Brejnevin qızı ilə gəzən qaraçı – General Çurbanov bu macəraya görə...
1981-ci ilin son günlərində, yeni il ərəfəsində bir neçə nəfərin SSRİ xalq artisti, Sosialist Əməyi Qəhrəmanı, dünyanın ən böyük sirk səhnələrində milyonların sevgisini qazanan İrina Buqrimovanın yaşadığı binanın qarşısında bəzədilmiş şam ağacı ilə görünməsi ətrafdakılara çox da təəccüblü görünməyib.
Bina sakinləri tanınımış artistə belə hədiyyələrin gətirlməsinin tez-tez şahidi olublar. Moskvanın mərkəzində yerləşən bu binada əsasən tanınmış simalar mənzilə sahib olduğundan bina mühafizə olunub. Mühafizəçilər bu dəfə də belə düşünüblər ki “qonaq”lar pərəştişkarları İrina Buqrimovanı təbrik etməyə gəliblər və onların binaya daxil olmasına maneçilik törətməyiblər. Təxminən 30-40 dəqiqəödən sonra xalq artistini təbrikə gələnlər binanı tərk ediblər. Bir saatdan sonra isə binanın qarşısında Moskva şəhər Daxili İşlər İdarəsinin rəisi və çoxsaylı milislər görünüb...
Xalq artistini “təbrik” etmək əvvəlcədən planlaşdırılıb. Həmin gün İrina Buqrimovanın dövlət tədbirində iştirak edəcəyi, evdə olmayacağı müəyyənləşdirilib. Onun hansı zənginliyə sahib olduğunu isə adi şəhər sakinləri də yaxşı bilib. Buqrimova təkcə məşhur heyvan təlimçisi kimi yox, həm də brilyant kolleksiyaçısı kimi tanınıb. Onun kolleksiyaları o dərəcədə zəngin olub ki, SSRİ-nin bir nömrəli brilyant həvəslkarı olan Qalina Brejneva (SSRİ-nin rəhbəri Leonid Brejnevin qızı), eləcə də ondan geri qalmayan Svetlana Şelokova (SSRİ-nin daxili işlər naziri Nikolay Şelokovun həyat yoldaşı) xalq artistinə həsəd aparıblar. Elə Buqrimovanı”təbrik”ə gələnlərin əsas məqsədi də zinət əşyalarını oğurlamaq olub.
“Təbrik” əməliyyatı uğurla keçib. “Qonaq”lar mənzildən kifayət qədər böyük məbləğdə zinət əşyaları götürə biliblər. Hadisə ilə bağlı dərhal cinayət işi başlanılıb. Şəxsən Leonid Brejnev müvafiq qurumlara lazımi göstərişlər verib.
Bir neçə gündən sonra cinayəti törədənlərin izinə düşmək mümükün olub. Moskvanın “Şeremetyevo” hava limanında Almaniyaya uçmaq istəyən bir şəxs saxlanılıb. Həmin şəxsin çantasında Buqrimovaya məxsus bir neçə zinət əşyası aşkar edilib. Saxlanılan şəxsin mənzilində axtarış aparanda ev daha çox zinət əşyaları satılan mağazanı xatırladıb.
Dindirilmə zamanı tutulan şəxs oğurluda iştirak edən digərlərinin də adını açıqlayıb. Araşdırma zamanı məlum olub ki, saxlanılan şəxsin Böyük Teatrın solisti Boris Buryatse ilə də sıx əlaqələri var. Bu fakt oğrluqla bağlı açılan cinayət işinin məcrasını dəyişib və istintaqa daha yuxarı instansiyalar müdaxilə edib. O cümlədən SSRİ daxili işlər nazirinin müavini, Qalina Brejnevanın rəsmi həyat yoldaşı Yuri Çurbanov da işə qarışıb.
Maraqlıdır, Boris Buryatse hansı səbəbdən bu oğurluq hadisəsini ən yüksək müstəviyə çıxarıb?
Qeyd edək ki, Buryatse 1946-cı ildə Moskvada qaraçı ailəsində anadan olub. O, Moskvada Teatr İncəsənəti İnstitutunu bitirdikdən sonra “Romen” teatrında çalışıb. Buryatse həmkarları arasında zəngin həyat tərzi ilə fərqlənib və bu, teatrdan aldığı maaşın hesabına olmayıb. Buryatse gənc yaşlarından valyuta, qızıl, brilyant və qiymətli əşyaların alveri ilə məşğul olub. O, həmişə öz geyimi, üstündə gəzdirdiyi zinət əşyaşları və ən bahalı məkanlarda əyləncələri ilə seçilib. Teatr fəaliyyətində Buryatse heç bir perspektiv haqqında düşünməyib. Amma təsadüfi bir görüş onun həyatında hər şeyi dəyişib.
Restoran əyləncələrinin birində Buryatse ilə Qalina Brejneva tanış olublar. O, baş katibin qızından 17 yaş kiçik olsa da bunun fərqinə varmayıb. Adi restoran tanışlığı sevgi romanına çevrilib. Həmin vaxt Qalina Yuri Çurbanovla rəsmi nikahda olub. Onların sevgi macəralarından nəinki Moskva, bütün ölkə xəbər tutub. Çütlük heç kimdən gizlənmədən SSRİ-nin ən yaxşı kurort şəhərlərində istirahət edib, Moskvanın restoranlarında əyləniblər. Nə Brejnev, nə də Çurbanov Qalinanın növbəti eşq oyunlarının qarşısını ala bilməyiblər. Qalina Buryatseyə Moskvanın mərkəzində, Çexov küçəsində mənzil verdirib, onu Böyük Teatra işə qəbul etdirib. Qiymətli hədiyyələrin, xarici avtomobildən tutmuş yapon texnikalarına qədər bəxşişlərin sayı-hesabı olmayıb.
Buqrimovanın evindəki oğurluq və tutulan şəxsin Buryatse ilə yaxınlığı Çurbanov üçün göydəndüşmə fakt olub. Buryatse xalq artistinin evindəki oğurluqda ittiham olunaraq həbs edilib. Bu dəfə Qalina Brejneva öz məşuquna kömək edə bilməyib. Belə ki, Brejnev də Buryatsenin həbsini müsbət qarşılayıb, bununla da qızının onun adına ləkə gətirən utanc əməllərindən qurtulacağını düşünərək istintaqa nəzarəti DTK sədri Yuri Andropova həvalə edib.
İstintaq zamanı Buryatsenin adının Qalina Brejneva ilə hallanması baş katibin qızının şahid qismində istintaqda iştirakı zərurəti yaratması Kremldə böyük narahatlıq yaradıb. Amma Andropov bu məsələni sakitliklə həll edib, Qalina Brejneva istintaqdan kənarda qalıb. Onu da qeyd edək ki, əsas versiyalara görə, Buryatsenin sözügedən oğurluq işində əli olmayıb. Onu bu işə “calayan” Çurbanovun qisas hissi olub. Hələ üstəlik, Buryatse bir neçə oğurluq işində də, o cümlədən tanınmış kinoaktrisa Zoya Fyodorovanın qətlində də çübhəli bilinib. Amma bu şübhələr öz təsdiqini tapmayıb.
Məhkəmə Buryatseni yeddi il azadlıqdan məhrumetmə cəzasına məhkum edib. O, cəzasını Krasnoyarskda çəkib.
Buryatsenin sonrakı taleyi haqqında fərqli faktlar ortaya çıxıb. Bəzi versiyalara görə, o, 1982-ci ildə Çurbanovun göstərişi ilə həbsxanada öldürüblüb. Digər bir versiyaya görə, Buryatse 1986-cı ilin sonunda azadlığa buraxılıb və bir neçə aydan sonra apendisit əməliyyatı zamanı ölüb. Daha bir versiyaya görə isə, türmədən çıxdıqdan sonra Krasnodarda yaşayan Buryatse 1987-ci ilin iyul ayında bir qrup adam tərəfindən şiddətli dərəcədə döyülüb. Yoldan keçənlər onu xəstəxanaya çatdırsalar da, həyatını xilas etmək mümkün olmayıb. Əyani fakt isə odur ki, Buryatsenin Krasnodar qəbirstanlığındakı baş daşının üstündə bu tarixlər yazılıb: 4.10.1946 – 7.07.1987.
İlham Cəmiloğlu, Musavat.com
- Akademik Zərifə Əliyevanın doğum günüdür
28 aprel 2024 13:21
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 2024 13:01
- Keçmiş başçının hospitalından şikayət
24 aprel 2024 21:35
- Zakir Qaralovun əmisi qızı məhkəməyə verildi
22 aprel 2024 21:28
- Bəraət alan şəxs, Gömrük Komitəsindən milyon yarım təzminat istədi
22 aprel 2024 12:39
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 2024 20:51
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 2024 15:49
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 2024 15:29
- Kürdə atası ilə batan uşağın meyiti tapıldı
21 aprel 2024 11:37
- Kəmaləddin Heydərovdan yüksək vəzifəyə təyinat (FOTO)
19 aprel 2024 12:17
- Akademik Zərifə Əliyevanın doğum günüdür
28 aprel 13:21
- NAR-dan sərfəli smartfon təklifi - Fotolar
28 aprel 13:01
- Ali Məhkəmənin hakimi intihar etdi
28 aprel 12:48
- Azərbaycanın biznes ictimaiyyəti Sahibkarlar Günü-nü qeyd etdi
26 aprel 12:24
- İlham Əliyev Füzulidən Berlinə getdi - Tarixi uçuş - Yenilənib
26 aprel 11:50
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53