Ali Qocayev Samuxu “özününküləşdirib”- / VİDEO

13 iyul 2021 00:53

Samux İcra Hakimiyyətinin başçısı Alı Qocayevin rayonun müxtəlif yerlərində, kəndlərdə torpaq sahəsinin, daşınmaz mülkünün olduğu haqda dəfələrlə açıqlama vermişik.


İcra başçısının hələ də digər bölgələrdə ailəsinin və özünün adına yeni-yeni mülkləri aşkarlanır. Bütün bunlar isə onu deməyə əsas verir ki, Alı Qocayev vəzifə səlahiyyətlərindən sui-istifadə etməkdədir.

A.Qocayevin rayonun bir sıra kəndlərində də ailə üzvlərinin və yaxın qohumlarının adına hektarlarla torpaq sahəsi var. O cümlədən, Kür yolunun üstündə, daha dəqiq desək, çaya gedilən yolun kənarındakı “parnik”lərin də icra başçısına məxsus olması barədə informasiyalar mövcuddur.

Bundan əlavə, Samux rayonunun Ziyadlı kəndinin ərazisində 3 hektar torpaq sahəsində A.Qocayevin böyük fermasının olduğu bildirilir.


“Hürriyyət”in bölgə müxbiri Azər Allahverdiyevin əldə etdiyi məlumata görə, icra başcısı Gəncənin Rüstəm Allahverdioğlu küçəsində, Mədəniyyət Nazirliyinin tabeçiliyində olan "KLUB" deyilən yerin ərazisində ikimərtəbəli ev də tikdirib.

Bütün bunlarla bağlı görüntüləri oxucularımıza təqdim edirik:





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1328