87 saylı Ağsu-İsmayıllı Seçki Dairəsindən narazılıq – Namizəd Ayaz Qocamanov etiraz edir

9 fevral növbədənkənar seçkiləri də bu islahatların tərkib hissəsidir. mBu islahatlara, xalqın və Prezidentin ortaya qoyduğu siyasi iradəyə dəstək məqsədilə seçkilərə bir gənc iqtisadçı, mütəxəsis olaraq qatıldım. Namizədliyimin qeydə alınması, təbliğat-təşviqat mərhələsində heç bir maneə ilə rastlaşmadım.

Böyük bir komanda ilə heç bir qanunları, seçki məcəlləsinin heç bir bəndinin tələblərini pozmadan təşviqat kampaniyasını yüksək səviyyədə həyata keçirtdik. Amma çox təəssüflər olsun ki, səsvermə günü ilə bağlı bunu deyə bilməyəcəm. Yenə təəssüflə deyirəm ki, 87 saylı Ağsu-İsmayıllı Seçki Dairəsinin seçki məntəqələrində qanun pozuntularına yol verildi. Bildirim ki, seçkini bütün məntəqələrdə 7 vəkilim və 63 müşahidəçim izləyirdi.

Çalışırdıq ki, məntəqə sədrlərinə, onların sərbəst fəaliyyətinə də qətiyyən mane olmayaq. Bir sözlə bizim komandamız səsvermə günü seçki məcəlləsinin bütün maddələri üzrə hərəkət edirdi. 87 saylı Ağsu-İsmayıllı Seçki Dairəsindən narazılıq var – Namizəd Ayaz Qocamanov etiraz edir Lakin seçki başlayan ilk dəqiqələrdən müşahidəçilərim ciddi problemlərlə bağlı məlumatlar verir, bu barədə DSK sədri Azad Dursunəliyev mütəmadi məlumatlandırılırdı”.

Namizəd qeyd edib ki, Müşahidəçiləri və vəkilləri rayon icra nümayəndələrinin, idarə müdirlərinin, MnSK sədrlərinin ciddi təzyiqləri ilə üzləşib: ” Əsasən “karusel”, yəni eyni adamların şəhər məntəqələrinə avtomobillərlə daşınıb təkrar səsvermənin peşəkarlıqla təşkili, səyyar qutularla kütləvi saxtakarlıq, məntəqə sədrlərinin və üzvlərinin topa bülletenləri qutulara atması, səs sayma zamanı heç bir müşahidəçi və vəkillərimin yaxına buraxılmamsı, bilərəkdən səssaymanın MSK-nın kamerası qarşısından uzaqlaşdırılması və sairə hallar bütün məntəqələrdə baş verirdi. Mən hesab edirəm ki, seçkinin qeyri şəffaf şəraitdə keçirilməsi, DSK sədri və rayon rəhbərliyinin bu addımı dövlətin apardığı islahatlar prosessinə müsbət rəy yaratmır.

Həmçinin burdan bildirmək istəyirəm ki, 9 fevral tarixində, axşam saatlarında mənə etimad göstərib səs verən minlərlə şəhər və kənd sakinləri kütləvi şəkildə Tahir Kərimli ilə bağlı DSK-nın MSK-ya göndərdiyi ilkin nəticələrə etiraz olaraq qərargaha toplaşdılar. Bu nəticələrə öz etirazını bildirdilər. Əlavə problemlərin yaranmaması üçün insanları sakitləşdirdim və haqqımı qanuni yollarla tələb edəcəyimə söz verdim. Bu insanlar kütləvi şəkildə mənə səs veriblər. İnsanlar səslərinin qorunmasını, haqqlarının tapdanmaması üçün məndən kömək istəyirlər. Mən isə qətiyyən xaosun yaranmasına imkan vermərəm, dövlətimizin nifuzunun aşağılanmasına şərait yaratmaram”.

Ayaz Qocamanov bildirib ki, artıq qanunların imkan verdiyi qaydada müraciətlərimi etmişəm: “Azərbaycan Prezidenti İlham Əliyevə, MSK sədri Məzahir Pənahova, Baş prokuror Zakir Qaralova rəsmi müraciət etmişəm və videogörüntüləri təqdim etmişəm. İnanıram ki, yaxın günlərdə müraciətlərimə baxılacaq, günahkarlar cəzalandırılacaq. Gənc namizəd olaraq 87 saylı Ağsu-İsmayıllı Seçki Dairəsində digər namizədlərdən, əsasən də Tahir Kərimlidən daha çox səs faizi ilə qalib mən olmuşam. Bunu əlimizdə olan materiallar tam olaraq təsdiqləyir.

Mən, bu seçkilərdə Azərbaycan Prezidenti İlham Əliyevin islahatlar prosessinə dəstək vermək üçün qoşulmuşam. Ölkəmizin bütün uğurlarını dəstəkləyirəm, bu həmişə də belə olaraq qalacaq. İnanıram ki, şikayətim araşdırılacaq, günahkarlar cəzalandırılacaq və 87 saylı Ağsu-İsmayıllı Seçki Dairəsinin ilkin nəticələri ilə bağlı lazımı qərar veriləcək. Bir daha bildirirəm ki, bu faktların araşdırılacağına, aidiyyatı qurumların bu şəxslər barədə ciddi ölçü götürəcəyinə inanıram”.

Tədbir zamanı video-faktlar media nümayəndələrinə nümayış olunub.