MTN generalı: İstəsəydim ölkədən elə qaçardım, izimi-tozumu tapa..ŞOK
Müsahibə19 sentyabr 2021 12:39
MTN-in Antiterror Mərkəzinə rəhbərlik etmiş Elçin Quliyev qapalı məhkəmə iclasında daha çox şeyi açıqlayacağını söyləyib
MTN-in Antiterror Mərkəzinə rəhbərlik etmiş, indi həbsdə olan general Elçin Quliyevin həyat yoldaşının da ölkədən çıxışına qadağa qoyulub. Bunu iyulun 17-də MTN generalının özü məhkəmədə söyləyib: “İki uşaq anasının ölkədən çıxışına “stop” qoyulur. Hara qaçacaqdı?”.
Elçin Quliyevin, eləcə də onun tabeliyində işləmiş polkovnik Azər Mehdiyevin işinə Bakı Hərbi Məhkəməsində Elbəy Allahverdiyevin sədrlik etdiyi hakimlər kollegiyası baxır.
Bu işdə zərərçəkənlərdən biri Maqsud Mahmudovdur. İttihama görə, onu MTN-ə çağırıb, bir qadınla intim münasibətlərinə dair video ilə şantaj ediblər. Həbs olunmamasından ötrü ondan 120 min manat alıblar. İstər Elçin Quliyev, istərsə Azər Mehdiyev bunun yalan olduğunu deyir. Onların sözlərinə görə, Maqsud Mahmudov başqa bir vətəndaşın şikayətinin araşdırılmasından ötrü MTN-ə çağırılıb və həmin şəxsdən pul alınmayıb.
“Mağazamı satdıq, pulu MTN-ə apardıq”
İyulun 17-də məhkəmədə dindirilən Aslan Qəhrəmanov isə deyir ki, dostu Maqsud günlərin birində ondan kömək istəyib. Bildirib ki, onu MTN-dən şantaj edirlər, pulu çatdırmağa da bir gün vaxt veriblər: “Maqsudun da, mənim də obyektlərimiz vardı. Biz dost olmaqla yanaşı, həm də kirvəyik. Buna görə də aramızda pul söhbəri olmayıb. Maqsud təklif etdi ki, mənim obyektim balaca olduğundan onu təcili sataq, sonra bu məsələni öz aramızda həll edək. Həsən Əliyev küçəsində yerləşən mağazanı təcili satdıq, pulu götürüb MTN-ə getdik. Maqsud maşından düşüb onu gözləyən Azər Mehdiyevlə danışdı. Kənarda olduğuma görə pulun verilmə anını görməmişəm. Amma Maqsud geri qayıdanda dedi ki, pulu MTN-ə verdi”.
Şahidin sözlərinə görə, Maqsud Mahmudov ondan pulu tələb edənlər arasında Azər Mehdiyevlə yanaşı, Antiterror Mərkəzi rəisinin müavini, həbsindən iki ay sonra təcridxanada intihar edən İlqar Əliyevin və mərkəzin əməkdaşı Ayaz Gərayzadənin də adını çəkirmiş.
“Həyat yoldaşımın çıxışına da “stop” qoyulub”
Bu məqamda Elçin Quliyev deyib ki, Ayaz Gərayzadəni və MTN-in başqa bir əməkdaşı Ramin Hümmətovu məqsədli şəkildə aradan çıxarıblar, onların ölkədən çıxışına şərait yaradıblar:
“Bu epizodla bağlı İlqar Əliyevin ifadələrinə istinad edirlər. Guya İlqar Əliyev həbsindən sonra ifadə verib. Amma o ifadə ortada yoxdur. İfadəni görmək istədim, mənə deyirlər ki, həmin ifadə dövlət sirridir. Ayaz Gərayzadə və Ramin Hümmətov da guya könüllü ifadə veriblər, cinayətlərini etiraf ediblər, sonradan yoxa çıxıblar. Bu adamlar cinayəti etiraf ediblərsə, deməli, ölkədən çıxmalarına “stop” qoyulmalı idi. Bəs niyə qadağa qoyulmayıb? Çünki onların ölkədən çıxmalarına şərait yaradılıb.
MTN-dəki hadisələrdən sonra da iki ay orada işlədim. Bir müddət sonra mənim və həyat yoldaşımın ölkədən çıxışına “stop” qoyuldu. İki uşaq anası hara qaçacaqdı? Cinayət törətdiyimi bilsəydim, mən də başqaları kimi qaçardım. Buna imkanım da vardı. Elə qaçardım, izimi-tozumu da tapa bilməzdilər”, – MTN generalı bu sözləri məhkəmədə dilə gətirib.
“Ukraynadakı Maydan hadisələrinə görə MTN-ə çağrılmışdı”
Qapalı məhkəmə iclasında daha çox şeyi açıqlayacağını söyləyən Elçin Quliyev onu da bildirib ki, zərərçəkən Maqsud Mahmudov MTN-ə Ukraynadakı Maydan hadisələrinə görə çağrılıb dindirilmişdi: “Sən özün də yaxşı bilirsən ki, MTN-ə niyə çağrılmışdın…”.
Maqsud Mahmudovdan MTN-ə şikayət yazdığını və həmin ərizə əsasında da onun nazirliyə dəvət olunduğu bildirən Marik Şamilov da məhkəmədə dindirilib. O təsdiqləyib ki, aldığı torpaq sahəsi ilə əlaqədar narazılıq yarandığı üçün MTN-ə şikayət edib: “Amma ünvanlı şəkildə, kiminsə tapşırığı ilə bu addımı atmamışam”.
Həbsdə olan MTN polkovniki Azər Mehdiyev deyir ki, Maqsud Mahmudovla bağlı məsələnin araşdırılmasına nazir Eldar Mahmudovun özü göstəriş verib: “Mənə qovluqda ərizə verdilər ki, bu məsələni araşdırım. Maqsuda zəng eləyib MTN-ə çağırdım, izahatını alandan sonra materialı rəhbərliyə göndərdim. Bu işin araşdırılmasından ötrü nazirin imzası olub. Mən də rəsmi qaydada araşdırma aparmışam. Marik Şamilovun şikayət ərizəsi ilə bağlı qaranlıq məqamlar var, onları qapalı iclasda açıqlayacağam”.
Məhkəmədə MTN generalı ilə zərərçəkmiş Maqsud Mahmudov arasında mübahisə yaranıb. Kəskin ifadələr səslənən bu mübahisəyə görə hakim onların hər ikisinə xəbərdarlıq edib.
Xatırlatma
E.Quliyevə CM-in 145 (qanunsuz azadlıqdan məhrum etmə), 181 (quldurluq), 182 (hədə-qorxu ilə tələbetmə) 302 (əməliyyat-axtarış fəaliyyəti haqqında qanunvericiliyi pozma), 308 (vəzifə səlahiyyətlərindən sui-istifadə) və 311-ci (rüşvət alma) maddələri ilə ittiham verilib.
Amma general ittihamları qəbul etmir və heç kimdən hədə-qorxu ilə pul almadığını deyir.
Milli təhlükəsizlik naziri Eldar Mahmudov 2015-ci ilin oktyabrında işdən çıxarılıb. Ardınca nazirliyin 20-dək yüksəkrütbəli əməkdaşı həbs olunub. Daha iki ay sonra həmin nazirlik ləğv edilib, onun bazasında iki ayrıca xidmət – Dövlət Təhlükəsizliyi və Xarici Kəşfiyyat xidmətləri yaradılıb. (Azadliq.org)
Oxşar xəbərlər
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 2024 11:47
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 2024 15:49
- NAR-ın satış və xidmət şəbəkəsi artıq Şamaxıda!
2 aprel 2024 20:18
- DTK-nın ən qəddar generalı – o, Andropovu da susdurmağı bacarıb
24 mart 2024 20:07
- Nürəddin Mehdixanlının vəsiyyəti ....
21 mart 2024 19:28
- Adların mənası – TAM SİYAHI
12 mart 2024 21:50
- Aliment ödəyə bilməyən şəxslər həbsə yox, məcburi əməyə cəlb olunmalıdır
10 mart 2024 13:56
- M.Ə. Rəsulzadənin qızı Xalidə -Neftçalanın Kurkasa adasında bitən ömür...
9 mart 2024 17:39
- Təkcə başçı Zakir Fərəcov deyil, onun vəzifə başındakı əlaltıları....
3 mart 2024 12:09
- Əlisa Nicatdan sensasion sözlər - Bağırov Hüseyn Cavidi yanına çağırıb, deyib ki...
20 fevral 2024 11:34
Xəbər lenti
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
Video & Fotoqalereya
Video
Fotoqalereya