ümumiyyətlə, uzun illər İranlı Əhədlə gömrük sistemində monopoliya yaradan bir şəxsin ciddi isalahat aparması heç bir məntiqə sığmır. Eldar Mahmudovun, Akif Çovdarovun reputasiyasını zədələdiyi Milli Təhlükəsizlik Nazirliyi tam ləğv olunduğu kimi DGK-nın da bir qurum kimi ləğv olunmasının zamanı çatıb. Son qərar cənab Prezidentindir.

NUH.az