Evli qadınlarla görüşüb ərlərindən şantajla pul tələb edən ŞƏRƏFSİZ
Azərbaycanda evli və varlı qadınlarla tanış olduqdan sonra onları hədələyərək külli miqdarda pul tələb etdiyinə görə həbs edilən Elçin Pirişovun cinayət əməlləri ilə bağlı detallar məlum olub.
"Qafqazinfo" məhkəmə materiallarına istinadən xəbər verir ki, Elçin Pirişov 2011-2018-ci illərdə bir çox evli qadınla tanış olaraq əvvəlcə onların etibarını qazanıb, cinsi əlaqədə olub, daha sonra intim görüntülərini əldə edib. Bundan sonra isə əlindəki məlumatları və görüntüləri yaymaqla, övladlarını öldürəcəyi ilə hədələməklə qadınlardan külli miqdarda pul alıb.
İttihama görə, Elçinin ilk belə fəaliyyəti 2011-ci ildə “odnoklassniki.ru” saytında Xırdalanda yaşayan qadınla tanış olması ilə başlayıb. Onunla münasibətləri dərinləşdikdən sonra fotoşəkillərdən və yazışmaların mətnindən ibarət rüsvayedici məlumatları internet səhifələrində, həmçinin sonuncuların övladlarının tədris aldıqları təhsil müəssisələrində yayacağı ilə hədələyib. Qadından ümumilikdə 31 min manat pul alıb.
Qadın ifadəsində göstərir ki, Elçin əvvəlcə onunla qız profili ilə yazışıb, daha sonra gerçək kimliyi üzə çıxıb. Bu müddətdə qadın ona öz ailəsindəki problemləri yazırmış. Elçin isə həmin məlumatları yayacağı, ərinə və uşaqlarına bildirəcəyi, ailəsini biabır edəcəyi ilə hədələyərək qadından pul istəyib. O, Elçinə əvvəlcə 5 min manat verib. Elçin növbəti dəfə şantaj edib pul tələb etməyə başlayanda qadın dözə bilməyib və başına gələnləri əri Ruslana (adlar şərtidir) danışıb. Lakin Elçin yenə də təhdidlərə davam edib və pul göndərməyəcəkləri təqdirdə cütlüyün oğlu Vaqifə və onun sinif yoldaşlarına anasının əxlaqsız qadın olduğunu deyəcəyini bildirib. Bundan sonra qadın və əri Elçinə daha 6200 manat veriblər.
Elçin bununla kifayətlənməyib və yenidən pul göndərməsələr, onların uşaqlarını öldürməklə hədələyib. Qadın və əri Elçinin əməlini sübuta yetirmək üçün evin qarşısına kamera yerləşdiriblər. Bunu başa düşən Elçin tələb edib ki, pulları balkondan atsınlar. Pulu yerə atdıqdan sonra üzünü gizlədən şəxs gəlib pulu götürüb gedib. Bu cür “alış-veriş” bir neçə-dəfə baş tutub. Elçin, ümumilikdə ailədən 31 min manat pulu hədə-qorxu ilə ələ keçirib.
Elçinin daha bir əməli 2013-cü ildə “odnoklassniki.ru”da tanış olduğu qadına qarşı olub.
O, Məleykə adlı qadınla dəfələrlə görüşərək intim yaxınlıq edib. Münasibətlərini dərinləşdirdikdən sonra mütəmadi olaraq ondan borc adı ilə pullar almağa başlayıb. Daha sonra öyrənib ki, qadının övladı Bakı Modern Məktəbində təhsil alır. O, qadının telefonundan övladının sinif yoldaşlarının imkanlı valideynlərinin, o cümlədən qaynı arvadı Rüxsarənin maddi vəziyyəti, yaşayış ünvanları, telefon nömrələri, özlərinin və ailə üzvlərinə xidmət edən sürücülərin idarə etdikləri avtomaşınlar və sair hallar barədə davamlı olaraq ətraflı məlumatları toplayıb.
Daha dəqiq desək, Bakı Modern Məktəbindəki şagirdlərin valideynlərindən ibarət vatsap qrupundan oradakı nömrələri götürüb, yazışmaları oxuyaraq valideynlər haqqında məlumatlar əldə edib. Daha sonra həmin qadınlarla tanış olmağa başlayıb.
Məleykənin əri Vahid onun Elçinlə münasibətlərini öyrəndikdən sonra məcbur edib ki, hadisəni etiraf etsin.
Qadın boynuna alıb ki, müxtəlif ünvalarda Elçinlə intim əlaqəyə girib. Hətta Məleykə əri və uşaqları ilə Türkiyəyə istirahətə gedərkən qaldıqları hotelə Elçini çağırıb və həmin hoteldə yan otaqda onunla intim əlaqədə olub. Elçin qadın və ərini hədələyib bu hadisəni onların qohumlarına çatdıracağını desə də, onlar Elçinə pul göndərməyiblər. Elçin isə qadın barəsində rüsvayedici məlumatlar olan ismarışları və çılpaq şəkillərini onun telefonundan götürdüyü qohum və tanışlarına göndərib. Məleykə istintaqa bildirib ki, Elçin eyni üsulla başqa qadınları da şantaj edərək pullarını alıb.
Elə həmin qadınlardan biri onun qaynı arvadı, AMEA-da işləyən şəxs olub.
Elçin həbs olunduqdan sonra Məleykənin telefonundan götürdüyü Rüxsarənin nömrəsinə hər gün həbsxanadan zəng edib.
Qadın əvvəllər ona soyuq münasibət göstərsə də, sonradan ona cavab verməyə başlayıb. Bir müddət sonra Elçin Rüxsarədən pul tələb edəndə, o, bununla razılaşmayıb. Ardınca Elçin onun haqqında topladığı məlumatları sadalayıb və övladını öldürməklə hədələyib. Elçin tanışı vasitəsi ilə həmin qadını və övladını izlətdirib. Getdikləri yerləri, hazırda nə etdiklərini zəng edib deyəndə Rüxsarə onun həqiqətən də təhlükəli adam olduğunu və övladını öldürə biləcəyini düşünüb. Elçin məcbur edib ki, Rüxsarə ona çılpaq şəkillər göndərsin. Şəkilləri göndərdikdən sonra hədə-qorxu ilə Rüxsarədən əvvəlcə 10 min manat alıb. Daha sonra 3 dəfə fərqli vaxtlarda tanışları vasitəsilə ümumilikdə 18 min dollar ala bilib.
Elçin Pirişov həbs edildikdən sonra Rüxsarəni təcridxanaya onunla görüşə gəlməyə vadar edib. Birinci görüşdən sonra Elçin ikinci görüş tələb edib və bu dəfə cinsi əlaqədə olacaqlarını bildirib. Onlar təcridxana otaqlarından birində cinsi əlaqədə olublar. Ardınca isə Elçin Rüxsarədən 50 min manat pul tələb edib. Əks təqdirdə cinsi əlaqədə olmalarını yaymaq və oğlunu öldürməklə hədələyib. Elçin hüquq-mühafizə orqanlarında və kriminal aləmdə dostları olduğunu deyərək qadını daha da qorxudub. Bundan sonra Rüxsarə 14 min dollar və 11.160 manat pulu Elçinə verib. Bütün bu hadisələrin sonunda Elçin ondan ümumilikdə 76 min 800 manat pulu hədə-qorxu və şantaj yolu ilə əldə edib.
Elçin Pirişov isə ifadəsində deyib ki, Məleykənin qaynı arvadı Rüxsarə ilə istintaq təcridxanasının görüş otağında 26 avqust 2018-ci ildə də intim əlaqədə olub. O, bu şəraiti yaratdığı üçün Penitensiar Xidmətin Məmmədbağı adlı əməkdaşına 1100 manat verib.
Cinayət işinin davamını növbəti yazıda təqdim edəcəyik.
Qeyd edək ki, bu ilin aprel ayında Elçin Pirişov Penitensiar Xidmətin Müalicə Müəssisəsində vəfat edib. Ölüm səbəbi açıqlanmasa da, onun ağır xəstəlikdən əziyyət çəkdiyi bildirilib.
- NAR Füzulidə yerləşən məktəbə yeni kitablar hədiyyə etdi
23 aprel 2024 18:28
- Ersin Tatar Azərbaycana gəlir
22 aprel 2024 10:13
- Atatürk və Ərdoğanı təhqir edən şəxs həbs olundu
21 aprel 2024 22:31
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 2024 20:51
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 2024 15:49
- Sülhməramlıların Qarabağdakı missiyası başa çatıb - Rusiya KİV
19 aprel 2024 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 2024 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Ailəli müəllim məktəbli ilə çılpaq halda maşında yaxalandı
16 aprel 2024 11:06
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10
- Avqustda Milli Məclisə seçkilər keçirilə bilər
20 aprel 19:59
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22