“Ukraynada dövlət yoxdur, məmurlar var” - Saakaşvili

Ukrayna Milli İslahatlar Şurasının icra komitəsinin rəhbəri Mixail Saakaşvili Ukraynada dövlətin məmurlar tərəfindən sıxışdırıldığını bildirib.

"Qafqazinfo" xəbər verir ki, bu barədə Mixail Saakaşvili "Ukrayna24" telekanalında açıqlama verib:

"Ukraynada dövlət yoxdur. Ukraynada məmurlar var, hansılar ki, olmayan dövlət adından fəaliyyət göstərirlər. Çunki dövlət hər kəs üçün olmalıdır. Hər kəsə ədaləti təmin etməli və hər kəsi qorumalıdır. Ukraynada belə şey harada var? Ukraynada bir neçə qrup məmur və hər məmur qrupunun da öz başçıları var".

O həmçinin qeyd edib ki, Ukraynada insanların həyat səviyyəsi onların hansı qrupa mənsub olması ilə müəyyənləşir. 

"İnsanlar sanki qulağında bir çip ilə doğulur: Mən o qrupun və ya bu qrupun nümayəndəsiyəm. Bəs dövlət haradadır? Dövlət sadəcə yoxdur",-deyə o sözlərinə əlavə edib.