Macarıstan səfirliyində evlənən həmyerlimiz: Başıma gələn ən maraqlı hadisədir - MÜSAHİBƏ
Müsahibə25 sentyabr 2019 13:19

İlk dəfə Azərbaycanın Macarıstandakı səfirliyində nikah bağlayan, məşhur "GE-General Electrics” şirkətində işləyən yeganə azərbaycanlı Xavər Ələkbərli Oxu.Az-a müsahibə verib.
- Xavər xanım, harda təhsil almısınız?
- 2011-2015-ci illərdə Azərbaycan Respublikasının Prezidenti yanında Dövlət İdarəçilik Akademiyasında Beynəlxalq Münasibətlər ixtisası üzrə bakalavr təhsili, 2016-2018-ci illərdə Macarıstanın Dövlət Universiteti olan Budapeşt "Business School”da Beynəlxaq Biznes və İqtisadiyyat fakültəsində magistratura təhsili almışam. Bu il isə "National Univercity Of Public Service”ə doktorantura pilləsinə qəbul olunmuşam.
- Təhsilinizi niyə məhz Macarıstanda davam etdirmək qərarına gəldiniz?
- Magistratura pilləsi üzrə bir çox ölkələrin universitetləri ilə maraqlanmışdım. Bu axtarışlar zamanı təqaüd proqramlarını da diqqətlə nəzərdən keçirdim. Bu zaman "Stipendium Hungaricum” proqramı ilə tanış oldum və Hökumətlərarası Təqaüd Proqramı çərçivəsində Macarıstanda oxumağı seçdim. Avropada təhsil almaq, Avropa təhsil sistemi və dəyərləri ilə tanış olmaq bir çox gəncin xəyalıdır. Çox xoşbəxtəm ki, bu məqsədimə nail ola bildim.
- Doktorantura üzrə hansı ixtisası seçmisiniz?
- Doktorantura pilləsi üzrə müraciət etdiyim universitet Macarıstanın Dövlət Qulluğu Universitetidir. Növbəti dörd il ərzində üzərində işləyəcəyim mövzu qlobal arenada dövlətlərin brendinqini, onun ölkənin iqtisadiyyatına, turizminə olan təsirini, dünyada bu sahədə olan uğurlu nümunələrini və digər məsələləri özündə cəmləşdirir. Hesab edirəm ki, seçdiyim mövzu həm Macarıstan, həm də Azərbaycan üçün mühüm və tam araşdırılmamış sahədir.
- Ailəniz xaricdə oxumaq qərarınızı necə qarşıladı?
- Ailəm hər zaman qərarlarımı dəstəkləyib. Orta məktəb dövründən üzərimdə çox əziyyət çəkərək, sağlam qərarlar qəbul edə biləcək şəxsiyyət olaraq formalaşmağıma yardım ediblər. Onların mənimlə qürur duyduğunu bilmək, görmək və eşitmək çox gözəldir. Xaricdə təhsil almağa qərar verdikdə ailəm də dəstəklədi və hazırda dəstəkləməyə davam edir.
- Macarıstanda yerləşən "GE-General Electrics” kimi məşhur bir şirkətdə işləmək təklifi necə gəldi?
- Magistraturanın ikinci təhsil ilindən başlayaraq Budapeştdə bir çox beynəlxalq şirkətə iş üçün müraciət etmişdim. Özümü xoşbəxt hiss edəcəyim, məşğul olduğum işdən zövq alacağım, özümü inkişaf elətdirə biləcəyim və şirkətə töfhəm ola bilək iş axtarırdım. İlk öncə "GE-General Electrics”də altı aylıq təcrübə proqramına olan müraciətim müsbət nəticələndi. Təcrübə müddəti bitdikdən sonra menecerim şirkətdə tam ştat iş təklif etdi. Noyabr ayından etibarən isə "GE”nin ən gəlir gətirən biznesi olan "GE-Aviation”da işimi davam etdirəcəm.
- Şirkətdə hansı vəzifədə çalışırsınız? Beynəlxalq bir şirkətdə işləmək təcrübəsi qazanmaq necə hissdir?
- Hazırda şirkətdə maliyyə üzrə çalışıram. Beynəlxalq şirkətlərin maliyyə əməliyyatları nəhəng olduğu üçün burada iş vəzifələrinin təsnifatı da bir qədər fərqlidir. "Operational Controllership Analyst”in dilimizə tam dəqiq tərcüməsi mümkün deyil, qismən maliyyə-audit vəzifəsinə bənzəyir. Avropada iş təcrübəsi qazanmaq ən böyük xəyallarımdan biri idi. İş mühitinin rahatlığı, öyrədiciliyi, menecerimin və həmkarlarımın mehriban münasibəti, fikir azadlığı, həmçinin öyrənmək həvəsim burada mənə çox kömək olur.
- Azərbaycana qayıdaraq təcrübələrinizi burada tətbiq etmək fikriniz var?
- Avropada qazandığım təcrübəni, öyrəndiklərimi ölkəmin inkişafı naminə sərf etmək istəyirəm. Düşünürəm ki, bu amalımı istər ölkə daxilində, istərsə də ölkə xaricində həyata keçirmək mümkündür.
- Şirkətdə işləməklə yanaşı başqa işlərlə də məşğul olursunuz?
- Gənclər Fondunun dəstəyi ilə Budapeşt şəhərində önəmli bir layihə həyata keçirmişəm. Belə ki, təşkil etdiyim "How do I know Azerbaijan - Mən Azərbaycanı necə tanıyıram?” adlı məqalə yarışması Budapeştdə təhsil alan müxtəlif ölkələrdən olan tələbələr arasında keçirilib. Layihənin qalibi Azərbaycana bir həftəlik səfərlə mükafatlandırılıb, milli adət ənənələrimiz, Bakı şəhəri, Azərbaycanın ailə dəyərləri ilə tanış olublar.
Azərbaycanda isə bir müddət Dövlət İdarəçilik Akademiyasının Tələbə Gənclər Təşkilatına sədrlik etmişəm. Bu dövrdə layihələrin idarə olunması və həyata keçirilməsi üzrə təcrübə qazanmışam. 2013-cü ildə BMT-nin Gürcüstan mərkəzinin qrant proqramı ilə Bakıda, İsmayıllıda "Qadınların qərar qəbul etmə prosesində iştirakı” layihəsinə rəhbərlik etmişəm. Qeyd olunan layihə çərçivəsində liderlik, qərar qəbulu, təhsil və digər sahələrdə müxtəlif təlimçilər tərəfindən sessiyalar keçirilib.
2015-ci ildə "Menecment Akademiyası - 2015” adlı kompleks təlimlər olan layihəm ilə Gənclər Fondunun qalibi olmuşam.
- Macarıstanda daha hansı layihələriniz olacaq?
- Macarıstanda ümumiyyətlə, Avropada həyata keçirmək istədiyim bir neçə layihəm var. Əlbəttə ki, bunların hamısının əsasında Azərbaycanın layiqli tanıdılması, ölkə xaricində olsaq belə, vətənimizə dəstək olmaq, gənclərimizi xaricdə təhsil və özünü inkişafa sövq etmək, cəsarətləndirmək durur.
- Hazırda Budapeştdə neçə azərbaycanlı tələbə təhsil alır?
- Budapeştdə 300-400 arası azərbaycanlı tələbə təhsil alır. Mənim də iştirak etdiyim "Stipendium Hungaricum” təqaüd proqramı vasitəsilə hər il 200 tələbə Macarıstanın müxtəlif şəhərlərinə təhsil almağa gəlir. Azərbaycanlı tələbələr təhsildən sonra müxtəlif qlobal şirkətlərdə təcrübə keçir və işə başlayırlar.
Ümumiyyətlə, Budapeştdə öz sahəsində uğur qazanan, təcrübəli çoxlu azərbaycanlı dostlarımız var. Məsələn, Rəşad Mehbalıyev Budapeştdə yaşayan və təhsil alan ilk azərbaycanlılardandır. Biz tələbələr və burada işləyən digər şəxslər bir-birimizlə R.Mehbalıyevin "Facebook” sosial şəbəkəsində yaratdığı "Macarıstanda yaşayan azərbaycanlılar” qrupu ilə əlaqə saxlayırıq. Bununla yanaşı o, Macarıstana təhsil və iş üçün gələn şəxsləri lazımi məlumatlarla hər zaman təmin edir.
Eyni zamanda, Babək Musazadə yalnız Macarıstanda deyil, bütün dünyada yaşayan azərbaycanlılar üçün "Facebook” platformasında "Gəzəyənlər” qrupunun yaradıcısıdır. Həmvətənlərimiz dünyanın və ölkəmizin müxtəlif yerlərinə etdiyi səyahətlərdən qazandıqları təcrübələri həmin səhifədə bölüşürlər. Bunlarla yanaşı, xeyli çalışqan və öz işlərində uğurlu azərbaycanlılar çoxdur. Düşünürəm ki, uğur şəxsin özündən başqa digərlərinə faydalı olan işlərlə məşğul olmasıdır.
- Macarıstanda təqaüdlə təhsil almaq istəyənlərə köməklik edirsinizmi?
- Sevindirici haldır ki, Azərbaycandan hər il bir çox şəxs təqaüd proqramları ilə, buradakı təhsil ilə maraqlanır. Əlbəttə ki, bacardığım qədərilə məlumat almaq istəyən şəxslərə yardım etmişəm. Məsləhət görərdim ki, tələbə olmaq istəyənlər Təhsil Nazirliyinin və Macarıstan tərəfinin paylaşdığı məlumatlarla diqqətlə tanış olsunlar. Çünki hər il qəbul şərtlərində müxtəlif dəyişikliklər ola bilər.
- Azərbaycanın Macarıstandakı səfirliyi ilə əlaqələriniz necədir? Sizə işlərinizdə köməklik edirlər?
- Macarıstanda yerləşən Azərbaycan səfirliyinin əməkdaşları, başda cənab səfir Vilayət Quliyev olmaqla tələbələrə qarşı çox diqqətcildirlər. Səfirlik tərəfindən milli bayramlarda tələbələr üçün tədbirlər, şənliklər təşkil olunur. Bu, vətəndən uzaqda yaşayan insanlar üçün çox böyük addımdır. Eləcə də mənim yuxarıda qeyd etdiyim layihəmin həyata keçirilməsində çox böyük dəstək oldular.
- Həyat yoldaşınla necə tanış olmusuz?
- Həyat yoldaşımla Budapeştdə tanış olmuşuq. Eyni universitetdə müxtəlif ixtisaslar üzrə təhsil alırdıq. Onunla tanışlıq başıma gələn ən maraqlı və ən gözəl hadisədir. Çünki iki il eyni universitetdə oxusaq da, bir-birimizi tanımamışıq (gülür).
Ümumiyyətlə, Macarıstana oxumağa gələrkən qəti olaraq ailə həyatı haqqında düşünmürdüm. İşimə və təhsilimə daha çox önəm verirdim. Həyatda xoş təsadüflərin olması gözəldir. Həyat yoldaşım da məni layihələrimdə, təhsilimdə, işimdə daim dəstəkləyir.
- Niyə nikahı məhz Budapeştdə bağlamağa qərar verdiniz?
- Bizim üçün xoş xatirəsi olsun deyə nikahımızı Budapeşt şəhərində bağladıq. Həmçinin, işimizlə əlaqədar olaraq Bakıya tez-tez gəlib-getmək mümkün olmadığından nikahın burada bağlanması daha rahat oldu. Buradakı ailəmiz, yaxın dostlarımız, iş yoldaşlarımızla ömür boyunca xatırlayacağımız xoş xatirə oldu. Səfirliyimizin əməkdaşları, Emil Rəhimov və Rüstəm Zərbəliyev hər zaman olduğu kimi nikahımızda da bizə dəstək oldular.
Oxşar xəbərlər
- Bu gün 34 mindən çox abituriyent imtahan verəcək
13 iyul 2025 09:15
- Elə bilirdim ürəyim tab gətirməz, getdim, tamam başqa insan oldum...- Polad Həşimovun XANIMI
12 iyul 2025 14:28
- Yazıçı Sabir Əhmədlinin oğlu ilə TƏSİRLİ MÜSAHİBƏ
11 iyul 2025 01:31
- Bir qətliamın izi – 26 il əvvəl Bakı və İrəvan sülhə yaxın olanda 40 erməni güllələnib
11 iyul 2025 01:44
- Maral tam Ayı 10 iyul 2025: Nə etməli?
10 iyul 2025 11:41
- Rusiyada büdcə kəsiri 6 dəfə artıb; Təhlükəsizlik yastığı sürətlə boşalır...
9 iyul 2025 02:30
- Rusiyada intihar edən nazirlə bağlı şok məqamlar: Hamıdan birinci gəlib göz yaşı tökən gənc qadın kimdir?
8 iyul 2025 02:17
- Dəfninə 3 sevgilisi gələn, dəfələrlə həbs olunan Nazim Hikmətin HƏYATI - VİDEO
7 iyul 2025 10:30
- Saxalində tülkü turistin smartfonunu alıb qaçdı
7 iyul 2025 01:05
- Nikahsız analar, sənədsiz uşaqlar: Kimdir günahkar?
6 iyul 2025 17:29
Xəbər lenti
- Dünyanın 28 ÖLKƏSİ Quba rayonundan KİÇİKDİR - SİYAHI
13 iyul 12:02
- Prezident olmaq çox təhlükəli işdir - Tramp
13 iyul 11:29
- Azərbaycanlı aktrisa anası ilə şokolad vannasına girdi - FOTOLAR
13 iyul 10:11
- Ərdoğan bu şəxslərə yüksək VƏZİFƏ verdi
13 iyul 09:40
- Kişinin mədəsindən 27 alışqan və QƏPİK çıxardılar - FOTO
13 iyul 09:23
- Bu gün 34 mindən çox abituriyent imtahan verəcək
13 iyul 08:47
- Emin Ağalarov Bodruma niyə getdi? Yeni =Sea Breeze=nin sirri açıldı
13 iyul 08:11
- Polşada azərbaycanlıların yaşadığı hostelə polis basqını – Neməti axtarırlar
13 iyul 00:55
- Çayda boğulub ölən Səfiyənin - Fotosu
13 iyul 00:05
- ŞOK : Putin Ukraynanın 0.25 FAİZİNİ ələ keçirib və ...1 KV.KM-ə görə 167 ƏSGƏR İTİRİB
12 iyul 21:27
- Hotel dəhşət : Azərbaycanda gənc qız sevgilisi tərəfindən pəncərədən atıldı VİDEO
12 iyul 20:35
- Veteranları təhqir edən bloger qızı meşədə soyundurub döydülər, VİDEOya çəkib yaydılar - ŞOK
12 iyul 19:44
- Şaraa Heydər Əliyevin məzarını ziyarət etdi - FOTO
12 iyul 19:34
- Sabirabadda da EHSAN VERİLMƏYƏCƏK
12 iyul 18:42
- Abşeron RİH-nin həbs olunan əməkdaşı: Abdin Fərzəliyev atama bildirib ki, cinayət əməlini oğlun öz üzərinə götürsün, ona köməklik göstərəcəyəm...
12 iyul 18:03
- Aİ-də nə qədər insan yaşayır? - Ən çox əhaliyə sahib ölkə bəlli oldu
12 iyul 17:42
- Ərdoğandan PKK-nın tərk-silah olması ilə bağlı SON DƏQİQƏ AÇIQLAMASI
12 iyul 15:49
- Prezident Əl Şaraa ilə görüşdü - Fotolar
12 iyul 14:35
- Elə bilirdim ürəyim tab gətirməz, getdim, tamam başqa insan oldum...- Polad Həşimovun XANIMI
12 iyul 14:28
- Suriya Prezidenti Azərbaycandadır - Fotolar
12 iyul 14:09
- Ukrayna hərbi kəşfiyyatı Sibirdə QAZ kəmərini PARTLATDI ...
12 iyul 12:55
- TEHRAN MERİ : İsrail İrana qarşı CADU və CİNLƏR-dən də istifadə edib..."
12 iyul 12:40
- Tovuz döyüşlərindən 5 il ötür
12 iyul 11:42
- Sumqayıtda kürəkən qayınatasını qətlə yetirdi
12 iyul 11:02
- Rusiyada ƏMƏLİYYAT: İki azərbaycanlının malları əllərindən alındı
12 iyul 10:48
- Atası ilə səfərə getmək qadağan olundu
12 iyul 00:59
- Nazirin oğlu nasizmdə ittiham olunur: İşə təhlükəsizlik xidməti qarışdı
11 iyul 23:06
- Ata 25 yaşlı tennisçi qızını öldürdü - ŞOK SƏBƏB
11 iyul 18:18
- Tofiq Zülfüqarov Elmar Məmmədyarova cavab verdi: Söyüş söyməmişəm
11 iyul 18:02
- Ermənistan mediası sülh müqaviləsinin detallarını açıqladı – Zəngəzur dəhlizi, separatçılığa qarşı öhdəlik və...
11 iyul 17:51
Video & Fotoqalereya
Video
Fotoqalereya