Abşeron rayon prokurorundan Baş prokurora ŞİKAYƏT
“Qafqaz Hüquq Mərkəzi” MMC-nin baş direktoru İlqar Abbasov Azərbaycan Respublikasının Baş Prokuroru cənab Kamran Əliyevə müraciət edib.
Müraciəti dərc edirik:
Hörmətli Baş Prokuror !
Sizin Baş Prokuror vəzifəsinə təyin olunmağınız korrupsiya, rüşvətxorluq, süründürməçilik və digər vəzifə cinayətlərinə qarşı mübarizənin daha da kəskin aparılacağı barədə cəmiyyətdə inam yaradıb.
Ölkə rəhbərliyinin daim nəzarətində olan bu sahədə tədbirlər keçirilərək bir sıra vəzifəlilər ifşa edilib məsuliyyətə cəlb olunsalar da, təəssüf ki, rəhbərliyin etimad göstərib, etibar etmiş olduğu bəzi məmurların məsuliyyətsizliyi, yaxud da digər neqativ hərəkətləri dövlətin nüfuzuna xələl gətirməklə bərabər, vətəndaşın haqlı narazılığına səbəb olur və nəticədə ictimaiyyətdə də haqlı narazılıq yaranır.
Müraciət etməyimə əsas, sahibkar fəaliyyəti ilə məşğul olan A. İsmayılovun ona hüquqi xidmət edilməsinə dair “Qafqaz Hüquq Mərkəzi” MMC ilə bağlamış olduğu hüquqi xidmət müqaviləsidir.
Səbəb isə, müraciət etdiyimiz şikayətlərin yoxlanılmasına aidiyyəti olan Abşeron rayon prokurorluğunun və Baş Prokurorluğun bəzi vəzifəli şəxslərinin “Vətəndaşların müraciətləri haqqında” Azərbaycan Respublikası Qanunun tələblərini 6 ay ərzində pozmaları və bu günə kimi israrla davam etdirmələridir.
Belə ki, vətəndaş A.İsmayılovun sahibkarlıq fəaliyyəti göstərdiyi, hüquqi ünvanı Xırdalan şəhəri, H.Əliyev pr. 15 olan “MAGNA TRANS” MMC-nin fəaliyyətinə aidiyyəti olan və kənar şəxlərdən yaradılmış bir mütəşəkkil dəstə üzvlərinin MMC-nin əmlakını və külli miqdar məbləğdə pul vəsaitini mənimsəməklə törədilmiş olduqları və bu günlərdə də davam etdirdikləri:
- özbaşınalıq,
- qanuni sahibkarlıq fəaliyyətinə mane olma,
- dələduzluq yolu ilə xüsusilə külli miqdarda ziyan vurmaqla özgənin əmlakını ələ keçirmə,
- xüsusilə külli miqdarda ziyan vurmaqla mənimsəmə və etibar edilmiş özgə əmlakını talama,
- külli miqdarda ziyan vurmaqla qəsdən və saxta müflisləşmə,
- sənədləri saxtalaşdırma yolu ilə hüquqi şəxsin hüquqlarına və qanuni mənafelərinə mühüm zərər vurulması və bir sıra digər qanunazidd əməllərin törədilməsi barədə ilk dəfə müraciət etdiyimiz sahibkarın şikayət əizəsi, Baş Prokurorluq tərəfindən məktubla (02.02.2021-ci il, №21-090-01-01- 006812) “baxılması və nəticəsi barədə şikayətçiyə bildirilməsi” göstərişi ilə Abşeron rayon prokurorluğuna göndərilmişdir.
Abşeron rayon prokuroru Qabil Qasımovun imzaladığı məktubla (18.02.2021-ci il, №201-Ş21) bizə cavab verilmişdir ki, “müraciət araşdırılması üçün” Dövlət Vergi Xidmətinin 2 Saylı Ərazi Vergilər Baş İdarəsinə (Sumqayıt şəh.) göndərilmişdir.
Əvvəlcədən bildirim ki, 4 ay sonra, sorğumuza (21.06.2021-ci il, №1/76) 2 Saylı Ərazi Vergilər Baş İdarəsi (Sumqayıt şəh.) cavabında (30.06.2021-ci il, №210202041783700) bildirmişdir ki, “Abseron rayon prokurorluğundan 18.02.2021-ci il tarixli, №201-9-21 sayll məktub bas idarəyə daxil olmamışdır.”
Həmin sorğumuza isə (21.06.2021-ci il, №1/76), Abşeron rayon prokurorluğu cavab verməmişdir.
Baş Prokurorluqdan göstərişlə gəlmiş sənədi Abşeron rayon prokuroru icra etmək əvəzinə, yəni qanunazidd əməllər barədə şikayətinə dair vətəndaşın heç bir izahatını almadan, ondan sənəd-sübut tələb etmədən, guya “müraciəti araşdırılması üçün” Dövlət Vergi Xidmətinin 2 Saylı Ərazi Vergilər Baş İdarəsinə (Sumqayıt şəh.) göndərməsi və bununla da, kimlərinsə əməllərini ört-basdır etməyə cəhd göstərməsi, ancaq saymazlıq və biganəlikdən irəli gəlirmi?
İkinci dəfə, müraciət etdiyimiz (15.03.2021-ci il, №1/25) eyni məzmunlu şikayət Baş Prokurorluq tərəfindən yenə də yoxlanılması üçün (01.04.2021-ci il №21-0090-01-01-022691), Abşeron rayon prokurorluğuna göndərilsə də, Abşeron rayon prokurorluğu, ümumiyyətlə, susqunluq mövqeyini seçərək, cavab verməyi belə rəva bilməmişdir.
Bu səbəbə, şikayətlərin aqibəti ilə maraqlanmaq üçün, 23.04.2021-ci ildə Abşeron rayon prokurorluğunda olarkən, prokuror köməkçisi Tural Maqsudov şikayətlə bağlı heç bir yazılı izahat almadı və hər hansı bir prosessual sənəd tərtib etmədi, sadəcə şikayətçini dinlədikdən sonra, “məsləhətləşib mütləq sizə zəng edəcəyəm” vədi ilə öz vəzifə borcunu yerinə yetirmiş hesab etdi.
Lakin, nə qədər ciddiyətlə söz vermiş olsa da, şikayətçiyə zəng etməyi tamam “unutdu”. Prokuror köməkçisi Tural Maqsudov vətəndaşı aldatdığı üçün, poçt vasitəsi ilə tərəfimizdən göndərilmiş “xatırlatma məktubu” 26.04.2021-ci ildə Abşeron rayon prokurorluğunda qəbul edilsə də, yenə də heç bir tədbir görülmədi və cavab verilmədi.
Bu səbəbdən, əvvəl göndərilmiş sənədlərin surətləri də əlavə edilməklə, "Qafqaz Hüquq Mərkəzi" MMC-nin yeni məktubu ilə (04.05.2021-ci il, №1/53), 3-cü dəfə Baş Prokurorluğa və surəti ilə Abşeron rayonunun prokuroruna müraciət olunmuşdur. Bu günə kimi, şikayətçini qəbul edib izahatını almaqdan, məsələni mahiyyəti üzrə araşdırmaqdan Abşeron rayon prokuroru tam imtina etmişdir. Yenə də heç bir tədbir görülmədiyi üçün, sonuncu dəfə, 23.06.2021-ci il tarixdə Baş Prokurora tərəfimizdən teleqramla müraciət olunmuşdur. 12 gün keçməsinə baxmayaraq, Baş Prokurorluğun aidiyyəti əməkdaşları da şikayəti qanunvericilikdə nəzərdə tutulmuş qaydada araşdırmaq əvəzinə, qətiyyətli imtina mövqeyini tutmuşlar. Çoxsaylı müraciətlərimizə ancaq yuxarıda göstərilən 2 cavab məktubu verilmiş, qalanlar isə, gizlədilmişdir. Baş Prokurorluğun “Çağrı Mərkəzi”nin 961 nömrəli telefonu isə formal olaraq mövcuddur.
Hörmətli Baş Prokuror!
Bir neçə ay ərzində etdiyimiz müraciətlərdə, mütəşəkkil dəstə tərəfindən davamlı olaraq silsilə cinayət hadisələrinin törədilməsi barədə şikayətlərimizin yoxlanılması Baş Prokurorluq tərəfindən Abşeron rayon prokurorluğuna göstəriş verilsə də, həmin prokurorluq şikayətləri ciddi-cəhdlə ört-basdır edir, gizlədir, sorğularımıza cavab vermir, qəbulda olsaq da aldatmaqla qanunun tələblərini kobudcasına pozurlar.
Baş Prokurorluqda aidiyyəi məsələ üzrə vəzifə tutanlar isə müraciətlərimizi cavabsız qoyur, tabeçilkdə olan prokurorluğun qanuna zidd əməllərinə göz yumurlar və ən azından, Baş Prokurorluğun 30.07.2020-ci il tarixli Kollegiyasında təsdiq olunmuş “İşin Təşkili Qaydaları”nın tələblərinə biganəlik nümayiş etdirirlər. Bütün bu qanunazidd əməllər isə barəsində şikayət edilən mütəşəkkil cinayətkar dəstəyə himayədarlıq edildiyini düşünməyə əsas verir ki, vaxtında qarşısı alınmazsa, nəticədə mötərbər bir dövlət qurumunda da yeni bir korrupsiyalaşmış dəstənin “lövbər saldığı” aşkara çıxması ehtimal oluna bilər. Necə ki, bir neçə illər öncə, DİN-də “Hacı Məmmədov dəstəsi”, daha sonrakı illərdə isə, keçmiş MTN-də “Eldar Mahmudov çetesi” yuva salaraq ölkədə tüğyan edirdilər. Lakin, zamanları yetişəndə, ifşa olunaraq layiqli cəzalarını aldılar. Əlbəttə ki, bu sözlər heç də məmuniyyətlə deyilmir, ancaq həqiqəti deməmək də olmur.
Hörmətli Baş Prokuror !
“MAGNA TRANS” MMC-nin uzun illər ərzində özbaşınalıqla məşğul olan, özgəsinin əmlakını talayıb oğurlayan, sənədləri saxtalaşdırmaqla xüsusi ilə külli miqdar məbləğdə pul vəsaitini hesabatdan gizləməklə mənimsəməklə vətəndaşa və dövlət büdcəsinə böyük məbləğdə maddi ziyan vumuş və bu gün də davam etdirən mütəşəkkil dəstə barədə şikayətlərimizin Azərbaycan Respublikasının qanunvericiliyində nəzərdə tutulmuş qaydada baxılıb tədbir görülməsini, Abşeron rayon prokurorluğunun qanuna zidd əməllərinə hüquqi qiymət verilməsini Sizdən bir daha xahiş edirik.
Əvvəlcədən minnətdarlığımızı bildiririk!
Hörmətlə, baş direktor İlqar Abbasov
- Baş redaktorun Ədliyyə naziri Fərid Əhmədova MÜRACİƏTİ
28 mart 2024 16:01
- Lifttəmir-in direktoruna şiddətli töhmət verildi
28 mart 2024 15:31
- Şəhid bacısı sektor müdiri təyin edildi
27 mart 2024 22:12
- Biləsuvarda qadın qətlə yetirildi - Əri polisə təslim oldu+Yenilənib
26 mart 2024 21:05
- Taleh Qaraşovu öldürmək istəyiblər
25 mart 2024 11:29
- Xaçmazda qadın özündən 39 yaş kiçik qohumu tərəfindən öldürüldü... VİDEO
23 mart 2024 18:31
- İcra başçısı xanım müavinini işdən çıxarıb - NİYƏSİ bilnmir...
22 mart 2024 19:13
- 102 xidmətinin operatorunu təhqir edən şəxs həbs edildi
22 mart 2024 16:26
- Samuxa yeni DYP rəisi təyin edilib
22 mart 2024 15:58
- Day-dayım olsaydı, qısa zamanda … - Aysel Əlizadə
21 mart 2024 22:16
- "Xoxan" Zərdüşt Əlizadə: "Prezident ola bilərdim, xalq kal, onlar isə Şeyx Nəsrullah idi" (MÜSAHİBƏ)
29 mart 16:26
- Papa qadın məhbusların ayaqlarını yuyub öpdü
29 mart 10:44
- Çingizi arvadı ifşa edibmiş - Mərhum nazirin oğlu da dindirilib
29 mart 10:29
- Şahmar Hüseynova yeni vəzifə verildi
28 mart 21:04
- Bu gün ilk Qədr gecəsidir
28 mart 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 15:56
- İsveçrədən Azərbaycana 105 min manata 4 ədəd qol saatı gətiriblər
28 mart 15:46
- Prezident bu qanuna dəyişiklik etdi
28 mart 15:39
- Lifttəmir-in direktoruna şiddətli töhmət verildi
28 mart 15:31
- Azneft-in baş direktoru da vəzifəsindən azad edildi - Yeni təyinat
28 mart 15:23
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09