Dövlət yanvarın 1-dən hər vətəndaş üçün 90 manat ayıracaq (RƏSMİ)
İqtisadiyyat27 noyabr 2019 22:27

Milli Məclisdə "Tibbi sığorta haqqında” Azərbaycan Respublikasının Qanununa təklif olunan dəyişikliklər müzakirə edilir.
İcbari Tibbi Sığorta üzrə Dövlət Agentliyindən Qaynarinfo-ya verilən xəbərə görə, təkliflərə əsasən, 2020-ci ilin yanvar ayının 1-dən dövlət tərəfindən bütün əhali üzrə təqvim ili üçün adambaşına 90 manat icbari tibbi sığorta haqqının ayrılması nəzərdə tutulur. Həmçinin dövlət və neft sektorunda çalışan işəgötürən və işçilərdən aylıq hesablanmış əməyin ödənişi fondunun 8000 manata qədər olan hissəsindən 2%, 8000 manatdan yuxarı olan hissəsindən 0.5% miqdarında icbari tibbi sığorta haqqının tutulması müəyyən olunub. Qeyri-dövlət və qeyri-neft sektorunda çalışan işəgötürən və işçilərdən isə aylıq hesablanmış əməyin ödənişi fondunun 8000 manata qədər olan hissəsindən 1%, 8000 manatdan yuxarı olan hissəsindən 0.5% miqdarında icbari tibbi sığorta haqqının ödənilməsi müəyyənləşdirilib.
Məlumdur ki, dünyada icbari tibbi sığortanın təməl prinsipi həmrəylikdir. Bu prinsipə əsasən qanunvericilikdə nəzərdə tutulan əhali kateqoriyalarından toplanan sığortahaqları tibbi xidmətlərə ehtiyacı olan şəxslər üçün xərclənilir.
Qeyd edək ki, 2020-ci ildə icbari tibbi sığortanın ölkədə mərhələli şəkildə tətbiq olunması təklif olunub. Gələn ilin 1 yanvar tarixindən icbari tibbi sığorta haqlarının toplanılması nəzərdə tutulur.
Agentliyin məlumatında qeyd olunur ki, bəzi əmək müqaviləsi ilə işləyən şəxslərin çalışdıqları inzibati ərazi ilə qeydiyyatda olduqları inzibati ərazi eyni olmadığına görə icbari tibbi sığorta haqlarının mərhələli şəkildə toplanılmasını həyata keçirmək praktik olaraq mümkün deyil. Belə ki, 2020-ci ilin birinci rübündə icbari tibbi sığorta şimal bölgəsində (misal, Quba rayonu) qeydiyyatda olan sakinlərə şamil olunsa da, onların bir hissəsi digər regionlarda, xüsusən də Bakıda yerləşən müəssisələrdə çalışırlar.
Eyni zamanda qeyd edək ki, İcbari Tibbi Sığorta Fondunun büdcəsi artıq proqnozlaşdırılıb, gəlir və xərc istiqamətləri müəyyənləşdirilib. Dövlət büdcəsi tərəfindən adambaşına illik 90 manat olmaqla, ümumilikdə 900 mln. manat, işçi və işəgötürənlərdən hər biri üzrə 229 mln. manat, digər mənbələrdən 185 mln. manat vəsaitin toplanılması proqnozlaşdırılır.
Məlumat üçün bildirək ki, icbari tibbi sığortanın tətbiq ediləcəyi və edilməyəcəyi ərazilərdə fəaliyyət göstərən tibb müəssisələri arasındakı əsas fərq onların maliyyələşdirilməsi mexanizmi ilə bağlı olacaq. Belə ki, İcbari Tibbi Sığorta üzrə Dövlət Agentliyi (Agentlik) sığortanın tətbiq ediləcəyi tibb müəssisələrini göstərdikləri tibbi xidmətlərin həcminə əsasən maliyyələşdirəcək. İcbari tibbi sığorta tətbiq edilməyən tibb müəssisələrində isə maliyyələşmə müəssisənin saxlanma xərcləri üzrə aparılacaq.
Dövlət büdcəsi tərəfindən ödənilən adambaşına illik 90 manat vəsait də eyni qaydada mərhələlərə bölünməklə sığortahaqqı və ya saxlanma xərcləri qaydasında Agentliyə ödəniləcək. Həmin vəsaitlər vətəndaşların xidmətlər zərfi çərçivəsində tibbi xidmət əldə etmələri ilə yanaşı, tibb müəssisələrinin hazır olması üçün lazım olan sərmayə qoyuluşlarına, informasiya texnologiyaları infrastrukturunun gücləndirilməsinə yönəldiləcək.
Beləliklə, Agentlik səhiyyə resurslarını özündə cəmləşdirməklə 2020-ci ildə ölkə üzrə icbari tibbi sığortanın mərhələli şəkildə tətbiqini təmin edəcək. Nəticədə vətəndaşların tibbi xidmətlərə əlçatanlığı artacaq.
İcbari tibbi sığorta tətbiq edilməyən ərazilərdə tibbi xidmətlərdən yararlanmaq məsələsinə gəldikdə qeyd edilməlidir ki, əhali qanunvericilikdə nəzərdə tutulmuş qaydada tibbi xidmətlərdən istifadə etməyə davam edəcək.
Oxşar xəbərlər
- "Deputatların oturduğu kreslo onlara bağışlanmayıb"
4 dekabr 2019 23:34
- İsi Məlikzadənin hərbçi nəvəsi vəfat etdi (RƏSMİ)
4 dekabr 2019 22:03
- Parlament buraxıldı, üç deputatın “kitabı bağlandı”?!
4 dekabr 2019 18:42
- “Ramiz Mehdiyevin, Əli Həsənovun sayəsində bizi düşmən və hakimiyyəti…”
4 dekabr 2019 10:15
- Daha 4 tələbə zəhərləndi: ali məktəb, yoxsa “virus yataqxanası...”
4 dekabr 2019 09:51
- Oqtay Əsədovun şirkəti 250 milyonluq tender qazanıb
4 dekabr 2019 09:30
- Əli Həsənovun saytlarına qadağa qoyuldu – RƏSMİ
3 dekabr 2019 21:07
- Şagirdlərin təqaüd kartlarını yığan direktor tutuldu
3 dekabr 2019 18:36
- Tibbi Sığorta haqqı belə hesablanacaq
3 dekabr 2019 18:09
- NKVD başçısının arvadıyla gəzən yazıçı – Stalinin sevimlisi
3 dekabr 2019 16:50
Xəbər lenti
- YAP-çı hazırkı deputatları seçkiyə qatılmamağa ÇAĞIRDI
05 dekabr 23:07
- Nazir polkovniki vəzifəsindən azad etdi
05 dekabr 22:48
- Polşa 100 ton qızıli İngiltərədən geri aldı
05 dekabr 21:58
- Nurlana Əliyeva yeni vəzifəyə təyin olundu
05 dekabr 21:34
- Ocaqda yandırılanların ən kiçiyi iki aylıq körpə olub – I YAZI
05 dekabr 21:25
- Tağıyevin villası satışa çıxarıldı - 5 milyon manata (FOTO)
05 dekabr 21:06
- Həmyerlimiz Pentaqonda yüksək vəzifəyə təyin olundu
05 dekabr 20:46
- İlham Əliyev Şamaxı sakininin evində - Fotolar
05 dekabr 20:33
- Nazir işdən çıxarıldı — Başı qırxıldı, üzr istədi (VİDEO)
05 dekabr 19:05
- Prezident Şamaxıda səfərdədir
05 dekabr 18:48
- Deputat oğlunun həbs müddəti uzadıldı
05 dekabr 18:37
- Növbədənkənar parlament seçkiləri bu tarixdə keçiriləcək - SƏRƏNCAM
05 dekabr 16:42
- Nəsiminin Hələbdəki məzarı təmir olundu (FOTOLAR)
05 dekabr 15:00
- “Vilayət Quliyevə böyük hörmətim var” - Nadir Əhmədov
05 dekabr 12:28
- Bakıda daha bir tələbə dəm qazından öldü
05 dekabr 12:21
- Azərbaycanlı qadın İsveçdə deputat oldu (FOTOLAR)
05 dekabr 12:14
- Vilayət Quliyev eks-naziri oğurluqda ittiham etdi
05 dekabr 12:07
- Mədət Quliyev generala vəzifə verdi
05 dekabr 10:50
- Niyə Fələstinə görə İsrail qınanır, uyğurlara görə Çinə dinən yoxdur?
05 dekabr 10:40
- Leyla Bədirbəylinin nəvəsi: “Nənəm özünə qapanmışdı
05 dekabr 09:30
- "Deputatların oturduğu kreslo onlara bağışlanmayıb"
04 dekabr 23:34
- Elmira Axundova hələ düşünür
04 dekabr 23:09
- İsi Məlikzadənin hərbçi nəvəsi vəfat etdi (RƏSMİ)
04 dekabr 22:03
- “Bıçağı boynuma dirəyib 4 milyonluq sənəd imzalatdı”
04 dekabr 21:44
- Nyutonun başına alma, bəs Nəriman Əliyevin başına nə düşüb?
04 dekabr 19:12
- Parlament buraxıldı, üç deputatın “kitabı bağlandı”?!
04 dekabr 18:42
- Bakıda məktəblilərə süd verilir - Foto
04 dekabr 18:02
- Prezident yeni icra başçıları ilə görüşdü - Video
04 dekabr 17:56
- Mehriban Əliyeva Əlibaba Məmmədovun evində - Foto
04 dekabr 17:49
- Bakcell Bakutel -2019 sərgisində
04 dekabr 17:42
Video & Fotoqalereya
Video
Fotoqalereya