- ABŞ-dən sülhməramlıların Qarabağı tərk etməsinə - Reaksiya
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
- Rusiyanın sülhməramlı kontingenti Azərbaycanı tərk edir - Video
- Hadi Rəcəbli vəfat etdi - Yenilənib
- Tanınmış həkim telefon nömrəsini satışa çıxardı – 26 min manat
Norveç həbsxanalarında sakit və dinc həyat
Mədəniyyət16 sentyabr 2019 11:37
Cinayət törətmiş adamları həbsxanaya göndərməkdə məqsəd nə ola bilər?
İntiqam, yoxsa reabilitasiya? Bu sualın cavabını axtaran Norveç 20 il bundan əvvəl cəza variantından uzaqlaşdı, nəticədə həbs müddətini bitirib azadlığa çıxan məhkumların yenidən cinayət törətməsi halları kəskin azaldı.
BBC əməkdaşı Emma Jane Kirby Norveçə gedib sistemi yerində araşdırıb.
"İndi ayaqlarınızın baş barmaqlarını bir-birinə dəydirin və ombanızı arxada saxlayın!"
Səhər tezdən otların üstündəki kiçik xalçalarda tər tökən 20-yə yaxın şəxs yoqa təlimçisinin bu sözləriylə yeni bir duruşa keçməyə cəhd göstərir.
Təlimçi, hər yeri döyməklə örtülü birindən "Bədəninizin yumşaldığını hiss edirsizmi" deyə soruşur, sonra əliylə onun kürəyini düzəldib yenə sual verir: "Belə daha yaxşıdır, deyilmi?"
Bura dünyanın hər hansı bir yerindəki sağlamlıq mərkəzi və ya idman salonu deyil, ən təhlükəsiz cəza evlərindən biri olan Halden həbsxanasıdır.
Ayağıyalın qatillər, təcavüzçülər və narkotik istifadəçiləri təlimçinin təlimatlarına əsasən yoqadakı "aşağı baxan it" və "lotos" vəziyyətini almağa çalışırlar.
Həbsxana müdiri Are Hoidal deyir ki, yoqa, məhkumları sakitləşdirir:
"Həbsxanada qəzəb və zorakılıq halları istəmirik. Məhbusların sakit və dinc olmalarını istəyirik".
Bu, Halden həbsxanasına baha başa gəlir.
Hər il bu həbsxana üçün 123 min dollar vəsait xərclənir. Müqayisə üçün deyim ki, İngiltərədə "A" kateqoriyasına aid bir həbsxananın illik xərci 74 min dollardır.
Biz yoqayla məşğul olanları müşahidə edərkən "Scooter" üzərində qarşımızdan keçən bir nəzarətçi gülər üzlə bizə salam verir. Onu idman yürüşüylə hərəkət edən iki məhbus müşayiət edir.
Həbsxananın müdiri Are Hoidal
Hoidal məhbuslara verilən bu tapşırıqların "dinamik təhlükəsizlik" adlandırıldığını deyir:
"Nəzarətçilər və məhbuslar həmişə birlikdə çalışırlar. Birlikdə yemək yeyirlər, voleybol oynayırlar, boş vaxtlarını birlikdə keçirirlər. Beləcə, qarşılıqlı münasibətlər yaranır, onlarla danışa bilirik və bu, motivasiya işini asanlaşdırır".
"İntiqam' yox, 'reabilitasiya"
Həbsxanalarda 1980-ci illərin əvvəllərindən işləməyə başlamış Hoidal o zamanlarda vəziyyətin indikindən çox fərqli olduğunu deyir:
"Sərt bir davranış tərzi vardı, biz tamamilə nəzarətə və təhlükəsizliyi təmin etməyə fokuslanmışdıq. İnsanların həbsxanadan çıxdıqdan sonra yenidən cinayət törətmə səviyyəsi indi ABŞ-da olduğu kimi 60-70 faiz səviyyəsindəydi".
Amma 1990-cı illərin əvvəllərində radikal bir dəyişiklik edilərək Norveç İslah Xidməti yaradıldı. Noidal-ın "intiqam" adlandırdığı sistemi reabilitasiya əvəz etdi.
Əvvəllər günün çoxunu qapısı bağlı kamerada keçirən məhbuslar üçün idman və təhsil fəaliyyətlərinə start verildi. Nəzarətçilərin funksiyaları da tamamilə dəyişdirildi.
Bu yerdə Hoidal sözümü kəsir:
"Nəzarətçi deməyin. Biz həbsxana işçiləriyik. Əlbəttə ki, məhbusun cəzasını çəkməsinə nəzarət edirik, amma bir şəxsin daha yaxşı bir insan olmasına da səy göstəririk. Biz onlar üçün nümunəyik, yolgöstərənik, məşqçiyik. Bu islahatları tətbiq etməyə başlayandan sonrakı ilk iki ildə Norveçdə keçmiş məhbusların yenidən cinayət törətməsi səviyyəsi 20 faiz azaldı. 5 il sonrasa bu yeni səviyyə də 25 faiz azaldı. Deməli, bu sistem işə yarıyır".
"Azadlığı itirmək heç də asan şey deyil"
Halden həbsxanası məhkumlara "həbs olunduqlarını ən az səviyyədə hiss etdirmək" məqsədinə uyğun tikilib. Bu, onların stresini azaldır və müxtəlif fəaliyyət növlərinə qoşulmalarına şərait yaradır.
Bu həbsxana təxminən 173 milyon dollara başa gəlib, tikintinin layihəsi bir neçə dizayn mükafatına layiq görülüb.
Meyvə ağacları, yaşıllıq və çiçəklər arasındakı ikimərtəbəli yataqxanalar və taxta binalar buranın həbsxana yox, sanki məşhur bir universitet olması təəssüratı yaradır.
Həbsxananı 7 metr hündürlüyündə qalın və maili divarlar əhatə edir, amma ətrafında elektrikli məftillər görünmür. Gizli kameraları görmək üçün də xeyli səy göstərməlisiz. Divarın hər iki tərəfində hərəkət sensorlarının olduğunu da Hoidal-dan öyrənirəm.
O deyir ki, bu günə qədər heç kim həbsxanadan qaçmağa cəhd etməyib.
Məhbusların hər biri içində hamamı, tualeti, soyuducusu, masası, kiçik ekranlı televizoru və meşə mənzərəsi olan kameralarda tək qalır.
Ümumi istifadə yerlərindəki təptəzə kreslolara, hər cür ləvazimat olan mətbəxlərə baxıb Hoidal-dan buranın lazım gəldiyindən artıq komfortlu olub-olmadığını soruşuram.
Norveçdə belə yanaşmanı tənqid edənlərin hər gün səsləndirdiyi bu sualı məndən də eşidəcəyini bilirmiş kimi, Hoidal nəzakətlə başını tərpədir və deyir:
"Azadlığı itirmək heç də asan şey deyil. Norveçdə birini cəzalandırmaq üçün onun sadəcə azadlığını əlindən alırlar. Digər haqları qalır: məhbuslar səs verə bilirlər, təhsil alırlar, tibbi xidmətlərdən faydalanırlar. Yəni Norveçin digər vətəndaşlarıyla eyni hüquqlara sahibdirlər. Çünki məhbuslar da insandırlar. Səhv bir iş görüblər və cəzalarını çəkməlidirlər, amma yenə insandırlar".
Halden həbsxanası
Məhbuslar hər sər 7.30-da kameralarından çıxır, 8.15-də təmir, boya, bağça işlərində çalışmağa başlayırlar. Nəzarətçilər də dincələ bilsinlər deyə günorta məhbuslara bir saat fasilə verilir. Axşam 20.30-a qədər də kameralarına qayıtmırlar.
Məhbusları ancaq gecələr bağlı kameralarda saxlamağımızın məqsədi onlara gün içində normal bir həyat yaşadıqlarını hiss etdirməkdir. Bu, həbsxanadan çıxandan sonrakı yeni həyatlarına hazırlaşmağı asanlaşdırır.
"Qəfəsin içində saxlansanız, yaxşı bir vətəndaş ola bilməzsiniz"
Biz söhbət edərkən çöldə məhbuslar Norveçin cənubunda inşa edilən yeni həbsxana üçün odun yarır, ağac ev və hasar düzəldirlər.
Halden həbsxanasındakı məhbusların çoxu burdan professional bir təmirçi, dülgər və ya aşpaz olaraq çıxır.
"Bura gəldikləri ilk gündən biz onları sərbəst qalacaqları zamana hazırlamağa başlayırıq. Çünki Norveçdə bir gün hamı azad edilir, bizdə ömürlük həbs cəzası yoxdur.
Yəni əslində hamımızın gələcək qonşularını azad edirlər. Əgər həbsxanada məhbuslarla heyvan kimi davransaq, küçələrə də heyvan buraxmış olarıq".
Norveçdə ən uzun həbs müddəti 21 ildir. Amma məhbusun hələ də cəmiyyət üçün zərərli olduğuna qərar verilsə, bu müddət əlavə 5 il də uzadıla bilər, buna "qabaqlayıcı həbs" deyilir.
Grafik dizayn studiyasında çalışan Fredrik həbsxananın yemək kitabının üz qabığı üçün hazırladığı dizaynı bitirmək üzrədir.
"Əgər fürsət verməsələr və sizi həmişə ağzı qıfıllı bir qəfəsdə saxlasalar, yaxşı bir vətəndaş ola bilməzsiniz. Burda yaxşı fürsətlər var, diplom almaq olur. Yəni çıxanda daimi bir işdə çalışmağa başlaya bilərsiz. Bu, həqiqətən çox vacibdir" - Fredrik belə deyir.
O, qətl hadisəsi törətdiyi üçün 15 il həbs cəzası alıb. Vicdan əzabından və öldürdüyü şəxsin yaxınlarına çəkdirdiyi ağrıdan uzaqlaşmaq üçün 3 həftə ərzində sakit bir yerə çəkilib. Amma sonra keçmişiylə üzləşmək məcburiyyətində qalıb.
Bu, onun həbsxanada qrafik dizayn üzrə diplom almasına, indi də təhsilini fizika və riyaziyyat üzrə davam etdirməsinə imkan verib. Yəni həbsxanada keçirdiyi vaxtı azadlığa çıxandan sonrakı həyatı üçün qazanca çevirir.
Qadın nəzarətçilər "hər şeyi normallaşdırırlar"
Halden həbsxanasında məhbuslara ailələriylə mütəmadi olaraq görüşmək fürsəti də yaradılır.
Məhbusların ailələriylə birlikdə qaldıqları evin bağçası
"Onlar bir neçə gün xoşbəxt ailə kimi yaşayırlar. Bu, çox böyük fürsətdir, onu qazanmaq üçün yaxşı davranmalıdırlar".
Ömrünün 3-cü onilliyini bir az əvvəl xırdalamış Linn 11 ildir ki, həbsxanalarda işləyir. Bunun son 10 ili Haldendə keçib. Halden kimi "A" kateqoriyasına aid həbsxanalarda çalışanların az qala yarısı qadınlardır.
Bütün nəzarətçilərdə olan həyəcan siqnalını o bu müddət ərzində cəmi iki dəfə səsləndirmək məcburiyyətində qalıb. Linn qadın olduğu üçün təhlükə altında olduğunu düşünmür:
"Cəmiyyətdə qadınların olması necə normaldırsa, burdakı şəxslərin də buna alışması lazımdır. Təkcə formaya yox, onun içindəkinə də, qadınlara da hörmət etməlidirlər. Biz onlara sayğı göstəririk, onlar da bizimlə sayğılı davranırlar".
Narkotik alverinə görə uzun müddətdir həbsxanada olan John tikiş maşınında oyuncaq qoyun tikir. Bu həbsxananın ən çox hansı xüsusiyyətlərini bəyəndiyini soruşuram, qadın işçilərin olmasını bəyəndiyini deyir:
"Sərt adamları sakitləşdirmək məsələsində onların təsiri daha çox olur. Qadınların yanında fərqli düşünmək lazım gəlir. Üstəlik, futbol matçlarına da pis hakimlik etmirlər".
Onun yanındakı tikiş maşınında oyuncaq qurbağa tikən Khan da işinə fasilə verib söhbətimizə qoşulur:
"Bu sistemdə qadınlar da olduğu üçün çox şanslıyıq. Çünki bu hər şeyi normallaşdırır".
Nəzarətçilər 3 il təlim keçirlər
Linn Andreassen
Avropanın bir çox ölkəsində nəzarətçilər bir neçə ay təlim keçirlər. Norveçdə isə bu müddət 2 və ya 3 il təşkil edir.
Oslonun şimal-şərqində, şəhərdən cəmi 8 km aralı Lillestrom-da Norveç İslah Xidmətinin ağ divarları və şüşəli binada yerləşən universiteti var. Burda hər il 1200 şəxs müraciət edir, onlardan 175-i seçilərək həbsxana nəzarətçisi təlimi alır.
Məhbusların üçdə biri norveçli olmadığına görə nəzarətçilərə yüksək səviyyədə ingilis dili də öyrədilir. Hüquq, etika, kriminologiya, sosial çalışmalar üzrə təhsil 2 il çəkir.
Bir il də həbsxanada təcrübə keçəndən sonra onlar işə başlamaq üçün imtahan verirlər.
Hodal, həbsxanalarda nəzarətçilərə qarşı zorakılıq halları barədə sualımı çaşqınlıqla qarşılayır. Ona İngiltərə həbsxanalarında zorakılıq hallarının son 5 ildə təxminən 2 dəfə artdığını və 995 halda nəzarətçilərin ciddi şəkildə yaralandığını deyirəm. Buna təəccüblənir:
"Təbii ki, bizim köhnə sistemdə çalışan həbsxanalarda da zaman-zaman zorakılıq hadisələri baş verir. Amma burda sonuncu dəfə nə vaxt belə bir şey olduğunu həqiqətən də xatırlamıram".
Halden həbsxanasında 258 məhbus, 190 nəzarətçi var.
28 yaşlı bədən tərbiyəsi təlimçisi Jon Fredrik Andorsen də onlardan biridir. O deyir ki, təhlükəsizliyinə təminatın olmadığı heç bir həbsxanada çalışmaz, amma indiyə qədər Haldendə heç bir təhdid hiss etməyib:
"Özünümüdafiə üçün iki vasitəm var - səsim və məhbuslarla qurduğum sosial əlaqə. Biz belə hadisələr baş verməzdən əvvəl onların qarşısını almağa çalışırıq".
Nəzarətçi Linn-sə bunları əlavə edir: "Sənə yaxşı şərait yaradılmasa, başqalarına yarım edə bilməzsən. Bu peşədə beynin həmişə sakit olmalıdır ki, işinə fokuslana biləsən. Qorxsan, heç kimə köməyin dəyməz".
Halden həbsxanasının nəzarətçilərində heç gözyaşardıcısı qaz da olmur.
"Sevmək - əvəzini istəmədən bir şeylər verməkdir"
Amma bütün bunlar həm də ölkədə məhbus sayının az olmasıyla bağlıdır.
Məsələn, İngiltərə Qərbi Avropada məhbus sayının ən çox olduğu ölkədir, burda hər 100 min adamdan 150-si həbsxanadadır.
Norveçdə bu rəqəm 100-ün 63-ə nisbəti şəklindədir.
Bu, hər bir işçinin daha az sayda məhbusa nəzarət etməsi deməkdir.
Ancaq məhbusların heç də hamısı əlaqələrin sıxlığından məmnun deyil.
Qətl törətdiyi üçün 17 il həbs cəzası almış Kim deyir ki, "Bəzi məhbuslar rabitə qurmaqdan xoşlanırlar, amma bəziləri də bunu istəmir. Mən nəzarətçilərə çox informasiya verməyi doğru hesab etmirəm. İki tərəfi də kəsən qılınc misalı… Onlar öyrəndiklərindən bizə qarşı istifadə edə bilərlər. Bəzi nəzarətçilər yaxşıdırlar, amma…"
Hoidal hər yerdə həbsxanaya narkotik keçirən bir nəzarətçi ola bildiyini deyir və etiraf edir ki, Haldendə bu problem tam aradan qaldırılmayıb.
Halden həbsxanasını tərk edəndə boş kameralardan birinin açıq qapısından içəri baxıram. Başqa bir həbsxanaya göndərilmək üçün kameradan çıxarılmış məhbus onun yerinə gələcək şəxs üçün bunları yazıb qoyub:
"Sevmək - əvəzini istəmədən bir şeylər verməkdir. Sevmək səni azad insan edər. Özünü azad et, dostum".
Mənbə: BBC
Oxşar xəbərlər
- ABŞ-dən sülhməramlıların Qarabağı tərk etməsinə - Reaksiya
18 aprel 2024 11:43
- Akademik Zərifə Əliyevanın anım günüdür
15 aprel 2024 20:43
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 2024 11:41
- Azərbaycanda sakinlərin yoxa çıxdığı, sirli qəbirlərin olduğu kənd - VİDEO
11 aprel 2024 11:28
- Məmurla həbs olunan iş adamı arasında nə baş verib? - "Restoranda 500 min verdim" (TƏFƏRRÜAT)
10 aprel 2024 18:21
- Əbiliqoz bəyin Rusiyadakı şirkəti balıq biznesindən 106 milyon qazanıb - FAKTLAR
8 aprel 2024 21:21
- Bakı Oksford Məktəbi dövlət nəfinə alındı - 24 milyon 700 min manat...
4 aprel 2024 16:36
- Arvadımın ölümündə mənim əlim olub - Qazaxıstanın sabiq naziri
4 aprel 2024 12:03
- Gözlərinə mismar vurulub diri-diri basdırılanlar: Yaşı bir əsri ötən dəhşətli faciənin hekayəsi (VİDEO)
31 mart 2024 12:37
- Nazir sabiq rəisə yeni vəzifə verdi - Polkovnik özünə xidməti maşın aldı
29 mart 2024 16:41
Xəbər lenti
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
- Kür çayında batan ata və altı yaşlı qızının FOTOSU
13 aprel 10:05
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 09:29
- Çingiz Abdullayev xəstəxanaya yerləşdirildi - Vəziyyəti ağırdır
13 aprel 08:38
- Əməkdar artist vəfat etdi
12 aprel 21:21
- Günəş "öləndə" nələr baş verəcək?
12 aprel 21:03
- Türkiyədə 2028-ci il seçkiləri: Əkrəm İmamoğlu, yoxsa Səlcuk Bayrakdar?
12 aprel 12:56
Video & Fotoqalereya
Video
Fotoqalereya