Nooldu, Zakir Fərəcov ?

Müzəffər Ali Baş Komandan İlham Əliyevin rəhbərliyi altında Azərbaycan Ordusu torpaqlarımızı mənfur erməni işğalçılarından azad etdi. Artıq üşrəngli  Azərbaycan bayrağı  ruhumuzun paytaxtı Şuşada dalğalanır. 

Bu tarixi  qələbədə Cənab İlham Əliyevin " QARDAŞIM " deyə müraciət etdiyi Türkiyənin prezidenti cənab Rəcəb  Tayyib  Ərdoğanın və Türk xalqının mənəvi və siyasi dəstəyi önəmli rol oynadı.  Bunu hər zaman cənab Prezidentimiz və xalqımız  qeyd edir. 

Bunları yazmaqda məqsədimiz nədir ? 

Çox da uzaq olmayan, yəni bir neçə ay əvvəl ölkəmizin ən iri şəhərlərindən biri olan Sumqayıtda millətimizin adına yaraşmayan bir olay baş vermişdi. 

Beləki Sumqayıtın icra başçısı  Zakir Fərəcov  şəhərdəki  məhlələrdən birində Tovuz şəhidlərimizin plakatı önündə asılan Türkiyənin bayrağının endirilməsini tələb etmişdi. Bu bayraq sabotajı barədə bütün ölkə mətbuatı yazdı və  Zakir Fərəcov ağzına su alıb susdu. 

Bu gün şükür ki qələbə çalımışıq  və bütün ölkəmizdə  Azərbaycanda və Türkiyə bayraqları  qoşa dalğalanır. 

Adamın içindən bir  NİDA keçir: NOOLDU, SAA  ZAKİR FƏRƏCOV ? BƏS TÜRK BAYRAĞINI ENDİRİRDİN...SUMQAYITDA  AT OYNADIRDIN..

Həə, Zakir Fərəcov ! İndi suallara  cavab verməyin zamanı çatıb. 

Sənə Türk bayrağına hörmətsizlik etməyi  kim  "zakaz"  vermişdi ?

Sənin kürəyində kimin əli var idi ?

Onun əlini indi bilirsən nə edəcəklər ?

İnşallah yaxın zamanda özündən razı, müştəbeh, rüşvətxor, korrupsioner məmurlara qarşı elə bir divan tutulacaq ki, heç Paşinyana elə divan tutulmayıb. 

Cənab Fərəcov ! Bir məsələ barədə də ölkə mətbuatı hər gün yazır. Şəhərin abadlaşmasında çalışan və sənin üzünü ağ eləyən fəhlələrin, ustaların, iş adamlarının halal pulunu verməmisən. Həmin insanların bir çoxu Qarabağ savaşında, sənin doğulduğun Laçın uğrunda  şir kimi savaşıblar.  Bilirsənmi, bunları ? 

Cənab Fərəcov ! Atalarımız deyib ki, "Buynuzsuz qoçun qisası buynuzlu qoçda qalmaz " .

İnşallah, yaxın zamanda çox özünü qoç hesab edənlərin buynuzu qırılacaq. Özünü uzun illər qoca-serıy qurd hesab edənlərin protez dişləri  qarnına töküləcək. Yaşayarıq görərik. Ancaq o fəhlələrin, ustaların halal haqqını qaytar. Sadəcə, ayıbdır.