"Bəylər Eyyubovun və Ramil Usubovun Pirşağıdakı bağlarında..."

Kişi sənəti ilə məşğul olan dülgər Şəhla İmanzadə Moderator.az-ın suallarını cavablandırıb.

- 18 ilə yaxındır ki, bu sənətlə məşğulam. Mənim atam tarix müəllimi idi, amma ara-sıra bu işlə də məşğul olurdu. Əlinə baxıb öyrənirdim, məktəbdən gələn kimi özüm üçün stol-stul hazırlayırdım. Sonra qərar verdim ki, atamın sənətini davam etdirim, dülgər olum.

- Bəli, mənim bibilərim də bu işi bacarır. Onlar bundan başqa digər kişi işlərini də öyrəniblər. 

- Xeyr, bu sexi icarəyə götürmüşəm. Aylıq 350 azn ödəyirəm. Elə ay olur ki, heç 350 azn qazana bilmirəm. Sağ olsun sexin rəhbəri tələsdirmir, gözləyir.

- Nə qardaşım, nə də həyat yoldaşım mənim dülgər olmağımı pis qarşılamadı. Mən halal zəhmətimlə pulumu qazanıram. Öz sənətimi çox sevirəm. Dünyaya ikinci dəfə gəlsəydim yenə də kişi sənətini seçərdim. Mən nəinki dülgərlik edirəm, demək olar ki, bir çox kişi işlərini görürəm. Tok işlərindən başım çıxır, inək, dana kəsirəm. 

- Bəli, mənim evim Zabratda, sexim isə Qaraçuxurdadır. Ona görə də iş yerimə yaxın yerdə kirayə qalıram. Zabratdakı evimi də kirayə vermişəm. Əslən Biləsuvarın Əmən kəndindənəm.

- Bakıda tək yaşayıram. Qızım ailə həyatı qurub, Biləsuvardadır. Oğlum da orada taksi fəaliyyəti ilə məşğuldur. Həyat yoldaşım da Rusiyadadır, iş dalınca gedib, yollar bağlanıb deyə orada qalıb.

- Əlbəttə ki, darıxıram. Yollar bağlı olduğundan gedib-gəlmək imkanım olmur. Amma video görüntü ilə danışıram.

- Pis deyil, dolanmaq olur. Amma karantinə görə işimiz də çox zəifdir, yenə buna da şükür. 

- Xeyr, hər şeyin qiyməti qalxıb, amma bizdə köhnə qiymətlərdir. Kim nə istəyir hazırlayırıq. Qapı, pəncərə, stol, stul, rəng işi və s. Yetər ki, sifarişlər gəlsin.

- Məşhur sənətçilər üçün iş görmüşəm desəm yalan olar. Amma Bəylər Eyyubov və Ramil Usubovun Pirşağıdakı bağlarında işləyib, pilləkən və qapı hazırlamışam.

- Bəylər müəllimlə şəxsən tanış olmuşam. O qədər gözəl və sadə insandır ki.. Bizim üçün günorta yeməyi gətirmişdi, ustaların bütün stəkanlarını aparıb yuyub, bizə çay süzdü. Təsadüfən orada işlədiyim vaxt 8 mart günü idi, zəhmət haqqından da əlavə mənə 300 dollar pul verdi. Kürəyimə vurub dedi ki, çox zəhmətkeş qadınsan! Amma Ramil Usubovu şəxsən görməmişəm.

- Başımda kepka, papaq olanda mənə “qardaş” deyə müraciət edirlər. Qadın olduğumu biləndə isə çaşıb qalırlar. Nəinki sexə gələn sifarişçilər, yoldan keçənlər də təəccüblənir və maraqlanırlar.