Səfir Eldar Həsənov qalmaqaldan danışdı

Azərbaycan Respublikasının Serbiya Respublikasındakı Səfiri Eldar Həsənov Serbiyanın nüfuzlu "Balkanin” xəbər portalına müsahibə verib. Bu barədə səfirliyin press-relizində xəbər verilir və müsahibənin tərcüməsi təqdim olunur. E.Həsənov müsahibədə son günlərin aktual mövzularından biri olan Serbiyanın Ermənistana silah satması məsələsinə də toxunur. Bu aktuallığı nəzərə alaraq, səfirin müsahibəsini təqdim edirik:
- Ermənistanın Çexiyadakı səfiri Aşot Ovakimyan Azad Avropa Radiosuna müsahibəsində serb şirkətləri tərəfindən Ermənistana silahların satışını şərh edərkən, bu sahədə heç bir məhdudiyyətin olmadığını və Ermənistanın etibarlı tərəfdaş kimi nüfuza sahib olduğunu bildirmişdir. Bu barədə fikirlərinizi bölüşə bilərsiniz?
- İlk öncə qeyd etmək istərdim ki, Ermənistan-Azərbaycan, Dağlıq Qarabağ münaqişəsi ilə əlaqədar BMT çərçivəsində bir sıra qətnamələr qəbul edilmişdir. Onların içərisində silah təchizini ehtiva edən müddəalar da var. Bu xüsusda BMT Təhlükəsizlik Şurasının 29 iyul 1993-cü il tarixli 853 nömrəli qətnaməsini xüsusi qeyd etmək istərdim. Bu qətnamədə BMT Təhlükəsizlik Şurası Ermənistanla Azərbaycan arasındakı gərginlikdən ciddi narahatlığını ifadə edir. Bundan əlavə, BMT Təhlükəsizlik Şurası hərbi əməliyyatların güclənməsini və Azərbaycanın Ağdam rayonunun işğalını narahatlıqla qeyd edir. Qətnamənin əməliyyat hissəsində Azərbaycan Respublikası ərazilərinin, o cümlədən Ağdamın işğalı və Azərbaycanın mülki şəxslərə hücumları və məskunlaşmış rayonların bombardman edilməsinin pislənilməsi əks olunur. BMT Təhlükəsizlik Şurası, Azərbaycan Respublikasının suverenliyini və ərazi bütövlüyünü və əraziləri əldə etmək üçün güc tətbiq edilməsinin yolverilməzliyini bir daha təsdiqləyərək, dövlətləri münaqişənin intensivləşməsinə və ya ərazi işğalının davam etdirilməsinə apara biləcək hər hansı silahın və hərbi sursatın təchiz edilməsindən çəkinməyə təkidlə çağırır, yolverilməz hesab edir.
Ermənistanın Azərbaycan ərazilərini işğal etdiyi beynəlxalq səviyyədə tanınır. BMT Təhlükəsizlik Şurası dövlətləri Ermənistana silah təchizatından çəkindirir. Qətnamənin bu bəndində məqsəd Ermənistanın Azərbaycan ərazilərinin işğalının və münaqişənin intensivləşməsinin davam etməsinin qarşısını almaqdır. Bundan əlavə, BMT Təhlükəsizlik Şurası işğalçı qüvvələrin Azərbaycanın bütün işğal olunmuş ərazilərindən dərhal, tam və qeyd-şərtsiz çıxarılmasını tələb edir. Təəccüblü deyil ki, Ermənistan BMT Təhlükəsizlik Şurasının qətnamələrinin unutdurulması üçün səy göstərir, məhəl qoymamağa çalışır.
Burada xüsusilə qeyd edilməlidir ki, Ermənistan Azərbaycana qarşı aparılan müharibə zamanı beynəlxalq hüquq, o cümlədən beynəlxalq humanitar hüquq çərçivəsində bir sıra öhdəlikləri kobud şəkildə pozmaqda davam edir. Bu başqa bir suveren dövlətə - Azərbaycana qarşı hərbi təcavüz, dinc azərbaycanlıların qətliamı, gəlin 1992-ci ilin fevralında Xocalı şəhərində azərbaycanlıların soyqırımını, işğal olunmuş ərazilərdə etnik təmizləmə və dinc azərbaycanlı əhaliyə qarşı digər ağır hərbi cinayətləri xatırladaq.
Göründüyü kimi, Ermənistan Azərbaycana qarşı hərbi təcavüz zamanı törətdiyi bir sıra cinayətlərə görə beynəlxalq hüquqi məsuliyyət daşıyır.
Yeri gəlmişkən, 12 iyul hadisələri onu göstərdi ki, bu ölkə 1990-cı illərin əvvəllərində olduğu kimi, hərbi gücdən xaincəsinə istifadə edərək yenidən hərbiçilərimizlə yanaşı mülki obyektləri və şəxsləri hədəf seçdi. Həm hərbi, həm də mülki əhali arasında itkilərimiz oldu. Lakin Azərbaycan silahlı qüvvələrinin peşəkar cavab tədbirləri nəticəsində hücum edən tərəf ciddi itkilər verərək geri çəkilməyə məcbur oldu.
Buna görə də Ermənistan, əsassız bəyanatlarına baxmayaraq, beynəlxalq öhdəliklərinə sadiq qalan bir ölkə kimi qəbul edilə bilməz. Əksinə, Ermənistan mülki şəxslərə hücum edən təcavüzkar ölkə kimi bir daha "şöhrət” qazandı.
- Buna görə dövlətləri Ermənistana silah satmaqdan çəkinməyə çağırırsınız?
- Tamamilə doğru. Burada biz yuxarıda izah etdiyim kimi, beynəlxalq hüquqdan, beynəlxalq sənədlərdən çıxış edirik. Təsadüfi deyil ki, Serbiyanın da dəstəklədiyi BMT Baş Assambleyasının 62/243 nömrəli 2008-ci il tarixli qətnaməsində bəyan edilmişdir ki, "heç bir dövlət Azərbaycan Respublikasının ərazilərinin işğalı nəticəsində yaranmış vəziyyəti qanuni tanımamalıdır və bu vəziyyətin olduğu kimi qalmasına kömək və yardım etməməlidir". Silah təchizatı, 2020-ci ildə də təkrarlandığı kimi, Azərbaycan ərazilərinin işğalı vəziyyətinin olduğu kimi qalmasına və bu ölkənin dinc azərbaycanlılara qarşı təcavüzünün davam etməsinə töhfə verir.
Serbiya tərəfi serbləri atəşə tutan və öldürən silahların məhz bəzi dost ölkələrin və strateji tərəfdaşlar tərəfindən verildiyini bilsəydi, nə edərdi? Anlayırsız, bu bizim üçün çox ciddi və həssas bir məsələdir. Və təəccüblü deyil ki, Serbiya silahlarının Ermənistana verilməsi Azərbaycan tərəfində məyusluq və dərin təəssüf doğurdu.
Buna görə də Azərbaycan tərəfi Serbiya tərəfindən ölkələrimiz arasında mövcud olan dostluq, strateji tərəfdaşlıq ruhuna uyğun olaraq Ermənistana silah təchizatı məsələsinə rəsmi qiymət verilməsini gözləyir.
- Və nəhayət, son sual. Xüsusilə Ermənistan-Azərbaycan sərhədində son hadisələr fonunda Ermənistan-Azərbaycan münaqişəsinin sülh yolu ilə həllinin perspektivlərini necə qiymətləndirirsiniz?
- Azərbaycan ATƏT-in Minsk qrupunun vasitəçiliyi ilə münaqişənin sülh yolu ilə həllinə yönəlmiş danışıqlar prosesinə sadiq qalır. Bəs erməni tərəfi nə edir? Ermənistanın yeni baş naziri Nikol Paşinyan öz hərəkətləri və ziddiyətli bəyanatları ilə ATƏT-in Minsk Qrupunun sülh yolu ilə danışıqlar prosesinə ciddi zərbə vurur və bunula status-kvonun saxlanılmasına çalışır. Bu da öz növbəsində regionda sülhə və təhlükəsizliyə böyük təhdiddir. Ancaq mən qəti əminliklə deyə bilərəm ki, Azərbaycan bütün işğal olunmuş ərazilərini qeyd şərtsiz geri qaytaracaq.
- Keçmiş nazir xanımı və gəlinlərindən DANIŞDI: İkisi də əcnəbidir - VİDEO
11 iyul 2025 13:15
- Naxçıvana Ali Məclis sədri Bakıdan gətirilə bilər
9 iyul 2025 09:47
- Sərnişinlərin YAYDA kondisionersiz avtobus dərdi
5 iyul 2025 09:59
- Dalay Lamadan sonra Tibet Buddiziminin aqibəti necə olacaq? - Özü danışdı
2 iyul 2025 22:45
- Qardaşların meyitlərinin ekspertiza rəyi açıqlandı: Qabırğalardan birini tapa bilmədik
1 iyul 2025 13:57
- Slovakiya azərbaycanlı diplomatı Azərbaycana səfir təyin etdi
3 iyul 2025 13:04
- Evdən döyülərək çıxarıldılar - Öldürülən həmyerlilərimizin qardaşı qızı hadisə barədə DANIŞDI VİDEO
1 iyul 2025 11:05
- Korrupsiyaya qarşı Mübarizə İdarəsi Ağsu RİH-nin başçısı Rövşən Bağırovun əməllərini görmür ?
3 iyul 2025 13:02
- Rusiyada öldürülən azərbaycanlıların QARDAŞI DANIŞDI – ŞOK DETALLAR
28 iyun 2025 21:24
- Günel hindistanlı həyat yoldaşından danışdı - FOTO
27 iyun 2025 17:27
- Orxon yazıları və ortaq Türk dili təklifi
14 iyul 23:09
- Tramp Putini hədələdi: Hamını aldadır, ona 50 gün vaxt verirəm...
14 iyul 22:43
- 37 ildir AYB-nin sədriyəm, söz verdiyim kimi vəzifəmdən GEDİRƏM, qoy sevincləri artıq olsun - ANAR
14 iyul 12:58
- Amerikalı milyarderin SON sözləri: Uşaqlarınıza VARLI olmağı yox, XOŞBƏXT olmağı öyrədin
14 iyul 11:53
- Tramp : Putin gündüzlər XOŞ danışır, axşamlar isə hamını BOMBALAYIR..
14 iyul 11:37
- Çeçen qızı Lauranı Tiflisdə oğurladılar !
14 iyul 10:16
- AZƏRSUN ilə Müdafiə Nazirliyi arasında OTKAT 20 MİLYON
14 iyul 09:58
- Putin: Rusiya MƏHV olacaq, ya da , ümumiyyətlə, OLMAYACAQ....
14 iyul 09:05
- Qaranlığa qərq olan Bakı küçələri - TƏHLÜKƏLİ VƏZİYYƏT -VİDEO
14 iyul 08:49
- ABŞ Dövlət Departamentində 1 300 nəfər ixtisar edildi — Zaxarovadan kinayəli reaksiya
14 iyul 01:27
- Xəstəxanada intim görüntüləri yayılan şöbə müdiri ərizə yazdı – ŞOK detallar üzə çıxdı
14 iyul 01:10
- Xocalının bu kəndlərinə İLK KÖÇ olacaq
14 iyul 00:24
- Ət bahalaşdı: Yeni qiymət VİDEO
14 iyul 00:07
- FSB Rusiyaya 7 milyard dollarlıq ziyan vuran polkovniki öldürdü. Qatillərdən biri 34 yaşlı azərbaycanlı qadındır?
13 iyul 22:45
- Rusiyada azərbaycanəsilli polis rəisi saxlanılıb
13 iyul 20:51
- Ukraynada azərbaycanəsilli qadın hərbi qulluqçu həlak oldu
13 iyul 19:53
- Dünyanın 28 ÖLKƏSİ Quba rayonundan KİÇİKDİR - SİYAHI
13 iyul 12:02
- Prezident olmaq çox təhlükəli işdir - Tramp
13 iyul 11:29
- Azərbaycanlı aktrisa anası ilə şokolad vannasına girdi - FOTOLAR
13 iyul 10:11
- Ərdoğan bu şəxslərə yüksək VƏZİFƏ verdi
13 iyul 09:40
- Kişinin mədəsindən 27 alışqan və QƏPİK çıxardılar - FOTO
13 iyul 09:23
- Bu gün 34 mindən çox abituriyent imtahan verəcək
13 iyul 08:47
- Emin Ağalarov Bodruma niyə getdi? Yeni =Sea Breeze=nin sirri açıldı
13 iyul 08:11
- Polşada azərbaycanlıların yaşadığı hostelə polis basqını – Neməti axtarırlar
13 iyul 00:55
- Çayda boğulub ölən Səfiyənin - Fotosu
13 iyul 00:05
- ŞOK : Putin Ukraynanın 0.25 FAİZİNİ ələ keçirib və ...1 KV.KM-ə görə 167 ƏSGƏR İTİRİB
12 iyul 21:27
- Hotel dəhşət : Azərbaycanda gənc qız sevgilisi tərəfindən pəncərədən atıldı VİDEO
12 iyul 20:35
- Veteranları təhqir edən bloger qızı meşədə soyundurub döydülər, VİDEOya çəkib yaydılar - ŞOK
12 iyul 19:44
- Şaraa Heydər Əliyevin məzarını ziyarət etdi - FOTO
12 iyul 19:34
- Sabirabadda da EHSAN VERİLMƏYƏCƏK
12 iyul 18:42