Azərbaycanda “ət müəmması”: Bu işdə bir qəribəlik var...
Kriminal17 oktyabr 2019 15:53
2019-cu ilin 9 ayında Azərbaycana xaricdən 56 milyon 569 min dollar dəyərində 37 min 390 ton ət idxal edilib.
Dövlət Gömrük Komitəsinin aylıq hesabatından belə məlum olub ki, ötən ilin eyni dövrü ilə müqayisədə ət idxalı dəyər ifadəsində 7 milyon 285 min dollar, miqdar ifadəsində isə 3 min 138 ton artıb.
Belə ki, 2018-ci ilin 9 ayında Azərbaycana 49 milyon 283 min dollar dəyərində 34 min 252 ton ət idxal edilmişdi.
Qaynarinfo-nun mövzu ilə bağlı araşdırmasından isə aydın olur ki, Azərbaycan iribuynuzlu heyvan ətini, əsasən, Ukrayna, Hindistan, Belarus, Braziliya, Paraqvay, Moldova, Almaniya, Bolqarıstan, ABŞ və Rusiyadan gətirir, quş ətini isə Belarus, ABŞ, Ukrayna və Rusiya ilə yanaşı Türkiyə, Belçika, Braziliya, Kanada, Gürcüstan, Polşa, İspaniya, Almaniya, Belarus və Fransadan alırıq.
Ən maraqlısı odur ki, son illər ölkədə ət istehsalının sürətlə yüksəldiyi bildirilir. Belə ki, rəsmi statistikaya görə, 2007-ci ildə Azərbaycanda 218,7 min ton kəsilmiş çəkidə ət istehsal edildiyi halda, həmin göstərici 2017-ci ildə 316,8 min ton olub.
Anormallıq da ondadır ki, həm ölkədə ət istehsalının yüksəldiyi, həm də ölkəyə ət idxalının artdığı bir vaxtda bu məhsulun qiyməti ilbəil bahalaşmaqdadır. Üstəlik, bu, Azərbaycanda əhalinin alıcılıq səviyyəsinin aşağı düşməsi fonunda baş verir.
Yerli istehsal və idxal artır, bunun əvəzində əhalinin alıcılıq səviyyəsi aşağı düşürsə, məntiqlə, ətin qiyməti ucuzlaşmalı deyilmi?
Başqa bir məntiqlə, əhalinin alıcılıq səviyyəsi azalır, yerli istehsal isə artırsa, onda idxalda geriləmə olmalı deyilmi?
Ümumdünya Səhiyyə Təşkilatının (ÜST) müəyyən etdiyi normalara görə, il ərzində adambaşına düşən ətin miqdarı 84 kiloqramdır. Ekspertlərin iki il öncə bəyan etdiyi hesablamalara görə, Azərbaycanda bu rəqəm hardasa 3 dəfəyə yaxın azdır – cəmi 32 kiloqram! Bunun özü də əhalinin alıcılıq səviyyəsinin nə qədər aşağı olduğunun təsdiqidir. Sadə vətəndaşların cibi ÜST-ün müəyyənləşdirdiyi normalar daxilində ət qəbul etməyə imkan vermir. Belədə artan yerli istehsal və idxal nə üçün bazarda bolluq yaratmır və ətin dayanmadan bahalaşmasını önləyə bilmir?
Başqa bir təzadlı məqam da var: Dövlət Statistika Komitəsinin ötənilki məlumatında bildirilirdi ki, Azərbaycanda 2017-ci il iyulun 1-nə nisbətən iribuynuzlu mal-qaranın sayı 16,4 min baş (0,6 faiz), o cümlədən inək və camışın sayı 9,2 min baş (0,7 faiz), qoyun və keçilərin sayı 118,1 min baş (1,3 faiz) azalıb. Lakin qəribədir ki, adıçəkilən Komitə həm də 2017-ci ilin müvafiq dövrü ilə müqayisədə 2018-ci ilin yanvar-iyun aylarında ət istehsalının 3,1 faiz artaraq 245,2 min tona çatdığını bildirmişdi.
Ziddiyyət ondan ibarətdir ki, mal-qara sayı azaldığı halda, ət istehsalı necə arta bilərdi? Yoxsa xaricdən alınan diri çəkili heyvanlar burada kəsildikdən sonra onların əti də yerli istehsalın ayağına yazılır? Praktik baxımdan mümkündür, ancaq nə qədər ədalətlidir?
Və nəhayət: Kənd Təsərrüfatı Nazirliyinin Aqrar Tədqiqatlar Mərkəzinin müşaviri Həsən Quliyev demişdi: "Azərbaycanda ət qiymətləri barədə müzakirələrə idxaldan asılılıqdan azad olduqdan sonra başlamaq daha məqsədəuyğundür. Bununla belə, qeyd etmək lazımdır ki, ət istehsalının artırılması istiqamətində həyata keçirilməsi nəzərdə tutulmuş tədbirlərin ət qiymətlərinin azalmasına da səbəb olacağı gözlənilir”.
Belədə iki yeni sual yaranır. Birinci, "idxaldakı asılılıqdan azad olmaq” barədə necə danışmaq mümkündür ki, ət idxalı tam əksinə, sürətlə artır?
İkinci, "ət istehsalının artırılması istiqamətində həyata keçirilməsi nəzərdə tutulmuş tədbirlər”dən təzə xəbər varmı? Həmin tədbirlər hələ də "nəzərdə tutulur”, yoxsa artıq həyata keçirilməyə başlanılıb? Bu sualın cavabı xüsusilə ona görə maraqlıdır ki, camaatın işini bəri başdan bilsin: əti cibinə uyğun qiymətə almağa ümid etməyə dəyər, ya yox?!
Göründüyü kimi suallar çox, rəsmilərdən isə hələ ki, bütün bu maraqlı, elə maraqlı olduğu qədər də əndrabadi məqamlarla bağlı ağlabatan izah yoxdur.
Oxşar xəbərlər
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 2024 13:01
- Japarov Azərbaycandadır - Yenilənib
24 aprel 2024 11:42
- Gündüz Əliyevin adına bağlı BUTA əməliyyatının gizlinləri...
21 aprel 2024 18:53
- İndi çiyələk yeməyin, zəhərlidir - Ekspertdən xəbərdarlıq
20 aprel 2024 20:31
- Avqustda Milli Məclisə seçkilər keçirilə bilər
20 aprel 2024 19:59
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Akademik Zərifə Əliyevanın anım günüdür
15 aprel 2024 20:43
- Bakıda uduzmaq üçün mənə 300 min dollar təklif etdilər
12 aprel 2024 11:30
- Azərbaycanda sakinlərin yoxa çıxdığı, sirli qəbirlərin olduğu kənd - VİDEO
11 aprel 2024 11:28
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
Xəbər lenti
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
Video & Fotoqalereya
Video
Fotoqalereya