Əli Abbasovun kadrı Rəşad Nəbiyevi nüfuzdan salır? – ŞOK FAKTLAR
4 milyonluq yeyintiyə görə həbs olunan Namazalı Məmmədov dövlətə vurduğu ziyanı nə vaxt ödəyəcək?
Nərimanov rayon İcra və Probasiya Şöbəsinin rəhbər şəxsləri ilə iş adamını hansı tellər bağlayır?
Məlum olduğu kimi, bir neçə gün öncə Prezident İlham Əliyev “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nın təsdiq edilməsi haqqında Sərəncam imzaladı. Sərəncamda məqsəd dövlət qurumlarının fəaliyyətində şəffaflığın daha da artırılması, korrupsiyaya şərait yaradan halların qarşısının alınması, dövlət orqanlarının ictimaiyyət qarşısında hesabatlılığının daha da gücləndirilməsi, dövlət qurumları tərəfindən əhaliyə göstərilən xidmətlərin daha da təkmilləşdirilməsi və elektronlaşdırılması, eləcə də korrupsiyaya qarşı mübarizə ilə bağlı görülən tədbirlərin davamlılığının təmin edilməsidir. Sənədə əsasən, “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” təsdiq edilib.
Mərkəzi və yerli icra hakimiyyəti orqanları, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslər, həmçinin dövlət adından yaradılmış publik hüquqi şəxslər:
– “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nda (bundan sonra – Fəaliyyət Planı) nəzərdə tutulan tədbirlərin icrası barədə hər il dekabrın 30-dək Azərbaycan Respublikasının Nazirlər Kabinetinə və Azərbaycan Respublikasının Korrupsiyaya qarşı mübarizə üzrə Komissiyasına illik hesabat təqdim etməlidirlər;
– Fəaliyyət Planının icrası üzrə illik iş planlarını təsdiq etsinlər və bu barədə məlumatı Azərbaycan Respublikasının Korrupsiyaya qarşı mübarizə üzrə Komissiyasına elektron formada göndərməlidirlər.
– Azərbaycan Respublikasının Ali Məhkəməsinə, Baş Prokurorluğuna, Məhkəmə-Hüquq Şurasına, İnsan hüquqları üzrə müvəkkilinə (ombudsmana), Mərkəzi Bankına və Hesablama Palatasına, habelə bələdiyyələrin milli assosiasiyalarına tövsiyə olunsun ki, Fəaliyyət Planında nəzərdə tutulan tədbirlərin icrasını təmin etməlidirlər.
Azərbaycan Respublikasının Nazirlər Kabinetinə tapşırılsın və Azərbaycan Respublikasının Korrupsiyaya qarşı mübarizə üzrə Komissiyasına tövsiyə edilsin ki, Fəaliyyət Planının yerinə yetirilməsi ilə əlaqədar görülən işlərin vəziyyətini mütəmadi təhlil etsinlər və bu barədə Azərbaycan Respublikasının Prezidentinə məlumat verməlidirlər.
Nazirlər Kabinetinə tapşırılıb ki, Fəaliyyət Planında nəzərdə tutulan tədbirlərin həyata keçirilməsini əlaqələndirsin və bu Sərəncamdan irəli gələn digər məsələləri həll etsin.
Təbii ki, korrupsiyaya qarşı mübarizənin davamlı olması, korrupsiyanın qarşısının alınması ilə bağlı müasir çağırışlara uyğun effektiv mexanizmlərin tətbiq edilməsi xüsusi əhəmiyyət kəsb edir. Buna görə də həm beynəlxalq, həm də milli səviyyədə korrupsiyaya qarşı mübarizədə yeni təşəbbüslərin irəli sürülməsi zəruridir və bu sahədə icra edilən tədbirlər korrupsiyaya şərait yaradan halların və korrupsiya hüquqpozmalarının səbəblərinin, növlərinin və nəticələrinin qarşısının alınmasına yönəldilməlidir.
Heç kimə sirr deyil ki, ölkə prezidenti cənab İlham Əliyev prezident seçildiyi 2003-cü ildən bu günə qədər korrupsiya və rüşvətxorluğa qarşı ciddi mübarizə aparmaqdadır. Ölkə başçısı əksər çıxışlarında korrupsiya hüquqpozmalarına yol verən səlahiyyətli şəxslərə ciddi xəbərdarlıq da edib. Bu xəbərdarlıqlardan nəticə çıxarmayan vəzifəli şəxslərin aqibəti isə hər kəsə məlumdur. Kimlər ki dövlət büdcəsinin vəsaitlərindən təyinatı üzrə istifadə etmir, yeri birmənalı olaraq dəmir barmaqlıqların arxasıdır. Necə ki bunu bəzi sabiq icra başçıları və nazirlərin timsalında müşahidə etmişik. Dərin təəssüf hissi ilə vurğulamaq istəyirik ki, əli çirkaba bulaşan, adı korrupsiyada hallanan bəzi şəxslər hələ də tutduqları əməllərdən çəkinmirlər. Yadınızdadırsa bir neçə il əvvəl “Rabitə işi” adı verilən həbslər ölkə gündəmində şok effekti yaratmışdı. Belə ki, 2015-ci ildə hüquq-mühafizə orqanlarının əməkdaşları Rabitə və Yüksək Texnologiyalar Nazirliyinin (RYTN), onun struktur qurumlarının və tabeçilikdə olan müəssisə və əlaqəli şirkətlərin ayrı-ayrı rəhbər vəzifəli şəxsləri tərəfindən vəzifə səlahiyyətlərindən sui-istifadə, mənimsəmə və yol verilmiş digər qanun pozuntuları faktlarını üzə çıxarmışdı. Korrupsiya şəbəkəsinə daxil olan vəzifəli şəxslər tərəfindən dövlət büdcəsi vəsaitləri hesabına maliyyələşmiş layihələrin yaxın qohumlarının adına rəsmiləşdirilməklə faktiki özlərinə məxsus şirkətlər tərəfindən həyata keçirilməsinin rəsmiləşdirilməsi barədə saxta sənədlərin tərtib olunması, görülən xidmətlərin dəyərinin dəfələrlə şişirdilməsi, faktiki yerinə yetirilməmiş xidmətlərə görə ödənişlərin həyata keçirilməsi və sair yollarla külli miqdarda dövlət əmlakını mənimsəmə və israf etmələri aşkar edilmişdi.
Həmən vaxt həbs olunan şəxslərdən biri də “Optik Rabitə Tikinti və Quraşdırma” MMC-nin direktoru Namazalı Məmmədov idi. O, Cinayət Məcəlləsinin 179.3.2 və 308.2-ci maddələri ilə təqsirli bilinərək 11 il müddətinə azadlıqdan məhrum edilmişdi. Məlumat üçün bildirək ki, Namazalı Məmmədov dövlət büdcəsinə 4 milyon manat ziyan vurduğu üçün həbsə atılmışdı. Amma o cəmi 3 il həbs həyatı yaşadıqdan sonra kimlərinsə himayəsi altında şərti olaraq azadlığa buraxıldı. Aparılan araşdırmalar göstərir ki, Namazalı Məmmədov dövlətə vurduğu 4 milyon manatlıq ziyanı bu günə qədər hələ də ödəməyib. Etibarlı mənbələrin məlumatında deyilir ki, həbsdən şərti olaraq azadlığa buraxılan Məmmədov bundan az müddət sonra yaxın qohumu Məmmədov Rəşad Yaqub oğlunun adına “Optik Tikinti və Montaj” MMC-ni təsis edib. Daha doğrusu, “Optik Tikinti və Montaj” MMC (VÖEN-1802297051) 21.02.2014-cü ildə dövlət qeydiyyatından keçib. Hüquqi ünvanı “Sabunçu rayonu, Sabunçu ŞTQ, Anaşkin, ev 55A”-da yerləşən MMC-nin nizamnamə kapitalı 10 manata bərabərdir. MMC-nin qanuni təmsilçisi Məmmədov Rəşad Yaqub oğludur. Hazırda “Optik Tikinti və Montaj” MMC-yə məxsus veb-saytda da şirkətin ünvanı olaraq göstərilən “Nərimanov rayonu Dərnəgül şossesi küç. 507, məhəllə 2113” eyni zamanda “Optik Rabitə Tikinti və Quraşdırma” MMC-nin hüquqi ünvanıdır. Mənbəmizin bildirdiyinə görə, Namazalı Məmmədov Rəqəmsəl İnkişaf və Nəqliyyat Nazirliyindəki himayədarlarının hesabına bu gün də tenderlərdə qalib gəlməkdədir. Biz cənab nazir Rəşad Nəbiyevə sual edirik. Hörmətli nazir, məgər sizin Namazalı Məmmədovun hansı faktlara görə həbs olunmasından xəbəriniz yoxdur? Axı, sabiq nazir Əli Abbasovun dönəmində korrupsiyaya bulaşaraq həbs olunan bir insana bu gün növbəti dəfə şans yaradan kimlərdir? Məgər bu boyda ölkədə başqa iş adamları yoxdur ki, onlar nazirliyin tenderlərində qalib gəlsin? Və ya bu adam dövlətə vurduğu 4 milyonluq ziyanı ödəyibmi? Suallar çoxdur cənab nazir. Təki siz cavab verin. Biz sizə çox inanırıq. İstəmirik ki, sabiq nazir Əli Abbasovun adamı kimi özünü tanıdan Namazalı Məmmədovun qanunsuz əməlləri sizin nüfuzunuza xələl gətirsin.
Aparılan araşdırmalarla həmçinin o da müəyyən olunub ki, bir vaxtlar Namazalı Məmmədovun rəhbəri olduğu şirkətdə mühasib işləmiş Sərhab Hümbətov istintaqa maraqlı ifadə verib.
O, istintaq ifadəsində bütün göstərişləri Namazəli Məmmədovdan aldığını deyib. Bildirib ki, sənədləşmə və pul köçürülmə işini görüb, amma malların qəbulunda iştirak etməyib. O, əlavə edib ki, malların qiymətləndirilməsi təxmini hesablanma ilə aparıb.
Səhrab Hümbətov qeyd edib ki, cəmiyyətin kassasında olan pullar Namazəli Məmmədovun öhdəsində olub. Mühasib istintaqa verdiyi ifadədə malların qiymətləndirilməsinin təxmini hesablanma ilə aparıldığını bildirib. Hörmətli Rəşad müəllim, təxmini hesablanma nədir? Burda söhbət dövlət büdcəsindən ayrılan milyonlardan gedir. Təxmini hesablama ilə iş görən bir adamın şirkətinə tenderləri qazandıran kimdir? Biz sizdən bu sualları cavablandırmağınızı xahiş edirik cənab nazir. İnanırıq ki, siz Namazalı Məmmədova məxsus şirkətin fəaliyyətini dərhal yoxlatdırıb, onunla əməkdaşlığa son qoyacaqsınız. Deyilənə görə, Namazalı Məmmədovun Nərimanov rayon İcra və Probasiya Şöbəsinin rəhbər şəxsləri ilə çox yaxın əlaqələri var. Bu və digər maraqlı faktlarla, o cümlədən Namazalı Məmmədovun 60 illik yubileyi ilə əlaqədar hazırlatdığı video sujetdə hansı pullarla “xeyriyyəçi” olması ilə bağlı araşdırma yazımız olacaq. Bizi izləməkdə qalın.
Qarşı tərəfin mövqeyini işıqlandırmaq hüququnu tanıyırıq.
KivNews.com
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 2024 11:47
- Məktəb direktoru haqda son qərar - Qalan ömrünü həbsdə keçirəcək
16 aprel 2024 09:31
- Akademik Zərifə Əliyevanın anım günüdür
15 aprel 2024 20:43
- Əbiliqoz bəyin Rusiyadakı şirkəti balıq biznesindən 106 milyon qazanıb - FAKTLAR
8 aprel 2024 21:21
- Bir sıra məhkəmələrə hakim və sədrlər təyin edildi - SİYAHI
8 aprel 2024 14:29
- Bir sıra məhkəmələrə hakim və sədrlər təyin edildi - SİYAHI
8 aprel 2024 14:29
- Baş redaktorun Ədliyyə naziri Fərid Əhmədova MÜRACİƏTİ
28 mart 2024 16:01
- DƏLLƏK necə TERRORÇU oldu? - SENSASİON FAKTLAR
23 mart 2024 20:47
- Bunu qatığa 1 qaşıq əlavə etsəniz, sonsuz faydalarını görərsiniz- Sağlamlıq sirri
23 mart 2024 20:40
- 2 milyonluq tenderi uddu, amma 2,25 milyonluq müqavilə imzaladı - Müəmma
23 mart 2024 20:29
- Azərbaycanın biznes ictimaiyyəti Sahibkarlar Günü-nü qeyd etdi
26 aprel 12:24
- İlham Əliyev Füzulidən Berlinə getdi - Tarixi uçuş - Yenilənib
26 aprel 11:50
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31