MTN çetesi” nazir Yavər Camalovun adamını necə ilişdirib...
Hesabına 18 milyon köçürülən sahibkar nəzarətə alınıb; “Dedilər ki, rəisləri Sübahir Qurbanovun göstərişidir, 2 milyon verməsəm, həbs ediləcəm”
Bakıda iş adamının şirkətlərinin bank hesablarında olan 18 milyon manatın 12 milyonunu başqa hesaba köçürməsi böyük skandala səbəb olub. Bu, adi bir bank əməliyyatı kimi görünsə də, ləğv edilmiş MTN-in bundan xəbər tutması iş adamına baha başa gəlib. Telefon danışıqlarından, bank hesablarındakı əməliyyatlardan sahibkarları qarabaqara izləyən “MTN mafiyası” növbəti qurban kimi iş adamı Kamal Seyfullayevi seçiblər.
Musavat.com-un əməkdaşı ləğv edilmiş MTN-in vəzifəli şəxslərinə qarşı açılmış cinayət işinin materialları ilə tanış olarkən bəlli olub ki, iş adamı Kamal Seyfullayev maskalıların əlinə keçərkən ondan 2 milyona yaxın pul alıblar.
Hazırda məhkəmədə mühakimə olunan “MTN çetesi”nin işi üzrə zərərçəkmiş şəxs qismində tanınmış Seyfullayev Kamal Məmmədağa oğlu istintaqa ifadəsində başlarına gələnləri danışarkən deyib ki, “Bakı Tikinti” və “Alfa” MMC-nin rəsmi müdiri və faktiki sahibi olmasa da, həmin şirkətlərin fəaliyyətlərinə rəhbərlik edib. İş adamı bildirib ki, hazırda adına olan “Fazenda” MMC-nin fəaliyyətinə rəhbərlik edir.
“Audi Q7"də gələn maskalılar...
K.Seyfullayev MTN maskalıları ilə necə qarşılaşması ilə bağlı istintaqa danışarkən deyib ki, 2014-cü ilin dekabrında bibisi oğlu İlkin İbadovla birlikdə avtomobildə olarkən “Audi Q7" markalı avtomobil onun avtomobilinin qarşısını kəsib: ”3 nəfər idilər. Biri özünü MTN-in əməkdaşı Füzuli Əliyev kimi təqdim etdi. Məni öz maşınına mindirdi. İlkinin isə hansı maşına mindirilməsini bilmədim. Maşını Natiq Alıyev sürürdü. Zaur Məmmədov adlı MTN əməkdaşı da maşında idi.
Nazirliyə gələndə Füzuli Əliyev mənə “bizneslə məşğul olursan, külli miqdarda pul qazanırsan, ona görə də pul verməlisən” dedi. “Halal qazandığım pulu niyə sizə verməliyəm” dedim. Şikayət edəcəyimi söylədim. Dedilər ki, rəisləri Sübahir Qurbanovun göstərişidir, 2 milyon verməsəm, həbs ediləcəm. Natiq Alıyev lazım olsa, 1 kiloqram heroinin üzərimdən çıxacağını dedi. Bu pulu verməyəcəyimi dedim. 3 saatdan sonra İlkini gördüm. Bir gecə bizi orada saxladılar".
Sahibkar 2 milyon verməmək üçün 2 gün dirənib
Sahibkar MTN-də saxlanıldığı ikinci günün səhəri onlarla razılaşıb. O, “Texnikabank”ın “Xəzər” filialına gətirilib və Füzuli Əliyevin göstərişi şirkətlərinin bank hesablarından 2 milyon pul çıxarılıb.
Pulu Füzuli Əliyev bank filialının müdiri Fərid Məmmədov və bankın baş idarəsinin təhlükəsizlik xidmətinin rəisi Ayaz Gərayzadənin yanında alaraq oranı tərk edib. Amma üzləşdirmə zamanı Füzuli Əliyev zərərçəkmiş sahibkarın yanında ifadə verməkdən imtina edib.
İstintaq İlkin İbadovun mənəvi ziyan gördüyünü nəzərə alaraq onu da zərərçəkmiş şəxs qismində tanıyıb.
İstintaq zamanı şahid qismində “Texnikabank”ın “Xəzər” filialının müdiri Fərid Məmmədov da ifadə verib.
MTN bank hesablarındakı əməliyyatları da izləyib
F.Məmmədov bildirib ki, sahibkar Kamal Seyfullayevi bankın müştərisi kimi yaxşı tanıyıb. Filial müdirinin ifadəsindən aydın olur ki, iş adamı hesabından 12 milyon çıxardan kimi MTN əməkdaşları bundan xəbər tutub. İki gün sonra isə Seyfullayev banka MTN əməkdaşları ilə birlikdə gəlib: “Kamal Seyfullayevə məxsus şirkətlərin bank hesablarına bir qayda olaraq külli miqdarda pul vəsaitləri daxil edilirdi. Bank üçün ”VİP" kateqoriyalı müştəri idi. 2014-cü ilin dekabr ayının 24-27-də Kamal Seyfullayevin şirkətlərinin bank hesablarına külli miqdarda pul vəsaitləri daxil oldu. Pulların haradan gəldiyini bilmirəm, amma Kamal Seyfullayevin 4-5 şirkətinin adlarına köçürüldü. Pulları hesablardan çıxarmaq üçün Kamal Seyfullayev mənə müraciət etdi. Səhər bankın baş idarəsindən 18 milyon manat nağd pul göndərildi. Kamal Seyfullayev pulun 12 milyon manatını götürdü. Pullar 3 bank kisəsinə qoyuldu".
Filial müdiri qeyd edib ki, MTN əməkdaşları Kamal Seyfullayevi banka gətirdikləri zaman nə baş verdiyini başa düşməyib: “MTN əməkdaşlarının Kamal Seyfullayevi saxlamasını bilmirdim. Sonradan xəbər tutdum. Dediyim kimi, bankda 12 milyonluq köçürmə əməliyyatından iki gün sonra Kamal Seyfullayev 6-7 MTN əməkdaşı ilə banka gəldi. MTN-in nəzarəti ilə maliyyə əməliyyatının keçirilməli olduğunu dedilər. Əməliyyatın nədən ibarət olduğunu bilmədim. Əməliyyata rəhbərlik edənin Füzuli Əliyev olduğunu başa düşdüm. Seyfullayevin şirkətlərinin bank hesablarından külli miqdarda nağd pullar çıxarması ilə əlaqədar maliyyə əməliyyatının aparıldığını bildirdilər”.
Fərid Məmmədov onu da qeyd edib ki, MTN əməkdaşlarının gəldiyini görən kimi bankın baş idarəsinin təhlükəsizlik xidmətinin rəisi, əvvəllər MTN-də işləmiş Ayaz Gərayzadəyə zəng edib.
O, bundan sonra baş verənləri belə danışıb: “Kamal Seyfullayevin bank hesablarında 6 milyon qalmışdı. Təxminən 1 milyon 800 min manat Füzuli Əliyevin göstərişi ilə hesablarda saxlanılmaqla, qalan 4 milyon 200 min tanımadığım şəxsə verildi. Qalan 1 milyon 800 min manatı Füzuli Əliyev götürdü və onlar getdilər. Sonra Ayaz Gərayzadəyə bu əməliyyat barədə sual verdim. Dedi ki, ”yuxarıdan göstəriş gəlib".
Həm bankda sədr müavini, həm də MTN zabiti
Şahid qismində Ayaz Gərayzadə də dindirilib. Məlum olub ki, Gərayzadə 1993-cü ildən 2015-ci ilə kimi MTN-də işləyib. MTN-də işləyə-işləyə “Texnikabank”ın idarə heyətinin sədr müavini olub. Sədr müavini vəzifəsində işlədiyi zaman bankın təhlükəsizlik xidmətinin, həmçinin informasiya rabitə departamentinin kuratoru olub. Həmçinin kredit komitəsinin üzvü olduğu üçün kreditlərin verilməsi ilə əlaqədar olan fəaliyyətdə də iştirak edib.
Ayaz Gərayzadə MTN-in 4-cü Baş İdarəsinin sabiq rəis müavini Füzuli Əliyevi MTN-in akademiyasında təhsil aldığı vaxtdan tanıdığını bildirib.
İş üzrə ifadə verən A.Gərayzadə bunları bildirib: “Füzuli Əliyev zəng edərək bir gün əvvəl bankın ”Xəzər" filialında pulların nağdlaşdırılması ilə əlaqədar maliyyə əməliyyatı keçirildiyi üçün həmin filialda görüşməli olduğumuzu dedi. Bankın filialına gəlib, filial müdiri Fərid Məmmədovun xidməti otağında görüşdük. Biznes fəaliyyəti ilə məşğul olan şəxs kimi tanıdığım Kamal Seyfullayevi, Müdafiə Sənayesi Nazirliyinin adını bilmədiyim nümayəndəsini, MTN əməkdaşları və Fərid Məmmədovu gördüm. Bankda bir gün əvvəl keçirilmiş maliyyə əməliyyatları nəticəsində bank tərəfindən alınmış faizlərin məbləği hesablandı. Füzuli Əliyev hər hansı əsas olmadan bank fəaliyyəti üzrə yoxlama apardı. Otaqda məbləğini dəqiq bilmədiyim pul vəsaitindən Müdafiə Sənayesi Nazirliyinin nümayəndəsinə verildi. Qalan və Kamal Seyfullayevə məxsus 1 milyon 800 minə yaxın pul isə götürüldü".
Anar Gərayzadənin dediklərindən məlum olub ki, 1 milyon 800 min manatını MTN-ə verən iş adamı sonradan onlardan 150 min manatını geri istəyib.
Bunun üçün də Anar Gərayzadəyə müraciət edib: “Bir-iki gündən sonra Kamal Seyfullayev mənim Füzuli Əliyevlə dost münasibətlərimin olduğunu bildiyi üçün mənə zəng elədi. Xahiş etdi ki, Füzuli Əliyev tərəfindən alınmış pullardan 150 min manatın qaytarılmasını ondan xahiş edim. Füzuli Əliyevə zəng elədim, amma xahişinə məhəl qoymadı və bu işə qarışmamağımı tələb etdi”.
Bu iş üzrə qaranlıq qalan məqamlardan biri budur ki, Seyfullayevin şirkətlərinin adına ayrılan 18 milyon manatdan ilk olaraq 12 milyonu, daha sonra isə 4.2 milyonu naməlum şəxsin adına köçürülür və nağd şəkildə ona verilir. Həmin şəxsin Müdafiə Sənayesi Nazirliyinin səlahiyyətli nümayəndəsi olduğu istintaq zamanı Anar Gərayzadənin dediklərindən məlum olur. Digər qaranlıq məqam isə Seyfullayevin şirkətlərinin hesabına olan pulların hansı şəxslər tərəfindən köçürülməsini deməsini istəməməsidir.
Qeyd edək ki, bu epizod üzrə adıçəkilən MTN zabitləri Sübahir Qurbanov ləğv edilmiş nazirliyin transmilli mütəşəkkil cinayətkarlığa qarşı mübarizə baş idarəsinin sabiq rəisi, Füzuli Əliyev həmin baş idarənin sabiq rəis müavini, 1-ci idarənin sabiq rəisi, Natiq Alıyev 2-ci idarənin 3-cü şöbəsinin sabiq rəisi, Zaur Məmmədov isə 1-ci idarənin sabiq rəis müavini olub.
NUH.az
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 2024 12:48
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- İndi çiyələk yeməyin, zəhərlidir - Ekspertdən xəbərdarlıq
20 aprel 2024 20:31
- 2300 maaşım idi, ayda 15 min manat paket alırdım - Sabiq nazir
16 aprel 2024 09:45
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 2024 10:22
- Tokayev İrəvanda səfərdədir - Foto
15 aprel 2024 09:49
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
15 aprel 2024 10:27
- Günəş "öləndə" nələr baş verəcək?
12 aprel 2024 21:03
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10
- Avqustda Milli Məclisə seçkilər keçirilə bilər
20 aprel 19:59
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22
- Kəmaləddin Heydərovdan yüksək vəzifəyə təyinat (FOTO)
19 aprel 12:15
- Sülhməramlıların Qarabağdakı missiyası başa çatıb - Rusiya KİV
19 aprel 11:56
- Respublika Pediatriya Mərkəzi yaradıldı - Direktor o oldu+Fotolar
19 aprel 11:42
- Mikayıl Cabbarova yeni müavin təyin edildi - Sərəncam
18 aprel 11:56