Şəhid mayorun ailəsi 10 aydır kirayə pulunu verə bilmir..
“Evimiz yaşanılacaq vəziyyətdə deyil, elektrik sistemi tamamilə sıradan çıxıb. Hələ yoldaşım şəhid olmamışdan öncə - ötən ilin avqust ayından kirayə mənzilə köçmüşdük. Təəssüf ki, o, sentyabr ayında şəhid oldu. Artıq 10 aydır ki, kirayədəyik, hələ də nə evimizin təmirinə köməklik olunub, nə də yeni mənzil verilib”.
Bu barədə “Qafqazinfo”ya şəhid mayor Toğrul Bərxudarovun həyat yoldaşı Zəhra Bərxudarova bildirib. Onun sözlərinə görə, Nəsimi rayonu, 20 yanvar küçəsində yerləşən mənzillərinin mətbəxində yanğın olandan sonra evi tərk etmək məcburiyyətində qalıblar. Şəhid xanımı hər ay 350 manat kirayə haqqı ödədiyini deyir:
“İki dəfə Nəsimi rayon icra Hakimiyyətinə müraciət eləmişəm ki, təkəm, işləmirəm, az da olsa köməklik edin, evimə əl gəzdirib köçüm. Dedilər ki, sizi tezliklə evlə təmin edəcəklər. Kirayə haqqı verirəm, bunun kommunal xərci var, 3 və 4-cü siniflərdə oxuyan uşaqlarımın xərcləri var. Bütün bunları bir yerdə çatdıra bilmirəm”.
Z. Bərxudarova deyir ki, həyat yoldaşı Toğrul Bərxudarov 13 yaşından 33 yaşınadək hərb sahəsində olub, C. Naxçıvanski adına Hərbi Liseyi, Ali Hərbi Akademiyanı bitirib: “Xətkeşlə düz xətti necə çəkirsinizsə, mənim yoldaşım o cür düz işləyən adam olub. Barelyefi hazırlanır, İcra Hakimiyyətindən deyiblər ki, gətirib vuracaqlar, hələ də vurmayıblar. Çünki bizim bina çox çökmüş vəziyyətdədir. Deyirlər təmir olunsun, sonra. “YAŞAT” Fonduna müraciət elədim, gəlib evin şəkillərini çəkdilər, sonra dedilər ki, sizə tezliklə ev veriləcək. İxtisasca psixoloqam, yoldaşımın şəhid olmasından sonra aldığım travmalardan işləyə də bilmirəm. Hətta övladlarımla vaxt keçirməyə səbrim çatmır. Bizim evin ərazisi eyvan, hamam və s daxil 42 kv metrdir. Buna heçmi kömək etmək mümkün deyil, ev verilənə kimi kirayədən çıxım?”
Şəhid xanımı evinin şəraitsizliyini əks etdirən görüntüləri də redaksiyamıza göndərib:
Z. Bərxudarova bildirib ki, şəhid ailəsi kimi mənzil növbəsində qeydiyyata durub. Yeni mənzilin veriləcəyi tarixi öyrənmək üçün aidiyyati quruma yaxınlaşsa da, hələ həmin tarixin bilinmədiyini söyləyiblər. Şəhidin xanımının sözlərinə görə, İcra Hakimiyyəti vasitəsilə özəl şirkətlərdən biri ilə müqavilə bağlanıb və hər ay ailəyə 200 manat köməklik olunub.
Şəhid ailəsinin yaşadığı çətinliklərlə bağlı Nəsimi rayon İcra Hakimiyyətinə müraciət etdik. İcra Hakimiyyətindən saytımıza bildirildi ki, Vətən müharibəsi şəhidi Toğrul Bərxudarovun həyat yoldaşı Zəhra Bərxudarova Nəsimi RİH başçısının 19 yanvar 2021-ci il tarixli Sərəncamına əsasən 3 nəfər ailə tərkibi ilə şəhid ailəsi kimi mənzil növbəsinə götürülüb. Həmçinin Prezidentin Sərəncamına uyğun olaraq mənzillə təmin olunması üçün sənədləri ƏƏSMN-nin tabeliyində olan Sosial Xidmətlər Agentliyinə təqdim edilib: “Nəsimi rayon İcra Hakimiyyətinin təşəbbüsünə əsasən Nəsimi rayon ərazisində fəaliyyət göstərən şirkətlərdən biri tərəfindən 5 il müddətində hər ay 200 AZN məbləğində şəhid ailəsi Bərxudarova Zəhra Elxan qızına maddi yardım verilir. Rayon İcra Hakimiyyəti tərəfindən bayram günlərində rayonda yaşayan bütün şəhid və qazi ailələri kimi ona da bayram sovqatı və maddi yardım verilir. Hazırda şəhid ailəsinə məxsus olan 20 Yanvar küçəsi 9 №-li evin 45 №-li mənzilinin yerləşdiyi binanın rayon İcra Hakimiyyəti tərəfindən təmir olunması nəzərdə tutulub. Binanın təmirindən sonra şəhidin barelyefi şəhidin yaşadığı binaya vurulacaq”.
İcra Hakimiyyətindən həmçinin bildirilib ki, Toğrul Bərxudarov Səfərbərlik və Hərbi Xidmətə Çağırış üzrə Dövlət Xidmətinin Yevlax rayon İdarəsindən orduya çağırılıb və nəşi Yevlax şəhərində dəfn olunub. T. Bərxudarov şəhid kimi Yevlax şəhərində qeydiyyata alınıb və Yevlax rayon İcra Hakimiyyəti tərəfindən də onun ailəsinə mütəmadi olaraq yardım edilir.
“YAŞAT” Fondundan isə “Qafqazinfo”nun sorğusuna cavab olaraq bildirilib ki, Fondun əməkdaşları tərəfindən şəhid Toğrul Bərxudarov Məmməd oğlunun ailəsinin qeydiyyatı 2020-ci il 25 dekabr tarixində aparılıb, şəhid ailəsi qeydiyyat zamanı əsas zərurət kimi məişət avadanlıqlarının alınmasını seçib: “Müvafiq istiqamət üzrə şəhidin həyat yoldaşının bank hesabına 2021-ci il 17 fevral tarixində 2500 AZN vəsait köçürülüb. Hazırda Bakı şəhərində yaşayış yeri üzrə qeydiyyatda olan şəhid ailələri üzvlərinin müvafiq qurumlar tərəfindən növbəlilik əsasında mənzil və ya fərdi evlə təmin edilməsi prosesi davam etdiyindən yaşayış yeri üzrə Bakı şəhərində qeydiyyatda olan şəhid ailələri üzvlərinə evin təmiri istiqaməti üzrə yardımın ayrılması tərəfimizdən həyata keçirilmir”.
Şəhid ailəsinin mənzil qeydiyyatına gəlincə isə, Sosial Xidmətlər Agentliyindən bildirilib ki, hazırda şəhid ailəsinin mənzillə bağlı sənədləşmə proseduru davam edir:
“Prezident İlham Əliyevin 25 yanvar 2021-ci il tarixli Sərəncamının icrası olaraq, 2014-2019-cu illərdə uçota alınmış şəxslərlə bərabər, 2020-ci ildə hərbi əməliyyatlar, o cümlədən Vətən müharibəsi zamanı şəhid olanların ailələri və bu müharibə əlillərinin mənzillə təminatı işləri aparılır. Vətən müharibəsi şəhidinin həyat yoldaşı Bərxudarova Zəhra Elxan qızı da mənzillə təmin olunmaq üçün ötən ilin oktyabr ayında Nəsimi rayonu üzrə qeydiyyata alınıb. Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinə onun tərəfindən aidiyyəti sənədlərin təqdim edilməsi və müvafiq sənədləşdirmə proseduru davam edir. Bu prosedur yaxın vaxtlarda bitdikdən sonra nəticəsi barədə məlumat veriləcək”.
Qeyd edək ki, Azərbaycan Ordusunun mayoru Bərxudarov Toğrul Məmməd oğlu 1987-ci ildə, Gəncə şəhərində anadan olub. Tərtər rayonunda N saylı hərbi hissədə qərargah rəisi kimi xidmət edib. Sentyabrın 30-u Tərtər-Ağdərə istiqamətində gedən döyüşlərdə qəhrəmancasına şəhid olan hərbçimiz Yevlax rayon Fəxri Xiyabanında dəfn olunub. Müharibədə göstərdiyi şücaətə görə ölümündən sonra “Vətən uğrunda” və “Hərbi xidmətlərə görə” medalları ilə təltif olunub.
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 2024 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 2024 13:01
- Dedik ki, bir neçə saata Xankəndiyə daxil olacağıq - Prezident
25 aprel 2024 11:35
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 2024 12:48
- İki Avropa ölkəsi gizli şəkildə birləşməyə hazırlaşır
22 aprel 2024 10:24
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- Kürdə atası ilə batan uşağın meyiti tapıldı
21 aprel 2024 11:37
- Məktəb direktoru haqda son qərar - Qalan ömrünü həbsdə keçirəcək
16 aprel 2024 09:31
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 2024 15:24
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20