AZAL-ın sapiq prezidenti: “Təyyarənin vurulma ehtimalı var”

Ədalət Əliyev Demokrat.az-a açıqlamasında bildirib ki, sözügedən təyyarənin quş dəstəsilə toqquşması versiyası reallığa uyğun deyil:

"İndi Xəzər dənizinin üzərində quş dəstəsi qətiyyən ola bilməz. Xəzərdə quşlar əsasən payız aylarında köç edən zaman görünürlər. Yəni, payız aylarında quşlar isti ölkələrə köç edirlər. Digər dövrlərdə isə quş dəstəsi olmur. Quşlar edən zaman isə quşlar təqribən 10 min metr hündürlükdə uçurlar. Ona görə də "MiQ-29″un quş dəstəsilə toqquşması inandırıcı deyil”.

AZAL-ın sabiq prezidenti ehtimal edir ki, "MiQ-29” təyyarəsi təlim uçuşları həyata keçirən zaman kənar müdaxilə ilə üzləşib:

"Bu hadisə ilə bağlı düşünürəm ki, təyyarənin həm vurulma ehtimalı, həm də köhnə olma ehtimalı ola bilər. Hətta, qəza təyyarənin mühərrikinin partlamasından da baş verə bilərdi. Təyyarənin qəzaya uğraması üçün ciddi texniki səbəb olmalıdır. Mən "MiQ-29″un quşla toqquşması səbəbindən qəzaya uğramasını düşünmürəm. Hətta, quşla toqquşaraq təyyarənin mühərriki sıradan çıxsaydı belə, pilotun katapultdan istifadə edərək xilas olmaq imkanı var idi. Tutalım ki, təyyarə havada uçan zaman onun mühərriki qəfil xarab olur. Bu zaman pilot dərhal xəbər verir ki, təyyarənin mühərriki çalışmır və mən katapultdan istifadə edirəm. Pilotun bütün son danışıqları isə təyyarənin "qara qutu”suna qeyd olunur”.