“Cavadova dedim ki, ya DİN-dəki vəzifəndə qal, ya da siyasətlə məşğul ol”
Müsahibə18 mart 2021 00:31

“Onu hələ tələbəlik illərindən tanıyırdım. Yaxşı münasibətimiz vardı... Vətənpərvər bir insan idi...”
AMİP lideri Etibar Məmmədov Moderator.az-a müsahibəsində 1995-ci il Mart hadisələrinə münasibətindən, həmin olaylar zamanı qardaş qırğınının baş verməsində maraqlı olan qüvvələrdən, 1990-cı il 20 Yanvar qətliamı, 1992-ci ildə Laçının işğalı ərəfəsində və s. keçmiş “OMON” komandiri Rövşən Cavadovla birgə olduğu məqamlardan, Mart hadisələrindən sonra rəhmətlik polkovnikin mərhum oğlu Laçın Cavadovla İstanbuldakı görüşündən və s. bəhs edib.
-Etibar bəy, siz 1991-1992-ci illərdə Dövlət Müdafiə Şurasının da üzvü kimi, yəqin ki, o illərdə “OMON” komandiri və Daxili İşlər nazirinin müavini kimi çalışmış mərhum polkovnik Rövşən Cavadovla da ünsiyyətdə olurdunuz?
- Rövşən Cavadovu hələ tələbəlik illərindən tanıyırdım. Yaxşı münasibətimiz vardı... 1980-cı illərin sonundan, yəni Azərbaycanda milli azadlıq hərəkatı başlanan dövrdən isə Rövşənlə daha da yaxından ünsiyyətdə olduq. 1988-1989-cu illərdə - hərəkatın artıq yüksək səviyyədə olduğu bir vaxtda R. Cavadov Laçında milis nəzdində xüsusi dəstə komandiri idi. Sonradan o, erməniılərə qarşı fəaliyyətinə görə bir müddət işdən azad olunmuşdu. Və həmin dövrdə Rövşən bizimlə bərabər hərəkatın tədbirlərində iştirak edir, təhlükəsizlik və mühafizə işlərinin təşkili ilə məşğul olurdu. 1990-cı ilin Yanvar hadisələri zamanı mənimlə bərabər idi. Bilavasitə 20 yanvar gecəsi də bir yerdə olmuşduq... Sonra isə Rövşən “OMON”un yaradılmasında fəal iştirak etdi və həmin qurumun komandiri oldu. Daha sonra da Daxili İşlər nazirinin müavini vəzifəsinədək yüksəldi...
-Xaraktercə necə insan kimi tanıyırdınız onu?
-Vətənpərvər bir insan idi. Ətrafındakılar daim onun xətrini istəyirdi. Eyni zamanda yaxşı təşkilatçı idi. Ancaq, təəssüf ki, sonrakı siyasi proseslərdə Rövşən Cavadovun fəaliyyətində təzadlar yarandı. Və bəzi silahlı qüvvələrimiz kimi, onun rəhbərlik etdiyi “OMON” da siyasi proseslərə cəlb olundu. Və nəticə bütövlükdə Azərbaycan üçün acınacaqlı oldu. Yəni “OMON”un üzvü olan oğullar bizim ən güclü, cəsarətli, vətənpərvər və bacarıqlı övladlarımız idi. Onlar Qarabağın erməni işğalçılarından müdafiəsində canları, qanları bahasına fəal iştirak edirdilər. Təəssüf ki, onların daxil olduğu qurumların siyasi oyunlara qoşulması sayəsində taleləri faciələrə, əzablara ürcah oldu... Yəni mən həmişə ona tərəfdar olmuşam ki, silahlı qüvvələr siyasi proseslərə cəlb olunmamalıdır...
-1992-ci ilin mayın ortalarında, Şuşanın işğalından sonra təxminən eyni günlərdə Rövşən Cavadov da, siz də Laçına yollanmışdınız. Həmin günlər onunla görüşmüşdünüzmü?
-Bəli, Laçında da, Şuşanın Turşsu qəsəbəsində də Rövşən Cavadovla görüşdük. O zaman sabiq Daxili İşlər naziri Tahir Əliyev də, DİN-in bir sıra yüksək rütbəli digər əməkdaşları və yeni qurulan Müdafiə Nazirliyinin də nümayəndələri orada idi...
Sonradan mən dövlət əhəmiyyətli məsələlərlə bağlı Bakıya qayıdıb Ankaraya getməli oldum. Həmin vaxt hələ Rövşən Cavadov Müdafiə Nazirliyinin digər birləşmələri ilə bərabər Turşsuda qalmışdı...
-R.Cavadovun Turşsuda o vaxt Şuşa və Laçının müdafiəsinə cavabdeh briqada komandiri olan mayor Elbrus Orucovla mübahisəsinin şahidi olmadınız ki?
-Yox, mən həmin vaxt artıq mən Bakıya getmişdim. Onların orada nə haqda söhbət etmələrindən xəbərim olmadı. Yalnız bir dəfə Laçındakı hərbi qərargahda Şuşanın işğalından sonra rayonun müdafiəsi ilə bağlı müzakirələrdə iştirak etdim. Orada həm milis qüvvələrinin, həm hərbi qüvvələrin, həm də Arif Paşayevin komandiri olduğu yerli hərbi birləşmənin nümayəndələri toplanmışdı...
-Sonradan - 1993-1994-cü illərdə R.Cavadovla əlaqələriniz davam edirdimi? Onun hakimiyyətə can atmasını, hansısa xarici və ya daxili qüvvələrə qoşulduğunu hiss edirdinizmi?
- Yox. Doğrusu, elə bir şey hiss etməmişdim. Sadəcə, o zaman belə düşünürdüm ki, “OMON”-un döyüş bölgəsindən Bakıya gətirilməsi və paytaxtda saxlanılması əvvəl-axır hansısa böhrana gətirib çıxaracaq. Çünki həmin qurumdakı gənclər döyüş üçün xüsusi olaraq hazırlanmış, daim döyüşə hazır oğullar idi. Yəni onların döyüş bölgəsində saxlanılaraq hərbi məqsədlər üçün istifadə olunması daha məqsədəuyğun idi. Çünki gec-tez kimlərsə onlardan öz siyasi məqsədləri üçün yararlanmağa cəhd edəcəkdi. Təəssüf ki, belə bir proses sonradan doğrudan da baş verdi....
Mən bununla bağlı hələ 1994-cü ildə, 3-4 oktyabr hadisələrindən xeyli öncə Rövşən Cavadovla görüşüb ona bəzi tövsiyələr vermişdim. Ona demişdim ki, sənin dövlət qurumunda – DİN-də tutduğun vəzifə ilə siyasi fəaliyyətin uyğun gəlmir. Yaxşı olar ki, ikisindən birini seçəsən. Döyüş xarakterli fəaliyyətlə məşğul olmaq istəyirsənsə, sırf bu işlərlə məşğul ol. Yox, siyasətə daxil olmaq istəyirsənsə, bunun üçün kifayət qədər nüfuzun, sevənlərin, tərəfdarların var. Lakin o halda gərək dövlət postundakı vəzifəni buraxasan. Bunların ikisi bir yerə sığışmaz. Bu, əvvəl-axır konfliktə, qarşıdurmaya gətirib çıxaracaq. Və nəticədə də həm özün, həm ətrafın, həm də xalq zərər çəkəcək... Təəssüf ki, Rövşən belə davranmadı və söylədiyim proses və qanlı olaylar da baş verdi... 1994-cü ilin oktyabrındakı hadisələrin qanlı qarşıdurmaya keçməsinin qarşısını almaq mümkün oldu. Amma nə yazıqlar ki, 1995-ci ilin martında bu mümkün olmadı...
-Sizcə nədən belə oldu?
(Davamı var)
Oxşar xəbərlər
- Eldar Mahmudovun hərəkət trayektoriyası məhdudlaşdırıldı
22 aprel 2021 16:46
- Saç hörən türk tayfası - Avarların Avropadakı 250 illik
21 aprel 2021 13:36
- “Eldar Mahmudovun həbsi qaçılmazdır”
21 aprel 2021 10:36
- Dövlət ittihamçısı cinayətkarlara niyə yumşaq cəza tələb edib-ŞİKAYƏT
21 aprel 2021 00:00
- Azərbaycanlı avtoriteti öldürən şəxs bacısını doğradı, yeznəsinin qulağını kəsdi
18 aprel 2021 19:01
- Lukaşenko və övladlarına qarşı sui-qəsd oldu
18 aprel 2021 00:40
- “Rəsmi Bakı 7 bölgənin eyni vaxtda tələb edirdi” - Paşinyan
14 aprel 2021 14:43
- Rüstəm Usubov da həbs olunur
14 aprel 2021 07:58
- Hacıbala, yanına türməyə gələcəm...
10 aprel 2021 12:16
- DSK sədrinin 1-ci müavini Həmid Bağırovun 600 min dolları...
10 aprel 2021 10:26
Xəbər lenti
- Hüseynbala Mirələmov YAP-dan qovuldu
22 aprel 17:26
- Eldar Mahmudovun hərəkət trayektoriyası məhdudlaşdırıldı
22 aprel 16:46
- İki baş həkim belə həbs edildi -Əməliyyat VİDEO
22 aprel 15:04
- FHN Hospitalının baş həkimi də həbs edildi
22 aprel 13:33
- Mirələmovu universitetdən İT kimi qovdular
22 aprel 13:21
- “ Mirələmov oruc tutur, belə şey eləməz ”
22 aprel 11:33
- “Yeni klinika”nın direktoru həbs edildi
22 aprel 10:41
- ABŞ arxivindən şok fakt : Ceyms Reyin Zəngəzur missiyası
22 aprel 00:41
- NASA-dakı azərbaycanlı Mirqədirov: “Aya uçmaq niyyətim var”
22 aprel 00:12
- Nərminin qətlində təqsirləndirilən İlkin Süleymanovun ibtidai istintaqı başa çatdı
21 aprel 22:24
- Əxlaqsız YAP-çı deputatın VİDEO-su yayıldı
21 aprel 22:02
- Suqovuşan: Qələbəyə ilk addım…(VİDEO)
21 aprel 16:26
- Erkin Qədirli AŞPA-da Navalnını dəstəkləyib
21 aprel 15:18
- Saç hörən türk tayfası - Avarların Avropadakı 250 illik
21 aprel 13:36
- ABŞ-da polis 15 yaşlı qaradərili qızı güllələdi
21 aprel 10:50
- “Eldar Mahmudovun həbsi qaçılmazdır”
21 aprel 10:36
- Aytmatovun xanımı koronavirusdan dünyasını dəyişdi
21 aprel 00:29
- Dövlət ittihamçısı cinayətkarlara niyə yumşaq cəza tələb edib-ŞİKAYƏT
21 aprel 00:00
- Oqtay Əsədovun arvadının şirkəti 14 milyon gəlir əldə edib
20 aprel 22:55
- Elmira Axundovanın Qəbələdəki villası - VİDEO
20 aprel 22:13
- ADP sədri koronavirusa yoluxdu – “Nəvəm məktəbdən gətirdi...”
20 aprel 15:25
- İlham Əliyev Hacıqabuldadır - Yenilənib
20 aprel 13:57
- Həbsdəki icra başçısı vurduğu ziyanın bir hissəsini ödəyib
20 aprel 12:20
- Nazirdən Aqil Abbasın oğlu ilə bağlı əmr (FOTO)
20 aprel 10:20
- Allahşükür Paşazadənin növcavan vaxtları - FOTO
20 aprel 00:07
- Bakıda 4-cü kurs tələbəsi intihar etdi
19 aprel 23:29
- “Azercell”ə yeni prezident təyin olundu
19 aprel 23:13
- Abel Məhərrəmovun səfir oğlu geri çağırıldı
19 aprel 22:49
- Prezident onu İspaniyaya səfir təyin etdi
19 aprel 13:44
- Ramiz Mehdiyev onu vəzifədən qovdu
19 aprel 13:31
Video & Fotoqalereya
Video
Fotoqalereya