Sabiq məmurların bu günü: kim harada, nə edir?
Maqazin7 sentyabr 2019 11:41
Azərbaycanda vəzifəsindən azad olunan nazirlər, komitə sədrləri və digər yüksək vəzifəli məmurların sonrakı həyatı ictimaiyyəti maraqlandıran məsələlərdən biridir. İnsanlar uzun müddət yüksək vəzifələr tutmuş şəxslərin məmur kürsüsündən getdikdən sonrakı məşğuliyyəti barədə məlumatları həvəslə oxuyurlar.
Məlumdur ki, ötən ilin aprelində keçirilən prezident seçkilərindən sonra xeyli sayda yüksək vəzifəli məmur işdən azad olundu. Yeni hökumət kabinetində yer almayan bu nazir və komitə sədrləri nə işlə məşğuldurlar?
Qeyd edək ki, dünyada geniş yayılmış praktikaya əsasən sabiq dövlət rəhbərləri, baş nazir, nazir və prezidentlər öz təcrübələrini müxtəlif universitetlərdə tələbələrlə bölüşürlər. Ölkə mətbuatında yer alan, sonradan təsdiqini tapan məlumatlardan aydın olur ki, Azərbaycanda da sabiq məmurların bir çoxu elmi-pedaqoji fəaliyyətə üz tutur. "Aprel sabiqləri”ndən biri - 5 il əmək və əhalinin sosial müdafiəsi naziri olmuş Səlim Müslümov Milli Aviasiya Akademiyasının Dünya iqtisadiyyatı kafedrasının müdiri vəzifəsində çalışmaqdadır. Daha biri sabiq kənd təsərrüfatı naziri Heydər Əsədov da boş qalmayıb. Belə ki, o, Dövlət Dəniz Akademiyasının rektorudur.
Postundan 2018-ci ilin aprelində uzaqlaşan sabiq ekologiya və təbii sərvətlər naziri Hüseynqulu Bağırov da təhsil sahəsindədir - Qərbi Kaspi Universitetinin idarəetməsinin başına keçib.
Sabiq məmurlarımız arasında təhsil sahəsində çalışanlardan biri də Dövlət Gömrük Komitəsinin sədri olmuş Aydın Əliyevdir.
Beləliklə, aprel seçkilərindən sonra kreslosunu itirmiş yüksək vəzifəlilərin ən azı 4-ü müxtəlif universitetlərdə çalışmaqdadır. Lakin dünya praktikasından fərqli olaraq, onlar tələbələrə öz təcrübələri barədə mühazirə oxumayıb, konkret istiqamətlər üzrə fənnləri tədris etmək, yaxud müxtəlif yüksək vəzifələri tutmaqdadırlar.
Nəqliyyat naziri Ziya Məmmədov isə işsizdir, ibadətlə məşğuldur.
Keçmiş vergilər naziri Fazil Məmmədov biznesini idarə edir.
Sabiq məmurların bir qismi də var ki, vəzifədən alınandan sonra adları müxtəlif qalmaqallarda hallanmaqdadır. Onlardan biri baş nazirin sabiq müavini İsmət Abbasov gündəmə oğlunun xarici ölkələrdə böyük biznesinin aşkarlanması ilə gəlib. Oğlu barədə ən müxtəlif məlumatlar yayılsa da, İ.Abbasov onların heç birinə münasibət bildirməyib.
Qeyd edək ki, ötən ilin aprelində vəzifədən alınan iki məmurla bağlı ciddi tənqidlər səsləndirilmişdi. Prezident Administrasiyasının rəhbəri Ramiz Mehdiyev miqrasiya orqanları və Diaspora ilə İş üzrə Dövlət Komitəsində korrupsiya hallarına yol verildiyini bildirmişdi. Administrasiya rəhbəri ən kəskin formada Diaspora Komitəsi haqqında danışmışdı: "Diasporla İş üzrə Dövlət Komitəsinin işində narazılıqlar var idi, Komitənin sədri Nazim İbrahimov öz vəzifəsinin öhdəsindən layiqincə gələ bilməyib. Təbii ki, bütün bunlardan Prezident İlham Əliyevin də məlumatı var. Buna görə də Prezident Nazim İbrahimovun işdən azad edilməsi barədə sərəncam verib. Nazim İbrahimovun rəhbərliyi dövründə nə Gürcüstanda, nə Avropa ölkələrində, nə də Orta Asiya ölkələrində yaşayan azərbaycanlılarla heç bir iş görülməyib. Düzdür, Komitədə müəyyən beynəlxalq tədbirlər keçirilib, amma konkret işlər görülməyib. Müəyyən tədbirlərin həyata keçirilməsində dövlət tərəfindən ayrılan maliyyə yardımları da öz ünvanına çatmayıb”.
Nazim İbrahimov isə R.Mehdiyevin dediklərini inkar etməyib və mətbuata açıqlamasında bunları deyib: "Ramiz Mehdiyev bizim ağsaqqalımızdır. Onun fikirləri tərəfimizdən birmənalı olaraq qəbul olunur”.
Tənqidləri qəbul edən cənab İbrahimov elə ötən ilin mayında Nizami Gəncəvi Beynəlxalq Mərkəzinin sədri təyin olunub.
R.Mehdiyevin tənqid etdiyi Dövlət Miqrasiya Xidmətinin keçmiş rəisi, II dərəcəli dövlət miqrasiya xidməti müşaviri Firudin Nəbiyevin isə adı mətbuatda var-dövlətinə görə hallanmaqdadır. Müxtəlif resurslar ona məxsus olduğu deyilən xeyli sayda biznes obyektinin siyahısını dərc edirlər - bura yanacaqdoldurma məntəqələrindən tutmuş fermer təsərrüfatına, hətta gözəllik salonuna qədər çoxşaxəli biznes obyektləri aiddir. Bu isə cənab Nəbiyevin biznes fəaliyyəti ilə məşğul olmasından xəbər verir.
Daha bir sabiq - 25 il Baş nazirin müavini olmuş Abid Şərifovun da adı bu günlərdə mətbuatın gündəminə gəldi. Ondan müsahibə almaq istəyən və yox cavabı alan jurnalist cənab Şərifovun maşınının üstünə çıxmışdı. Xatırladaq ki, A.Şərifov baş nazirin müavini kimi tikinti sənayesi, nəqliyyat, rabitə, şəhər təsərrüfatı sahələrinn kurasiya edib. Şərifov əvvəllər Bakı Baş Tikinti Trestində, daha sonra isə "Azərnəqliyyatyoltikinti” Dövlət Şirkətində çalışıb. Onun "Azərnəqliyyatyoltikinti” trestinin 100 nömrəli körpü-tikinti dəstəsinin əsasında formalaşdırılan "Azərkörpü” Açıq Səhmdar Cəmiyyətinin faktiki rəhbəri olduğu deyilirdi. Bu ASC uzun illər boyu Azərbaycanda həyata keçirilən ən böyük tikinti-təmir layihələrinin icrasına cəlb edilib. 2013-cü ildə şirkət adını dəyişərək "Avro-Asiya İnşaat Korporasiyası ”EVRASCON" ASC olub. Bu ASC-nin səhmdarları arasında A.Şərifovun xanımı da olub. "EVRASCON” ASC Azərbaycanda siyahısı birbaşa Nazirlər Kabineti tərəfindən tərtib olunan "Maliyyə Hesabatlarının Beynəlxalq Standartlarına əsasən mühasibat uçotunu aparmalı və maliyyə hesabatlarını təqdim etməli olan ictimai əhəmiyyətli qurumlar”dan biridir. Şirkət Qazaxıstan, Özbəkistan, Ukrayna kimi ölkələrdə layihələr əldə edir. Lakin son illərdə "Evrascon”un ciddi maliyyə çətinlikləri yaşadığına dair məlumatlar yayılmaqdadır. Son olaraq ötən ay şirkətin Ukraynadakı fəhlələrinin əmək haqlarının gecikdirilməsi səbəbilə tətil etdiklərinə dair məlumat verilib.
Cənab Şərifovun "Evrascon”dan əlavə tibb və turizm sahəsində də biznesinin olduğu deyilir...
Aprel seçkilərində Bakı Şəhər İcra Hakimiyyəti başçısı postunu itirən Hacıbala Abutalıbov isə baş nazirin müavini təyin olunub - A.Şərifovun kurasiya etdiyi sahələrə indi o baxır...
Mənbə: musavat.com
Oxşar xəbərlər
- NAR Füzulidə yerləşən məktəbə yeni kitablar hədiyyə etdi
23 aprel 2024 18:28
- Abel Məhərrəmov polkovnik-leytenantın torpağını zəbt edib?
22 aprel 2024 18:57
- Bəraət alan şəxs, Gömrük Komitəsindən milyon yarım təzminat istədi
22 aprel 2024 12:39
- İki Avropa ölkəsi gizli şəkildə birləşməyə hazırlaşır
22 aprel 2024 10:24
- Bu ölkə məktəblərdə rus dilinin tədrisindən İMTİNA EDİR
21 aprel 2024 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 2024 20:51
- BU BİTKİ ürəyi daim sağlam saxlayır
21 aprel 2024 19:09
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Rusiyanın sülhməramlı kontingenti Azərbaycanı tərk edir - Video
17 aprel 2024 11:26
Xəbər lenti
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10
- Avqustda Milli Məclisə seçkilər keçirilə bilər
20 aprel 19:59
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22
Video & Fotoqalereya
Video
Fotoqalereya