“8 milyon dollar Ziyad Səmədzadəyə çatıb” ŞOK
Ləğv edilmiş Milli Təhlükəsizlik Nazirliyinin (MTN) Baş İstintaq İdarəsinin sabiq rəisi, general-mayor Mövlam Şıxəliyev, onun müavini Yasin Məmmədov və idarənin şöbə rəisləri Vüsal Ələkbərovla Sahib Ələkbərovun cinayət işi üzrə məhkəmə prosesi davam etdirilir.
“Qafqazinfo” xəbər verir ki, Bakı Hərbi Məhkəməsində keçirilən iclasda “Buzovna əkinçilik, heyvandarlıq və südçülük Savxozu”nun sabiq direktoru İbrahim Zeynalovdan 8 milyon dollar rüşvət alınması epizodu araşdırılıb. Hazırda yataq xəstəsi olan İbrahim Zeynalovu prosesdə oğlu İlqar Zeynalov təmsil edib. O, bildirib ki, atasını MTN-ə aparandan 10-15 gün sonra ona zəng ediblər:
“Özünü MTN-in müstəntiqi kimi təqdim edən şəxs “sabah saat 10-da MTN-də Yasin Məmmədovun yanına gəl” dedi. Növbəti gün ora getdim, məni sorğu-sual edib buraxdılar. 10-15 gün sonra atamın vəkili bir məktub gətirdi. Məktubda “50 min” sözü yazılmışdı. Bunun nə demək olduğunu soruşdum. Vəkil dedi ki, “atan bu məbləğin Yasinə çatdırılmasını istəyir”. Məktubdakı xətt atamın deyildi deyə pulu vermədim. 2 gün sonra vəkil daha bir məktub verdi. Həmin məktubda isə “dediyimə əməl elə” yazılmışdı. Bu dəfə xətt atamın idi. Məktubu alandan sonra Yasindən zəng gəldi, danışan atam idi. "Pulu çatdır", deyib telefonu söndürdü. 50 mini düzəldib verdim”.
İlqar Zeynalov bildirib ki, əmisi bir müddət sonra atası ilə MTN-in İstintaq təcridxanasında görüşüb. Gələndən sonra atasının vəziyyətinin ağırlaşdığını bildirib: “Atam həbsdən buraxılmazdan 2 ay əvvəl Yasin Məmmədovla görüşdüm. MTN-nin arxa qapısında mənə “10 milyon dollar verə bilərsən?” deyə sual verdi. Ona bu qədər pulumuz olmadığını dedim. Yasin 8 milyonda israr edəndə məcbur olub razılaşdım.
Bundan sonra nə mal-dövlətim vardısa, satıb pul yığmağa başladım. “Elit kərpic” şirkətini, “Mercedes Benz S 350”, “Toyota Prado”, “Mazda X9”, “Hyundai”, “Toyota Land Cruiser” maşınlarımı satdım. Rəhmətlik qardaşım İlkin Zeynalov villasını, Nəsimi bazarının arxasındakı evini, “Qurman” restoranını və digər obyektini, rəhmətlik bacım “Tri Karona” binasındakı mənzilini, yeznəm Aslan Əsədov “Toyota Prado”sunu, əmim Məzahim Zeynalov Binəqədidəki villasını satdı. Əmim əlavə 500 min dollar verdi. Atamın dostu Aydın İbrahimovdan 2 milyon manat borc aldım. Həbsdən çıxandan sonra atam villasını Aydına verdi. Digər dostu İlyas Panəliyevdən 450 min dollar borc aldıq. Atamın dayısı oğlu Cəfərağa Tağıyev 500 min dollar borc, eyni zamanda “Lexus” və “Toyota Prado”sunu satıb pullarını bizə verdi. Bütün əmlakları satdıqdan sonra yenə də pul düzəlmədi. Rəhmətlik anam Böyükxanım Zeynalova özünə məxsus bütün qızıl-zinət əşyalarını, gümüş qabları, suvenirləri Mərkəzi Univermaqda satdı. Özüm 200 min, bacım Səbinə 70 min, qayınatam 600 min dollar düzəltdi. Qohumlardan borc yığdıq. İyulun sonuna qədər çatışmayan 1 milyon 284 min dolları da düzəltdik. 8 milyonu hazır edib Yasin Məmmədova zəng vurdum. Yasin dedi ki, pulları televizor qutusuna yığ gətir MTN-in arxa qapısına. Pulu çatdırandan sonra Yasin avqustun 2-də zəng elədi ki, gəl atanı apar”.
İlqar Zeynalovun ifadəsindən sonra Mövlam Şıxəliyev Yasin Məmmədova sual verib:
- Səni and verirəm Allaha, aç, de. O pul kimə çatıb? Mənim pul söhbətindən xəbərim olub?
- O pullar Ziyad Səmədzadəyə çatıb.
Hakim İlqar Zeynalovdan Ziyad Səmədzadənin bu məsələyə nə aidiyyəti olduğunu soruşub. İlqar Zeynalov Ziyad Səmədzadənin atası İbrahim Zeynalov ilə işbirliyi olduğunu deyib: “Atam onun vasitəsilə bankdan 3,5 milyon manat kredit götürmüşdü. Bu pula görə atamla Ziyad Səmədzadənin arası dəymişdi. Bundan sonra da atamı tutdular, başımıza oyun açdılar. Bizi müflis elədilər. Qardaşım, bacım, anam rəhmətə getdi. Atamla mən bu gün rayonda vaqonda yaşayırıq”.
İlqar Zeynalov həbsdən çıxdıqdan sonra atasının Binə qəsəbəsindəki 4 hektar torpaq sahəsini də Mövlam Şıxəliyevə verdiyini, sonradan orada Yasin Məmmədovun özünə ev tikdiyini bildirib.
Məhkəmə martın 15-də davam etdiriləcək.
Məhkəmədə səsləndirilən iddialarla bağlı Ziyad Səmədzadə ilə əlaqə saxlamağa cəhd etdik. Deputatın köməkçisi Z.Səmədzadənin məşğul olduğunu bildirdi. Məsələ barəsində onun köməkçisinə məlumat versək də, münasibət öyrənmək mümkün olmayıb.
Qeyd edək ki, Mövlam Şixəliyev MTN-də İstintaq Baş İdarəsinin rəisi vəzifəsində çalışdığı 2008-2014-cü illərdə qeyd edilən qurumun tərkibindəki şöbənin sabiq rəisi Vüsal Ələkbərov, İbtidai istintaq idarəsinin sabiq rəis müavini Yasin Məmmədov, şöbə rəisinin sabiq müavini Sahib Ələkbərovla mütəşəkkil dəstə tərkibində iş adamlarından hədə-qorxu yolu ilə külli miqdarda pul tələb etməkdə ittiham olunur. İstintaqla M.Şıxəliyevin mütəşəkkil dəstə halında ümumilikdə 14 milyon 292 min manat rüşvət qismində, 5 milyon 77 min manat məbləğində özgə əmlakını hədə-qorxu ilə tələb edib almasına əsaslı şübhələr müəyyən edilib və barəsində həbs qətimkan tədbiri seçilib. Cinayət işi üzrə 32 zərərçəkmiş var.
- Azərbaycanın biznes ictimaiyyəti Sahibkarlar Günü-nü qeyd etdi
26 aprel 2024 12:24
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 2024 11:47
- NAR Füzulidə yerləşən məktəbə yeni kitablar hədiyyə etdi
23 aprel 2024 18:28
- Bəraət alan şəxs, Gömrük Komitəsindən milyon yarım təzminat istədi
22 aprel 2024 12:39
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- Sülhməramlıların Qarabağdakı missiyası başa çatıb - Rusiya KİV
19 aprel 2024 11:56
- 2300 maaşım idi, ayda 15 min manat paket alırdım - Sabiq nazir
16 aprel 2024 09:45
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 2024 10:22
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 2024 11:41
- Bakıda uduzmaq üçün mənə 300 min dollar təklif etdilər
12 aprel 2024 11:30
- Azərbaycanın biznes ictimaiyyəti Sahibkarlar Günü-nü qeyd etdi
26 aprel 12:24
- İlham Əliyev Füzulidən Berlinə getdi - Tarixi uçuş - Yenilənib
26 aprel 11:50
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31