Kəlbəcər yolu Rusiya hərbçilərinin nəzarətinə verilə bilməz – Aksiya
Bir neçə gün əvvəl keçmış Ağdərə rayonun Heyvalı (Drambon) kəndi ərazisində Rusiya sülhməramlılarının müşayəti ilə Kəlbəcərə inşaat materialları aparan Azərbaycana məxsus avtomobil karvanının qarşısı ermənilər tərəfindən kəsilib. Məsələyə müdaxilə edən Rusiya hərbçiləri ilə söhbətdə ermənilər yolu bir şərtlə "Kəlbəcər rayonu ərazisindən daha qısa yolla Ermənistana getmələrinə imkan yaradıldıqdan sonra” açacaqlarını bildiriblər.
Yayılan videodan görünür ki, aksiya sülhməramlıların bilgisi daxilində əvvəlcədən planlaşdırılıb. Belə ki, ərazidə bir neçə televiziyanın çəkiliş aparması və rus sülhməramlılarının operativ şəkildə əraziyə gəlib, aksiya iştirakçıları ilə söhbətdə "arsax” ifadəsini özəlliklə işlətmələri bu ehtimalı artırır.
Digər tərəfdən videolardan aydın görünür ki, aksiya iştirakçıları arasında kənardan gələn şəhər tipli şəxslər kənd əhalisindən daha çoxdur. "Yol kəsmə” aksiyasının Rusiya XİN Lavrovun mətbuat konfransından dərhal sonra keçirilməsi təsadüfü sayılmamalıdır. Mətbuat konfransındakı çıxışında "Laçın dəhlizində” Azərbaycanın suverenliyini heçə sayan Lavrov həmin əraziləri Rusiyanın "məsuliyyət zonası” olaraq təqdim edib.
Nəzərə alınmalıdır ki, 10 noyabr anlaşmasında suverenliyimizi şübhə altına salan "məsuliyyət zonası” termini mövcud deyil. Hiyləgər Lavrov 2010-cu ildə olduğu kimi qəsdən prosesə yeni siyasi terminlər əlavə etməklə mahiyyəti dəyişməyə və münaqişə zonasında Rusiyanın nəzarətindəki əraziləri genişləndirməyə çalışır. Onun bu özfəaliyyətinə sərt münasibət bildirilməlidir.
Rusiya Sülhməramlıları noyabrın 10-dan sonra yerləşdikləri ərazilərlə bağlı yayımladığı xəritəni vaxtaşırı güncəlləyərək daha çox ərazini öz nəzarətlərindəki ərazilər kimi təqdim etməyə çalışırlar. Bu tipli xəritə oyunu bir neçə dəfə təkrarlanıb. 10 noyabr anlaşmasının birinci maddəsinə görə hərbi əməliyyatlar dayandığı anda ”tərəflər olduqları yerdə dayanırlar”. O zaman sual olunur: hərbi əməliyyatlar getmədiyi və mövqe dəyişikliyi baş vermədiyi halda xəritədə necə dəyişiklik aparıla bilər?
Ermənistanın Şirak vilayətindən noyabrın 26-dan sonra Qarabağa gətirilmiş təxribatçılara qarşı dekabrın 11-də Böyük Tağlar və Çaylaqqala kəndlərində DTX-nın keçirdiyi antiterror əməliyyatından sonra oraya gələn "sülhməramlılar” həmin əraziləri öz "məsuliyyət zonalarına” daxil edərək xəritə dəyişikliyi etmişdi. Azərbaycanın sərt etirazından sonra Rusiya MN xəritəni əvvəlki vəziyyətə qaytardı. Amma vərdişkar olan Rusiya MN-liyi ölkə başçısının Şuşaya səfərindən sonra xəritəyə növbəti dəfə "əl gəzdirib” Şuşanı "oval vəziyyətdən çıxarıb mühasirəyə salıb”.
10 noyabrdan indiyə qədər yalnız Qarabağdakı erməni əhalinin himayədarı qismində çıxış edən Rusiya bölgədəki "fəaliyyət dairəsini və məsuliyyət zonasını” genişləndirmək üçün bu prosesdə yenə onlardan istifadə edir. Bölgədəki bütün strateji məntəqələrdə nəzarəti ələ keçirməyə çalışan Rusiyanın planlarını görmək çətin deyil. Belə ki, ehtiyac olmadığı halda terrorçu bir keşişin "xahişi” ilə Kəlbəcərdəki Xudavəng məbədində post quran Rusiyanın niyyəti indi Ermənistanla Qarabağı birləşdirən strateji Kəlbəcər yoluna nəzarəti ələ almaqdır. Bu məqsədinə nail olacağı halda Kəlbəcər də Laçının taleyi ilə üzləşə bilər. Bu isə 44 günlük savaşda qazanılanların masada itirilməsi anlamına gəlir.
Məsələnin mahiyyətinə dərindən varmayan bəzi xoşməramlı soydaşlarımız "gələcəkdəki birgəyaşayış naminə” " Qarabağdakı ermənilərin Kəlbəcər ərazisindən Ermənistana getməsinə icazə verilməsini mümkün” hesab edirlər. Amma nəzərə almadıqları məqamlar var. Əvvəla Ermənistanla sərhədlərimiz tam olaraq nəzarət alınmayıb. Laçın Gorus arasında dövlət sərhəddində keçid məntəqəsi yaradılıb, sərhədçilərimiz öz xidməti vəzifələrini həyata keçirə bilmədiyindən, Ermənistandan Qarabağa gələn yola nəzarət olunmur. Bu ərazi və 5 km enindəki "Laçın dəhlizi” Rusiya hərbçilərinin nəzarətində olduğundan Azərbaycana düşmən mövqedə olan şəxslər və terrorçular rahat şəkildə ərazilərimizə daxil olub təhlükəsizliyimizi təhdid edirlər.
Digər tərəfdən Rusiya sülhməramlı missiyasının fəaliyyəti cəmiyyətdə kifayət qədər narahatlıq yaratdığından ikinci bir yolun açılıb, onların nəzarətinə verilməsi baltanı ayağımıza vurmaq anlamına gəlir. Bu baxımdan hazırkı vəziyyətdə Kəlbəcərdən keçən yolun açılmasına qəti şəkildə yol vermək olmaz. Qeyd edilməlidir ki, Rusiya tərəfindən yönləndirilən ermənilərin 10 noyabr anlaşmasına istinad edən bu iddiaları tamailə əsassızdır. Çünki, 10 noyabr anlaşmasına görə Ağdərədən keçən Tərtər-Kəlbəcər yolu ölkə daxili, Ağdərə-Basarkeçər yolu isə beynəlxalq yoldur.
Bu yoldan ermənilərin istifadəsinin yolu ancaq Ermənistanın Azərbaycanın ərazi bütövlüyünü tanıyıb, ona qarşı ərazi iddialarından əl çəkməsindən keçir. Bundan sonra iki ölkə arasında sülh müqaviləsi bağlanıb, diplomatik münasibətlər münasibətlər qurulmalıdır. Bütün bunlar baş verdikdən sonra bölgədə barış və əmin amanlıq bərqərar olacaq ki, o zaman Ermənistanla uyğun yerlərdə sərhəd sərhəd keçid məntəqələri qurula və ermənilər Laçın yolu ilə bərabər Kəlbəcər yolundan istifadə edərək Ermənistana gedib gələ bilərlər.
Oqtay Qasımov, eks-prezident Əbülfəz Elçibəyin köməkçisi
Mənbə: Turan Agentliyi
Oxşar xəbərlər
- Prezident bu qanuna dəyişiklik etdi
28 mart 2024 15:39
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 2024 12:47
- Azərbaycanda icra başçısını öldürmək istəyən şəxs həbs edildi - DTX-dan açıqlama
25 mart 2024 11:35
- Hindistanın Baş naziri SSRİ-də Novruz Bayramını necə bərpa edib? –Bakıda ilk Novruz şənliyi Moskvanı nə üçün qorxudub?
25 mart 2024 00:52
- 25 il əvvəl bu gün: Primakovun təyyarəsi okeanın üstündən niyə geri qayıdıb?
25 mart 2024 00:29
- Filipp Kirkorov Bakıda
24 mart 2024 23:54
- Rusiyada millətçi çağırışlar – Kadırovdan etiraz gəldi
24 mart 2024 22:03
- İlham Əliyev Putinə zəng etdi
24 mart 2024 20:37
- Putin 1999-cu ildə prezident olsaydı, Yuqoslaviyanın bombalanmasına icazə verməzdi
24 mart 2024 20:25
- Terrorçuların milliyyəti, vətəni və dini olmur - Tacikistan Prezidenti
24 mart 2024 20:16
Xəbər lenti
- Papa qadın məhbusların ayaqlarını yuyub öpdü
29 mart 10:44
- Çingizi arvadı ifşa edibmiş - Mərhum nazirin oğlu da dindirilib
29 mart 10:29
- Şahmar Hüseynova yeni vəzifə verildi
28 mart 21:04
- Bu gün ilk Qədr gecəsidir
28 mart 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 15:56
- İsveçrədən Azərbaycana 105 min manata 4 ədəd qol saatı gətiriblər
28 mart 15:46
- Prezident bu qanuna dəyişiklik etdi
28 mart 15:39
- Lifttəmir-in direktoruna şiddətli töhmət verildi
28 mart 15:31
- Azneft-in baş direktoru da vəzifəsindən azad edildi - Yeni təyinat
28 mart 15:23
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09
- Azərbaycan - Bolqarıstan oyununda qalib müəyyənləşmədi
25 mart 22:41
Video & Fotoqalereya
Video
Fotoqalereya