Rusiya və Belarus birləşir: ilkin razılaşma əldə olundu

Dünya30 noyabr 2019 23:28

Rusiya prezidenti Vladimir Putin və Belarusun dövlət başçısı Aleksandr Lukaşenko birlik dövlətinin inkişaf istiqamətində görülən işlərin bir hissəsi olaraq, ortaq hökumət və parlamentin yaradılması barədə ilkin razılığa gəliblər.

Qaynarinfo Rusiya mətbuatına istinadən xəbər verir ki, prezidentlər arasındakı razılaşma 2021-ci ilin yanvarından etibarən iki ölkənin iqtisadi sistemlərinin qismən birləşdirilməsini nəzərdə tutur.
Belarusun Rusiya Federasiyasındakı fövqəladə və səlahiyyətli səfiri Vladimir Semaşkonun sözlərinə görə, vahid qurumların işi hər iki ölkənin müstəqilliyini qorumaqla, müəyyən idarəetmə funksiyalarının məcburi şəkildə yerinə yetirilməsindən ibarət olacaq.
Bundan əlavə Birlik Dövlətinin 1999-cu il sazişində vahid vergi qanunvericiliyinə keçid, vahid neft, qaz və elektrik bazarlarının yaradılması da nəzərdə tutulub. 
Xatırladaq ki, Birlik Dövləti haqqında sazişi Lukaşenko və Rusiya Federasiyasının sabiq prezidenti Boris Yeltsin imzalamışdılar. Razılaşmaya əsasən vahid Ali Dövlət Şurası, parlament, Nazirlər Şurası, məhkəmə və Birlik Dövlətinin Hesablama Palatası yaradılmalıdır.
 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1367