Yeni parlamentin qadın deputatları (FOTO)

Maqazin7 mart 2020 14:26

Əksər ölkələrdə olduğu kimi, Azərbaycanda da 8 mart Beynəlxalq Qadınlar günü təmtəraqla qeyd olunur.

Dövlət Statistika Komitəsinin məlumatına görə, 2020-ci ilin əvvəlinə ölkə əhalisinin ümumi sayının 50,1 faizini qadınlar təşkil edir.

Azərbaycan qadınları ölkənin sosial-iqtisadi həyatında fəal iştirak etməklə onların məşğul əhalinin ümumi sayındakı xüsusi çəkisi ilkin məlumatlara əsasən 48,2 faiz təşkil edir.
Ölkənin ümumi təhsil müəssisələrində müəllimlərin 80,7 faizi, orta ixtisas təhsil müəssisələrində 78,9 faizi, ali təhsil müəssisələrində 54,7 faizi, həkimlərin isə 66 faizi qadınlardır. Ümumi təhsil müəssisələrində təhsilalanların 46,7 faizi, orta ixtisas təhsil müəssisələrində oxuyanların 64,1 faizi, ali təhsil müəssisələrinin tələbələrinin 48,8 faizi qızlardır.
Elmi işçilərin 58,2 faizini qadınlar təşkil edir. Son 10 ildə onlardan elmlər doktoru elmi dərəcəsi olanların sayı 2,5 dəfə, fəlsəfə doktoru elmi dərəcəsi olanların sayı isə 2,2 dəfə artıb. Azərbaycan Milli Elmlər Akademiyasının həqiqi üzvlərindən 8-i, müxbir üzvlərindən isə 11-i qadındır.
Dövlət qulluğunda çalışanlar arasında qadınların xüsusi çəkisi 28,5 faiz, sahibkarlar arasında isə 21,7 faizdir. Bədən tərbiyəsi və idmanla məşğul olanların  42,6 faizi qadınlardır.
Beləliklə, Azərbaycan qadınları ölkənin həm sosial-iqtisadi, həm də ictimai-siyasi həyatında fəal iştirak edirlər.
Zərif cinsin nümayəndələri həm də ölkə parlamentində təmsil olunurlar.
Modern.az-ın məlumatına görə, Konstitusiya Məhkəməsi 2020-ci il fevralın 9-da keçirilmiş növbədənkənar parlament seçkilərinin nəticələrini təsdiqləyəndən sonra VI çağırış Milli Məclisdəki qadın deputatların da sayı dəqiqləşib.
Belə ki, VI çağırış Milli Məclisdə 22 qadın mandat əldə edib. Qalib gəlmiş qadınlardan 1 nəfər Naxçıvan Muxtar Respublikasından, 7 nəfər Bakıdan, 13 nəfər isə bölgələrdən seçilib.
Modern.az  saytı VI çağırış Milli Məclisin qadın deputatlarının adları və sıralamaya uyğun şəkillərini təqdim edir:
 
6 saylı Culfa-Babək seçki dairəsi – Həmzəyeva Ülviyyə Tapdıq qızı
12 saylı Qaradağ-Binəqədi-Yasamal seçki dairəsi - Xasayeva Səbinə Səməd qızı
21 saylı Nəsimi birinci seçki dairəsi – İbrahimqızı Məlahət İbrahim qızı
24 saylı Nizami birinci seçki dairəsi – Nurullayeva Könül Oruc qızı
25 saylı Nizami ikinci seçki dairəsi – Vəliyeva Sədaqət Suleyman qızı
29 saylı Səbail seçki dairəsi -Arpadarai Nigar Cavid qızı
30 saylı Suraxanı birinci seçki dairəsi – Fətəliyeva Sevinc Həbib qızı
32 saylı Suraxanı üçüncü seçki dairəsi – Həsənova Afət Əbil qızı
37 saylı Nizami birinci (Gəncə) seçki dairəsi – Kərimzadə Pərvin Orxan qızı
41 saylı Sumqayıt birinci seçki dairəsi – Hüseynova Hicran Kamran qızı
56 saylı Xaçmaz kənd seçki dairəsi - Mikayılova Sevil Əlirazı qızı
57 saylı Kürdəmir seçki dairəsi – Ağazadə Əminə Həmid qızı
59 saylı Salyan seçki dairəsi – Əhmədova Jalə Fərhad qızı
85 saylı Şamaxı seçki dairəsi – Cəfərova Tamam Şaməmməd qızı
92 saylı Zərdab-Ucar seçki dairəsi - Əliyeva Jalə Fazil qızı
93 saylı Bərdə şəhər seçki dairəsi – Yıldırım Fatma Vidadi qızı
98 saylı Şəmkir şəhər seçki dairəsi - Qafarova Sahibə Əli qızı
103 saylı Gədəbəy seçki dairəsi – Hüseynova Sevinc Əmirəhməd qızı
105 saylı Tovuz seçki dairəsi – Paşayeva Qənirə Ələsgər qızı
106 saylı Tovuz-Qazax-Ağstafa seçki dairəsi – Ağayeva Ülviyyə Cavanşir qızı
111 saylı Zaqatala-Balakən seçki dairəsi – Əliyeva Kamilə Əli Ağa qızı
117 saylı Oğuz-Qəbələ seçki dairəsi - Naxçıvanlı Aqiyə Həbib qızı




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1328