Yunanıstan ordusu Türkiyə sahillərində - Gərginlik artır

 publika.az  xəbər verir ki, Lozanna və Paris anlaşmasında Ege dənizindəki adaların silahsızlaşdırılması ilə bağlı müəddəalarını pozan Yunanıstan Meis adasında prezidentin də iştirakı ilə "qurtuluş bayramı” keçirməyə hazırlaşır.

Yunanıstanın Prezidenti Katerina Sakelaropulu Meis adasının "qurtuluşu”nun 77-ci ildönümü münasibətilə bu gün adaya gələcək.

Məlumatlara görə, Afinadan Rodosa gedəcək yunan Prezident burada Chinook tipli hərbi helikopterlə Meis adasına gələcək. Yunanıstan Prezidentini iki ada arasındakı qısa səfər zamanı bir radar təyyarəsi və 4 F-16 müşahidə edəcək.

Yunanıstan ordusu da prezidentin səfəri ilə bağlı hərəkətə keçib. Yunanıstanın dənizdən adaya yaxın bölgələrində gəmilər hazır vəziyyətdə gözləyəcək, prezidenti yunan SAT və SAS komandoları qoruyacaq, eləcə də döyüş təyyarələri adanın üzərində və ətrafında uçacaq.

Mərasimin bir neçə saat sonra başlayacağı gözlənilir, artıq yunan ordusu Türkiyə sahillərinə yaxın ərazidə yerləşib.

Qeyd edək ki, Meis adası Türkiyənin Antalya sahillərindən 2 kilometrlik məsafədə yerləşir.