Eldar Həsənov danışdı: “ASIN MƏNİ, qurtarsın getsin”
Mədəniyyət26 sentyabr 2021 10:34
Bakı Ağır Cinayətlər Məhkəməsində hakim Əfqan Hacıyevin sədrliyi ilə sabiq baş prokuror, keçmiş səfir Eldar Həsənovun cinayət işi üzrə növbəti proses keçirilib.
Gununsesi.info-nun xəbərinə görə, məhkəmədə ifadə verməyə davam edən Eldar Həsənov bildirib ki, səfirliyin xərclər smetasını mənimsəməklə bağlı iddia əsassız və absurddur: “Səfirlik smeta xərcləri ilə bağlı əvvəlcə proqnoz hazırlayır və Xarici İşlər Nazirliyinə təqdim edir. Xarici İşlər Nazirliyi proqnozları araşdırır, əsaslandırır və büdcəni hazırlayır. Bu xərclərə səfirliyin əmək haqları ilə yanaşı işıq, qaz, su pulu, yanacaq xərcləri də daxildir. Xarici İşlər Nazirliyi sənədləri hazırlayıb Maliyyə Nazirliyinə göndərir, bundan sonra səfirliyə illik büdcə ayrılır. Bu proses dövlət büdcəsi kimi həyata keçirilmir. 20 il ərzində bir dəfə də olsun nə Xarici İşlər Nazirliyi, nə də Maliyyə Nazirliyi büdcə proqnozları ilə bağlı mənə irad tutmayıb”.
Onun sözlərinə görə, Xarici İşlər Nazirliyi göstərir ki, 2015-2018-ci illərdəki xərclər smetası obyektiv əsaslandırılıb: “Ştatdankənar işçilərin əmək haqlarının mənimsənilməsinə gəlincə, bildirim ki, təlimata görə səfirliyin sürücüsü, bağbanı, xadiməsi və katibə yerli əhalidən olmalıdır. Bunlar işə götürülməzdən əvvəl şəxsiyyətləri araşdırılmalıdır. Mən həmin şəxsləri işə götürməkdən əvvəl sənədlərini Xarici İşlər Nazirliyinə göndərmişəm, orada onların kimliyini araşdırıb, təsdiq edib bizə göndəriblər. Sonra biz orta aylıq əmək haqqına uyğun olaraq onlara maaş cədvəli müəyyən edib, nazirliyə göndərmişik. Müqaviləni isə onlarla mən yox, nazirlik imzalayıb. Belə bir halda necə nöqsan ola bilər?”.
Eldar Həsənov daha sonra səfir olduğu zaman gördüyü işlərdən danışıb:
“Yeganə səfirlik olmuşuq ki, Xarici İşlər Nazirliyi səfirlik əməkdaşları arasında ixtisar aparmağı təklif edəndə mən 3 ölkənin ikisində yalnız sürücünü və bağbanı ixtisar etmişəm. Mən yeganə səfir olmuşam ki, icarə haqqı 8200 avro olan villadan imtina edib, yarı qiymətə binanın ikinci mərtəbəsində mənzildə qalmışam. Bunları nəzərə almadan mənə ittiham verirlər. Əlavə xərclərdən imtina etmişəm. Mənim xarici ölkədə dayım var, yoxsa əmim var? Pulum qurtaranda kimdən borc almağa imkanım olub? Mən bütün bu çətinliklərlə xərclərə maksimum qənaət etmişəm ki, dövlət büdcəsi ziyan çəkməsin”.
Sabiq səfir qeyd edib ki, cinayət işinin materiallarında səfir kimi işlədiyi dövrlərdə büdcəyə nə qədər vəsait qaytardığı göstərilib:
“Mən işlədiyim dövrlərdə 198 min 153 avro vəsaiti xərclər smetasından qənaət edib dövlət büdcəsinə qaytarmışam. Bu, 2015-ci ildə 40 min avro, 2016-cı ildə 12 min 145 avro, 2017-ci ildə 32 min 144 avro, 2018-ci ildə 13 min 140 avro, 2019-cu ildə isə 4957 avrodur. Əgər Avropada hansısa ölkənin birinin səfirliyi mənim qaytardığım vəsaitin yarısını büdcəsinə qaytarıbsa, gətirin göstərin. Əgər belə bir fakt aşkarlansa, mən adımı dəyişərəm.
Harada olmuşamsa büdcəni qorumuşam, çünki vicdanıma güvənmişəm. Budur mənə sağ olunuz? Sağ olun əvəzinə mənə ittiham irəli sürürsünüz? İstəmirəm sağ olunuzu, mənə ittiham verib odlandırmayın da.
Əgər məni tutmaq, öldürmək, asmaq istəyirsinizsə, boş və absurd ittihamlar səsləndirməyin. Yığın adamlarınızı, jurnalistləri, televiziyaları deyin ki, Eldar Həsənovu öldürmək istəyirik. Asın məni qurtarsın getsin. Mənə Cinayət Məcəlləsinin 308.2-ci maddəsilə ittiham verilib ki, qulluq mənafeyindən sui-istifadə etmişəm. Mən isə əksinə, dövlət mənafeyini qorumuşam. Heç bir epizoda mənimsəmə faktı təsdiq edilməyib. Mənim istintaqım kobud qanun pozuntusu ilə aparılıb. İstintaq 5 ölkədən onlarla şahid dindirib, bir nəfər deməyib ki, mən Eldar Həsənovla hansısa bir işbirliyi qurmuşam. Bir nəfər desin ki, Eldar Həsənov mənə dedi ki, bunu elə. Yoxdur axı.
Birinci gündən telefonlarımı Dövlət Təhlükəsizlik Xidmətinə təqdim etmişəm, yoxlasınlar. Bütün şəcərəmi araşdırıblar, 19 yaşlı nəvəmin bank hesabından tutmuş hamısını. Bir dənə fakt tapsınlar ki, ora bir manat pul köçürmüşəm. Öz hesabımı araşdırıblar, rəsmi maaşım və yazdığım kitabların pulundan başqa bir manat əlavə vəsait aşkarlanmayıb. Fəaliyyətim dövründə 20 illik arxiv sənədlərini araşdırıblar, bir dənə fakt tapmayıblar. Bir nəfər desin ki, Eldar Həsənov 20 ildə bir dəfə Xarici İşlər Nazirliyindən 1 manat əlavə xərc istəyib. Hamısını maaşımdan etmişəm”.
Eldar Həsənovun cinayət işi üzrə rəsmi məlumata görə, onu Rumıniya, Serbiya Respublikası, Bosniya və Herseqovina və Monteneqroda fövqəladə və səlahiyyətli səfiri kimi fəaliyyət göstərdiyi 2010-2020-ci illərdə qabaqcadan əlbir olan bir qrup şəxs halında 17.931.316 manat (16.893.868 avro) pul vəsaitini səfirliklər üçün yeni inzibati binaların alınması, habelə təmir-tikinti işləri ilə əlaqədar israf etmə və mənimsəməsinə, cinayət yolu ilə əldə edildiyini bilə-bilə 11.804.661 manat (11.156.716 avro) məbləğində pul vəsaitini leqallaşdırmasına, rəsmi sənədlərə bilə-bilə yalan məlumatlar daxil edərək vəzifə saxtakarlığı törətməsinə, vəzifəli şəxs kimi vəzifə səlahiyyətlərindən sui-istifadə etməklə dövlətin qanunla qorunan mənafelərinə ağır nəticələrə səbəb olan 327.373 manat (180.728 avro) məbləğində mühüm zərər vurmasına və dövlət büdcəsinin xeyli miqdar təşkil edən 192.387 manat (101.761 avro) pul vəsaitindən təyinatı üzrə istifadə etməməsinə əsaslı şübhələr müəyyən edilib.
Eldar Həsənova Cinayət Məcəlləsinin 179.3.2 (mənimsəmə və ya israfetmə, külli miqdarda törədildikdə), 193-1.3.2 (cinayət yolu ilə əldə edilmiş pul vəsaitlərini və ya digər əmlakı leqallaşdırma, külli miqdarda törədildikdə) 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) 308-1.1 (Dövlət büdcəsinin vəsaitindən təyinatı üzrə istifadə etməmə) və 313-cü (vəzifə saxtakarlığı) maddələri ilə ittiham elan olunub.
Eldar Həsənov ittihamları qəbul etmir.
Oxşar xəbərlər
- Həkim əllərin titrəməsinin səbəblərindən danışdı
26 mart 2024 10:05
- Ürəyinizi qorumaq üçün 25 qayda...
24 mart 2024 06:59
- Crocus City Hall-da YALIN ƏLLƏ terrorçunu zərərsizləşdirən şəxs danışdı - VİDEO
23 mart 2024 18:55
- Həbs olunan terrorçu danışdı: Pula görə elədim... - VİDEO
23 mart 2024 16:18
- Azərbaycanlı ictimai fəalı Türkiyədə kim döy(dür)üb?-Zərəçəkən bəzi məmurlardan şübhələnir-Video
22 mart 2024 20:55
- Azərbaycanda qeydiyyatı olmayan partiyalar necə fəaliyyət göstərir?
22 mart 2024 14:00
- Mənə bu qədər rəhmət oxunacağını gözləmirdim - Cavanşir Quliyev + VİDEO
22 mart 2024 10:00
- Bab və babilik: Bir tarixi hadisənin izi ilə
21 mart 2024 23:10
- Day-dayım olsaydı, qısa zamanda … - Aysel Əlizadə
21 mart 2024 22:16
- Nürəddin Mehdixanlının vəsiyyəti ....
21 mart 2024 19:28
Xəbər lenti
- Şahmar Hüseynova yeni vəzifə verildi
28 mart 21:04
- Bu gün ilk Qədr gecəsidir
28 mart 17:37
- Baş redaktorun Ədliyyə naziri Fərid Əhmədova MÜRACİƏTİ
28 mart 15:56
- İsveçrədən Azərbaycana 105 min manata 4 ədəd qol saatı gətiriblər
28 mart 15:46
- Prezident bu qanuna dəyişiklik etdi
28 mart 15:39
- Lifttəmir-in direktoruna şiddətli töhmət verildi
28 mart 15:31
- Azneft-in baş direktoru da vəzifəsindən azad edildi - Yeni təyinat
28 mart 15:23
- Məşhur Azərbaycan filmlərində heyvanlara aktyorlardan çox qonorar verilirmiş
28 mart 11:31
- Hermosonu öpən prezident həbs oluna bilər
28 mart 11:26
- DTX sıralarında 7 Vətən Müharibəsi Qəhrəmanı xidmət edir
28 mart 11:13
- Yaxın günlərdə daha 73 nəfərin adı ictimaiyyətə açıqlanacaq
28 mart 11:05
- 2024-cü ildə bu rektorların səlahiyyət müddəti bitir (SİYAHI)
27 mart 22:27
- Emin Əmrullayevdən daha bir təyinat
27 mart 22:20
- Şəhid bacısı sektor müdiri təyin edildi
27 mart 22:12
- Namiq Abbasov vəfat etdi
27 mart 22:05
- Nazir Kamran Əliyevi təqaüdə göndərdi
27 mart 17:37
- BMU-ya yeni prorektor təyin olunub
27 mart 17:29
- Yüksək rütbəli keçmiş qırğız məmur Bakıda həbs olundu (TƏFƏRRÜAT)
27 mart 12:47
- Ərdoğan Ağ Evdə ilk dəfə Baydenlə görüşəcək
27 mart 12:27
- 7 günlük Novruz tətili başa çatdı
27 mart 08:37
- Biləsuvarda qadın qətlə yetirildi - Əri polisə təslim oldu+Yenilənib
26 mart 21:05
- Üç aydır ictimaiyyət qarşısına çıxmır
26 mart 20:32
- Küçədə satılan balıq və toyuq məhsulları təhlükəlidirmi? - ARAŞDIRMA - VİDEO
26 mart 10:49
- Sabahdan Azərbaycanda tətil başa çatır
26 mart 10:10
- Həkim əllərin titrəməsinin səbəblərindən danışdı
26 mart 10:05
- Sümbülə Əliyeva həbs edildi
26 mart 09:56
- Banan adı ilə aldığımız meyvə AFRİKA KARTOFU imiş - Diqqət!
25 mart 23:09
- Azərbaycan - Bolqarıstan oyununda qalib müəyyənləşmədi
25 mart 22:41
- 3 uşaq anası azərbaycanlı həkimin əlində öldü - FOTOLAR
25 mart 21:20
- Prezident və xanımına qarşı sui-qəsd cəhdinin detalları 28 il sonra açıqlandı - Əl-Qaidə-nin planı
25 mart 16:06
Video & Fotoqalereya
Video
Fotoqalereya