“Eşşək” Moskvaya dəvət olundu

Moderator.az xəbər verir ki, bu haqda  "Qraparak" qəzeti yazıb. 

“Q.Sarukyan orada uzun müddət olmayıb, 1-2 gün qalıb və dünən(21 noyabr) qayıdıb. Moskva mənbələrimizə görə, görüşün məqsədi Qagik Sarukyan və “Çiçəklənən Ermənistan” partiyasına "ruh vermək" olub. Çünki son vaxtlar xüsusən parlamentdə  Paşinyanın "Mənim addımım" fraksiyası ilə “Çiçəklənən Ermənistan” arasında münasibətlər pisləşib və tezliklə büdcə müstəvisində böyük “döyüşlər” gözlənilir”- erməni qəzeti belə məlumat verir. 

“Qraparak”ın yazdığından belə çıxır ki, Kreml “eşşək” ləqəbi ilə tanınan bu oliqarx siyasi fiqura dəstək verərək PaşinyanI devirmək üçün ondan yararlanmaq niyyətindədir.

“Ruslar bir daha açıq şəkildə bildiriblər ki, Ermənistanda radikal müxalifət yaranmalıdır və bu mənada ən sərfəli siyasi qüvvə “Çiçəklənən Ermənistan” partiyasıdır.  Ona da dəstək verməyə hazırdırlar” – işğalçı ölkə qəzeti yazır. 

Səfər haqda partiyanın yaydığı rəsmi məlumatda isə deyilir: 

“Rusiya Federasiyası Federal Məclisinin Dövlət Dumasındakı "Vahid Rusiya" fraksiyası rəhbərinin dəvəti ilə Qagik Sarukyanın rəhbərlik etdiyi nümayəndə heyəti "MDB ölkələrinin parlamentlərarası əməkdaşlığında siyasi partiyalar və blokların qarşılıqlı əlaqələrinin rolu" mövzusundakı konfransda iştirak etmək üçün Moskvada səfərdə olub...