Memarlar İttifaqının sədr müavinini polis niyə saxlayıb ? ŞOK
Günün sitatı8 fevral 2020 14:32
Elçin Əliyev: "Oradan real olaraq çıxmaya bilərdim!”
Azərbaycan Memarlar İttifaqının sədr müavini, ölkəmizi dünya çapında təmsil edə biləcək memar, Sənətsünaslıq üzrə Elmlər Doktoru, Memarlıq üzrə fəlsəfə doktoru, professor, çoxsaylı ktablar müəllifi Elçin Əliyev ölümdən dönməsi haqda özünün facebook divarında fikirlərini yazıb. Məşhur memarın yazdıqlarından belə aydın olur ki, fevralın 6-da səhər tezdən övladını məktəbə aparıb, zamanı olduğundan Bayıl qəsəbəsində yerləşən, Qurban Abbasovun adını daşıyan küçədə yerləşən Stalin dövrü arxitekturasını mücəssiməsi olan binaların fotolarını çəkməyi qərarlaşdırıb.
"Fotoçəkiliş aparmağımın onlara dəxli olmadığını dedim”
Elçin Əliyevin yazdıqlarını oxuduqda, düşünürsən ki, dəhşət filminin süjeti ilə tanış olursan. "İş burasındadır ki, son ilər Stalin dövrünün arxitekturası ilə bağlı kitabın çapına hazırlaşıram, o dövrə aid, hələ ki, sökülməyən arxitektura abidələrini fotoapartın yaddaşına həkk edirəm. Maşından fotoaparatı götürüb yenicə çəkilişə başlamışdım ki, çox kobud ifadələrlə işlədən iki yoldaşın mənə tərəf gəldiyini gördüm. Sonradan bu yoldaşların Fuad Kərimov və Rahib Həsənov olduğunu bildim. Onlar məndən fotoçəkiliş aparmağımın səbəblərini soruşur, şəxsiyyətimi təsdiq edən sənədlər tələb edirdilər. Bu şəxslərə hesabat vermək öhdəliyim yoxdur deyə fotoçəkiliş aparmağımın onlara dəxli olmadığını dedim. Bundan sonra qışqır-bağır başlandı” – Elçin Əliyev yazır.
"İnsanlar əsəbi, qəddar, sabaha inamsızdırlar”
Məşhur memar ərazidəki arxitektura abidələrinin bərbad olduğunu, orada yaşayan insanların həyatlarının fərqli durumda olmadığını qeyd edir: "İnsanlar əsəbi, qəddar, sabaha inamsızdırlar. Heç kim onlara yaşadıqları evlərin taleyi ilə bağlı məlumat vermək istəmir. Mümkündür ki, buna görə də əlində fotoaparat olan hər kəs tikinti şirkətinin casusu kimi qəbul edilir və uyğun olaraq evlərinin gələcəyi ilə bağlı məlumat verə biləcək obyekt kimi sərt sorğu-suala tutulur”.
"Polisə zəng edib ərazidə düşmən casusunu tutduğunu dedilər”
Məşhur memar yazır ki, onu döyməyiblər. Yumruqları düyünlənmiş sakinlər bunun əvəzində polis çağırıblar. Elçin Əliyev polisin gəlişinə sevinsə də, bu çox çəkməyib: "Məni döymədilər, bir qədər əvvəl təmirdən çıxan fotoaparatı da sındırmqdan vaz keçdilər, polisə zəng edib ərazidə düşmən casusunu tutduğunu dedilər, əlavə etdilər ki, bu şəxs binaların fotolarını çəkir və sənəd də təqdim etməkdən imtina edir. 10 dəqiqə sonra 99 AP 246 nömrə nişanlı polis maşını əraziyə gəldi, maşından çox ciddi görkəmdə serjant Pərviz Hüseynov düşdü.
Düşündüm ki, şükür Allaha, qanun təmsilçisinin ərazidə olması pis deyil, indi sakinlərə bizim şanlı qanun keçikçimiz mənim kimsənin hüquqlarını pozmadığımı izah edəcək, foto çəkmək də hələ ki, qanunla qadağan deyil, məndən də kimliyimi soruşub sərbəst buraxacaq. Olmadı! Məni əhatələyən əsəbi yoldaşları dinləyən serjant, qəzəbli səslə foto çəkməyimin səbəbini xəbər aldı. Ona arxitektor olduğumu izah edib foto çəkməyi xoşladığımı, arada qəlbimdən keçən kitablar yazıdğımı, həmin kitablar üçün fotolar çəkdiyimi dedim. Ərazidəki "stalinka”nı da bu səbəbdən çəkdiyimi nəzərə çatdırdım.
Elçin Əliyev
Bir qədər düşünəndən sonra ratsiya ilə kiminləsə rəhbərlikdən danışan Pərviz Hüseynov elan etdi: "Azərbaycanda binaların fotosunu çəkmək qadağandır!” və ətrafıma toplaşanların sevincinə səbəb olan sözləri söylədi, məni məsələni araşdırmaq üçün 8-ci polis bölməsinə dəvət etdi. Doğma dövlətimizin nümayəndəsi maşının dəmir barmaqlı qapılarını açıb yer göstərdi, oturmamı istədi. Düşündüm ki, mənə elə bu da azdır. Soruşdum ki, mən qanunu pozmuşam? Məgər foto çəkmək qadağandır? Bu harada yazılıb? Bir də ki, mənim üzərimdə heç bir sənəd yoxdur, bütün sənədlər maşındadır, siz mənim kimliyimi necə aydınlaşdıracaqsıznız? Cavabında serjant "az danış” deyib sənədləri götürməyimə imkan vermədi – bölmədə səninlə haqq-hesab çəkəcəklər”.
"Ay kişi, ala sən foto niyə görə çəkirsən? Arxeoloqsan?”
Tanınmış memar bölmədəki xoş olmayan rəftarla üzləşməsindən, saatlarla dəhlizdə gözlədilməyindən və nəhayətdə təhqiqatçı Orxan Məmmədzadənin ona qarşı qaba münasibəti haqda yazır:
- "Ay kişi, ala sən foto niyə görə çəkirsən? Arxeoloqsan?”.
- "Zəhmət olmasa "ay kişi sən” yox, "siz” ilə mənə müraciət edin, memaram” deyə ona cavab verirəm.
- "Uşaqlar, ala bu kişi deyilmiş ki! Kişi müraciətim xoşuna gəlmir!” – yaxınlıqakı kolleqalarına gülə-gülə müraciət edir və onlarla bərabər məni ələ salır:
– "İndi sənə necə müraciət edək?” deyə daha da aşağılayıcı ruhda söhbəti davam etdirir. Həyat haqda fəlsəfi fikirlər işlədib "anlayışlar”ı incələyəndən sonra Məmmədzadə nəhayət ki, nəticəyə gəlir:
- "Sən mənim də həyətimdə çəksəydin, səni bilirsən nə edərdim? Tutub eşşək qədər döyərdim” – təxminən 30 yaşı olan gənc müstəntiq, özünün cəzalandırılmayacağına əminliklə bu sözləri deyir. Hansı ki, mənim hüquqlarımı qorumalıdır.
"Rədd ol burdan” deyir və ya sənə bu dəqiqə cinayət işi başlayacağıq!”
Mənimlə elə danışırdılar ki, sanki həqiqətən də dövlətin düşməniyəm, hansı ki, dövlətin əsaslarını sarsıtmağa çalışır – vətəndaşın şəxsiyyətinə, hüquqlarına və ləyaqətinə heç bir hörmət etmirlər. Ərazidə nə baş verdiyini anlamaq həvəsləri belə yoxdur: belə görünür ki, bu adamlar insanın ləyaqətini alçaltmaqdan həzz alırlar, gözləyirlər ki, onlara öz tonlarında cavab verilsin və qalanı artıq sınanmış yoldur.
Bu cür münasibətə tab gətirməyərək – anlayıram ki, indi əsəblərim tab gətirməyərək, cavab verə bilərəm – bunu isə kateqorik etmək olmaz, pravakatorlar elə bunu gözləyirlər, özüm üçün belə gözlənilməz şəkildə yerimdən qalxıb bölmə rəisinin otağına tərəf gedirəm. Katibə "rəis olduqca məşğuldur” deyib məni otağa buraxmaq istəmir. Başqa gedən yerim yoxdur, axradan təhqiqatçı mənə çatmaq üzrədir, cəld qapını açıb böyük stolun arxasında oturan polis polkovniki Bayram İslamovun boş otağına daxil oluram.
Ona deyirəm ki, təhqiqatçı mənimlə olduqca kobud tərzdə danışır, belə davam etsə, buradan sadəcə çıxmaya bilərəm. Gözləmədiyim halda yüksək çin sahibi mənə "sən” deyə müracətlə tabeçiliyindəkilərin tərəfində dayanır və otağına icazəsiz daxil olduğuma görə barəmdə xulianlıq maddəsi ilə cinayət işi başlamaqla təhdid edir, "Rədd ol burdan” deyir və ya sənə bu dəqiqə cinayət işi başlayacağıq! Bəli, təqsirsizlik prezumpsiyası bu polis bölməsində bəxtsiz qonaqdır...
Dəhşətdir, dövlət nümayəndələri, hansıların ki, birbaşa vəzifə borclarıdır ki, Qanunu, məni və mənim hüquqlarımı qorusunlar, özlərinə vətəndaşın bölmədəki müdafiəzsiz və hüquqsuz durumundan istifadə etməyi, onu aşağılamağı rəva bilirlər. Oradan real olaraq çıxmaya bilərdim! 2 saatlıq əsəb gərginliyindən, yazılı izahat alınandan sonra – sənədlərimi belə götürməyə imkan vermədən bölmədən buraxıldım.
"Sevin ki, səni ümumiyyətlə buraxıblar! Getdin piyada...”
Təhqiqatçıdan xahiş etdim ki, məni geriyə, götürdükləri yerə aparsınlar. Pulqabım da maşında idi deyə cibimdə 1 qara qəpiyim yox idi. Lakin bu bizim polisləri maraqlandırmadı- bu sadəcə onların problemi deyil... Sevin ki, səni ümumiyyətlə buraxıblar! Getdin piyada...”
"Belə təəssurat yaranır ki, cənab prezidentin çoxsaylı səyləri kağız üzərində qalır”
Məşhur memar yazır ki, evdə oturub düşünür: "Necə ola bilər ki, hətta bölmə rəisi fotoaparatla foto çəkən vətəndaşın məsuliyyətə cəlb olunmasının qanuni olmadığını bilməsin? Belə bir şəxsi yüksək vəzifəyə necə təyin ediblər? Biz hansı turizm və xarici qonaqlardan danışırıq? Belə alınır ki, biz inkişaf etmirik: mən belə insidentlərlə 25-30 il əvvəl qarşılaşardım.
Belə təəssurat yaranır ki, cənab prezidentin çoxsaylı səyləri kağız üzərində qalır, bu bilərəkdən edilən sabotaj və məmur özbaşınalığının təzahürüdür. Sanki bir-birinə aid olmayan 2 paralel dünya var Azərbaycanda: mətbuatda optimist ruhlu məqalələrdəki və sərt reallıqlardakı”.
Elçin Əliyev yazdıqlarından belə anlaşılır ki, Stalin dövrünün arxitekturasına aid abidəni ona çəkməyə sona qədər imkan verilməyib. Məşhur memar yazır ki, əraziyə qayıdıb həmin abidənin fotosunu çəkmək niyyətindədir.
Oxşar xəbərlər
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 2024 20:57
- Bəraət alan şəxs, Gömrük Komitəsindən milyon yarım təzminat istədi
22 aprel 2024 12:39
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- İndi çiyələk yeməyin, zəhərlidir - Ekspertdən xəbərdarlıq
20 aprel 2024 20:31
- Vəzifədə olan dayısının evindən 90 min oğurlayıb - Qumarda uduzdu
16 aprel 2024 10:08
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
15 aprel 2024 10:27
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
- Bu rayonlara yeni polis rəisləri təyin edildi
10 aprel 2024 16:30
- Milli Məclisdə boşalan deputat yerləri 10-a ÇATDI
8 aprel 2024 14:00
Xəbər lenti
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10
Video & Fotoqalereya
Video
Fotoqalereya