Səfir oğlunun Rasim Məmmədovla əlaqələrini gizlətməsinin sirri

Keçmiş deputat, Ukraynadakı səfir Elmira Axundova “Baku Steel Company” MMC-nin Müşahidə Şurasının sabiq sədri, hazırda həbsdə olan Rasim Məmmədovla qaranlıq əlaqələrini gizlətməyə çalışır. Bunun üçün Axundovanın oğlu Həbib Axundov bir gecənin içində sosial mediadakı hesabından Rasim Məmmədovla bağlı paylaşımları silib.
Halbuki Həbib Axundov “Rasim Məmmədov anamın kitabını maliyyələşdirdi”, “Rasim Məmmədov koronavirus fonduna pul köçürdü”, “Rasim Məmmədov müsahibə verdi” və bu kimi paylaşımlarla reyderliklə məşğul olan birini az qala peyğəmbər elan edib car çəkməkdən yorulmurdu.
Özünün “Audi” markalı idman avtomobilini Rasim Məmmədovun “Bentley” markalı, Az 10 AH 784 nömrə nişanlı avtomobilin yanında saxlayıb kumirinin maşınına söykənməklə foto çəkdirib şəstlə paylaşırdı. Rasim Məmmədov da bütün asan qazanc, korrupsiya pullarına əli çatan hər bir zat kimi dəbdəbə həvəskarıdır. Onun belə maşınları bir deyil, iki deyil. Maşrut avtobusunun nömrəsini xatırladan 784 rəqəmi Məmmədov üçün xüsusi məna kəsb edir. Belə ki, dəstəbaşının bahalı avtomobillər kolleksiyasında olan maşınların hamısının nömrəsi 784-lə bitir. AA 784, AZ 784, AH 784, YY 784, PP 784 Rasim Məmmədovun bahalı maşın koleksiyasındakı avtomobillərdə quraşdırılan dövlət nömrə nişanlarıdır.
Elmira və Həbib Axundovların adları 8 milyonluq dələduzluq işinə qarışandan sonra onların da bahalı maşınlar kolleksiyası ortaya çıxıb. 2013-cü ildən bu yana Axundovlar sonluğu əsasən 111-lə bitən bir-birindən bahalı 10-a yaxın maşın alıblar. Nömrə nişanı Az 10 HH 111, “Porsche Cayenne” avtomobili, Az 90 XX 111 “Jeep Wrangler” avtomobili, Az 90 RR 111 “Porsche Panamera” avtomobili, Az 90 CF 900 “Porsche Cayenne” avtomobili, Az 90 HH 111, “Tayota Prado” avtomobili, Az 10 LS 050 “AUDI Q 7" minik avtomobili 2000-ci ilə qədər ”Moskviç-407"də gəzən Axundovların avtomobil parkında yer alır.
Həbib Axundovun üzərinə Rasim Məmmədovu reklam etmək öhdəliyini kimsənin qoymadığı aydındır. Görünən odur ki, gizli bağları onu paylaşmağa bir xəbər tapmayanda ölkədə tanınan reyderin bahalı “Bentley”inə söykənib foto çəkdirib paylaşmağa çəkir, bununla “ulduz”u gündəmdən düşməyə qoymurdu. Anasının yazdığı kitaba Rasim Məmmədovun adını yuxarı başdan yazmaq da onu mümkün həbsdən qorumağa hesablanmışdı. Vaxtı gələndə həmin kitabı ortalığa çıxarıb onu istintaqın dəmir qollarından qoparmalı idi. Artıq Rasim Məmmədovun gözlənilən həbsi baş tutub və belə paylaşımlar Həbib Axundovun səhifəsində yoxa çıxıb. Aydındır ki, adı külli miqdarda dələduzluqda keçən və buna görə qandallanan biri ilə əlaqələrə kimsə can atmaz. Amma indiki halda bu yanaşma keçərli deyil. Çünki Həbib Axudnovun da, onun anasının da adları illərdir mətbuatda məhz külli miqdarda dələduzluq işləri üzərindən hallanmaqdadır. Hətta Elmira Axundovanın dələduzluğa görə bu gün həbsdə olan Elnur İbrahimova “rasklad” verməsini təsdiqləyən səs yazısı, Elnur İbrahimovun Elmira Axundovaya günaşırı 5 min manat aparmasını təsdiqləyən yazışmalar da cinayət işlərində yer alıb. Bütün bunların ardından üzə çıxıb ki, Rasim Məmmədovla Elmira Axundovanın, onun oğlu Həbib Axundovun əlaqələri var.
Bu gün Rasim Məmmədovun saysız-hesabsız qanunsuzluqları cinayət işi çərçivəsində araşdırılmaqdadır. Bununla bağlı Dövlət Təhlükəsizliyi Xidməti (DTX) fevralın 3-də rəsmi məlumat yayıb. DTX qeyd edir ki, Rasim Məmmədovun ölkədə metallurgiya sənayesinin inkişafına, fiziki və hüquqi şəxslərin hüquqlarına və dövlətin mənafelərinə zərər vuran qanunsuz əməllərə yol verməsi ilə bağlı daxil olmuş məlumatlar araşdırılıb. Açıqlamaya görə, onun satış üzrə müəssisəyə mədaxil edilmiş pul vəsaitlərindən 13 milyon manatı mənimsəməsinə, 42 milyon manat dəyərində istehsal olunmuş məhsulu israf etməsinə, müxtəlif şəxslərdən külli miqdarda pul vəsaitini aldatma və etibardan sui-istifadə etməklə ələ keçirməsinə əsaslı şübhələr yaranıb: “Rasim Məmmədov Azərbaycan Respublikası Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 179.4-cü (xüsusilə külli miqdarda ziyan vurmaqla mənimsəmə və israf etmə), 178.3.2-ci (külli miqdarda ziyan vurmaqla dələduzluq) maddələri ilə təqsirləndirilən şəxs qismində cəlb olunaraq barəsində məhkəmənin qərarı ilə həbs-qətimkan tədbiri seçilib”. Bu açıqlamaya hələlik Rasim Məmmədov və ya onun vəkilindən münasibət almaq mümkün olmayıb.
55 milyon manatlıq mənimsəmədə ittiham edilən Rasim Məmmədovun metallurgiya sahəsində çalışmış iş adamlarına qat-qat artıq məbləğdə ziyan vurduğu da gizli deyil. İstintaqın gedişində Rasim Məmmədova qarşı irəli sürülmüş ittihamın vurulmuş ziyanla bağlı hissədə dəyişəcəyi, artacağı ehtimalı böyükdür. İllərlə onun iş adamlarına qarşı qanunsuz addımları haqda Azərbaycan mətbuatında müxtəlif səpkili yazılar dərc olunub. Ramiz Mehdiyevin orbitində olan bir çoxları kimi Rasim Məmmədov da belə hallarda törətdiyi qanunsuzluqların ictimailəşməsinin qarşısını almaq üçün məhkəmələrə iddialar göndərib.
Administrativ üsullarla mətbuata və qanunsuzluqlara etiraz edən iş adamlarına qarşı qərarlar verilməsinə nail olub.
“Yeni Müsavat” qəzetinə qarşı da Rasim Məmmədovun saysız-hesabsız iddiaları olub. Qəzetimizin ayrı-ayrı əməkdaşları məhkəmələrə çəkilib. Belə iddialar mətbuatın və iş adamlarının susdurulmasına hesablanıb. 2 il əvvəl Rasim Məmmədovun ətrafında halqa daralarkən Ramiz Mehdiyevin ətrafında olan vəzifə daşıyıcıları, deputatlar ona dəstək üçün səfərbər olunublar. Mümkün həbsdən qurtulmaq üçün müxtəlif addımlar atılıb. Məsələn, o günlərdə Ramiz Mehdiyevin əlindən “Xalq yazıçısı” adını alıb parlamentdə oturan Elmira Axundova Rasim Məmmədovun adını yazdığı kitabların yuxarı başına keçirib. Sosial mediada, mətbuatda bu məqam Elmira və Həbib Axundovalar tərəfindən xüsusi olaraq qabardılıb.
Bu, o zaman baş verib ki, hüquq-mühafizə orqanları Rasim Məmmədovun rəhbərlik etdiyi “Baku Steel Company” MMC-də araşdırma aparırdı, böyük cinayətlərin üstünün açılacağına şübhə qalmırdı. Kitab müəllifi Rasim Məmmədovu elə təqdim edirdi ki, guya o, təpədən-dırnağa qədər iqtidara xidmət edir. Faktiki isə Rasim Məmmədovun reyderliyi, metallurgiya sahəsindəki fəaliyyəti internet resurslarını bu gün də “bəzəməkdədir”.
Sadəcə, Rasim Məmmədovu xilas etmək lazım idi və bu işə böyük şövqlə girişmişdilər. İndi isə Rasim Məmmədov həbsdədir. Onunla əlaqələrin Elmira və Həbib Axundovlar tərəfindən gizlədilməsi üçün göstərilən çabalar da gülünc və yersizdir... /Yeni Müsavat
- Məzuniyyətə gələn hərbçimiz özünü evində ASDI
18 iyul 2025 11:33
- Orxon yazıları və ortaq Türk dili təklifi
14 iyul 2025 23:09
- Xəstəxanada intim görüntüləri yayılan şöbə müdiri ərizə yazdı – ŞOK detallar üzə çıxdı
14 iyul 2025 01:10
- Emin Ağalarov Bodruma niyə getdi? Yeni =Sea Breeze=nin sirri açıldı
13 iyul 2025 08:11
- Nazirin oğlu nasizmdə ittiham olunur: İşə təhlükəsizlik xidməti qarışdı
11 iyul 2025 23:06
- HÖKÜMƏ - kədərim mənim filmi bu tarixdə təqdim olunacaq
11 iyul 2025 02:05
- Yazıçı Sabir Əhmədlinin oğlu ilə TƏSİRLİ MÜSAHİBƏ
11 iyul 2025 01:31
- 24 yaşlı gəlin öldürüldü, qayınanası yaralandı - Şübhəli qayınatadır
7 iyul 2025 11:11
- Qarabağ xanlığının timsalında: Rusiyaya güvənmək fəlakətə gətirir
5 iyul 2025 10:44
- DTX-nin Yekaterinburqdan gətirdiyi İbrahimov kimdir ?
4 iyul 2025 09:31
- Fərhad Əhmədovdan 6 milyon dollar rüşvət istənilib - Gəmisinin həbsdən azad olunması üçün...
19 iyul 01:49
- Alimlər nəsli kəsilməkdə olan növləri xilas etməyin yolunu tapdı
19 iyul 01:29
- AMAZONİYA - Azərbaycanda qadın dövləti
19 iyul 01:17
- NAXÇIVAN hoteli sökülür
19 iyul 00:56
- Prezident Ağdamda açılışda iştirak etdi - FOTOLAR
19 iyul 00:24
- Proporsional seçki sisteminin bərpasına heç bir ehtiyac yoxdur - Əli Hüseynlidən SENSASİON MÜSAHİBƏ
18 iyul 23:50
- Azərbaycan MDB-dən çıxır? - Rusiyadan cavab
18 iyul 22:45
- Prezident onlara müraciət ünvanladı
18 iyul 11:51
- Məzuniyyətə gələn hərbçimiz özünü evində ASDI
18 iyul 11:33
- Belçika parlamentindən Azərbaycana qarşı ədalətsiz və qərəzli qətnamə
18 iyul 10:46
- Alen Simonyan boşaldı - Modellə sevgilidir
18 iyul 10:26
- Suriyanın bölünməsinə icazə verməyəcəyik
18 iyul 09:43
- Ersin Tatar: İlham Əliyev hər zaman bizə sahib çıxıb
18 iyul 09:18
- Rusiya Kilsəsi: Seks cənnətə aparan yoldur
18 iyul 01:56
- Şıxlinski mənim xahişimlə saxlanıldı, Nisanovun bazarı... - Mironov
18 iyul 00:20
- Əli Həsənovla Səttar Möhbalıyevin qudalığı BİTDİ...
17 iyul 23:43
- Ukraynada yeni baş nazir: Müstəqillik tarixində ikinci dəfə...
17 iyul 23:29
- Prezident İlham Əliyev və Qurbanqulu Berdiməhəmmədov Şuşada nahar ediblər (FOTO)
17 iyul 22:45
- Rusiyada general dələduzluğa görə həbs edildi
17 iyul 21:55
- İki bacı çayda boğulub öldü
17 iyul 21:36
- Adəm Məmmədov həbsdə qaldı - ZON-a köçürüləcək
16 iyul 20:42
- 1 qramı 5000 dollardan başlayır: Qazaxıstanda dünyanın ən bahalı metalı hasil olunur
16 iyul 01:07
- Kətan toxumu, qaynar su... - Minlərlə manatınız cibinizdə qalacaq
15 iyul 23:28
- Ferma sahibi çobanın arvadı ilə münasibətdə oldu: Ərim şübhələndi, dedim ki, bir daha...– ŞOK
15 iyul 23:03
- Rusiya Şahin Şıxlinskinin oğlunu həbs etdi
15 iyul 22:36
- İlham Əliyev: Demokratiya və Milli Birlik Günü güclü və sarsılmaz iradənin tarixdir
15 iyul 12:31
- Hansı Avropa ölkələrində ən yüksək maaş verilir?
15 iyul 11:42
- Tibbin atası İbn-i Sina-dan şəkər xəstəliyinə çarə
15 iyul 11:01
- Putin: Rusiyada QADIN çatışmır – Statistikanı özü etiraf etdi
15 iyul 01:21
- Məleykə Abbaszadə qadınları SAĞMAL İNƏKLƏ müqayisə etdi: Gündə sağılmaq ağırdır..
15 iyul 00:33