Ramiz Mehdiyevin “kabinet-qərargah”ındakı gizli toplantılara kimlər nə üçün qatılıb?
Bu yaxınlarda “Ana Vətən” partiyasının sədri, MM-in deputatı Fəzail Ağamalının Ramiz Mehdiyevlə bağlı qələmə aldığı məşhur yazısını, yəqin ki, xatırlayırsınız. Həmin yazısında sabiq “Boz kardinalı” 5-ci kolonun rəhbəri adlandıran deputat onu radikal müxalifəti hakimiyyətə qarşı qızışdırmaqda və demokratik islahatlara mane olmaqda günahlandırmışdı.
Məqalədə ən çox diqqəti cəlb edən eyhamlı bir cümlə də vardı: “Hələ də uzun illərdən bəri bitib-tükənməyən hikkə və ambisiyalarından əl çəkməyən, davamlı və sistemli xarakter daşıyan islahatlara maneçilik törətməyə cəhdlər göstərən, yaratdığı şəbəkə vasitəsilə ən müxtəlif üsullarla təxribatlara ara verməyən və bu gün də əməllərindən əl çəkməyən, iş otağını qərargaha çevirən, sözünə baxmaq istəməyənlərə hədə-qorxu gələn, şantaj edən “ağsaqqal” yaşa dolduqca daha da aqressivləşir, kin-küdurət dolu düşüncə sahibinə çevrilir”.
Cümlədəki “bu gün də əməllərindən əl çəkməyən, iş otağını qərargaha çevirən” qismdə konkret nədən bəhs olunduğu tam anlaşılmasa da, millət vəkilinin Ramiz Mehdiyevi gizli işlər planlaşdırmaqda və yeni kabinetini bu gizli fəaliyyətləri yürütmə qərargahına çevirməkdə ittiham etdiyi aydın sezilirdi.
Ovqat.com millət vəkilinin bu sözləri deyərkən nəyi nəzərdə tutduğu barədə ciddi informasiya əldə edib.
Məlumata görə, Fəzail Ağamalı havadan danışmırmış. AMEA-nın prezidenti həqiqətən də akademiyadakı kabinetini gizli toplantılar məkanına çeviribmiş. Onun həmin kabinetdə bir sıra vurulmuş iri məmurlarla gizli görüşlər keçirdiyinə dair xəbər var. Toplantıya qatılanlar arasında özüylə bərabər PA-dan qovulmuşlarla yanaşı, vəzifəsindən uzaqlaşdırılmış nazirlər də, iş adamları da alırmış.
Xüsusilə keçmiş Nəqliyyat naziri Ziya Məmmədovun, iş adamı Hafiz Məmmədovun tez-tez Ramiz Mehdiyevin ziyarətinə gəldiyi və ondan bəzi təlimatlar aldığı xəbər verilir. İddialara görə, xaricdəki söyüş müxalifətinin maliyyələşdirilməsi də bu təlimatlardandır.
Maraqlıdır ki, bənzər məlumat bundan əvvəl də mediaya sızdırılmışdı. Aprel ayında dərc olunan xəbərlərdə bildirilirdi ki, Ramiz Mehdiyevlə Ziya Məmmədov karantin rejimini Göyçayda bir yerdə keçirirlər. Ziya Məmmədovun qardaşı Elton Məmmədov o zaman mətbuatda gedən məlumatları təkzib etsə də, bu birlikdəlikdə hər hansı “qəmbərqulu” axtarmağın səbəbini anlamadığını bildirmişdi: “Əvvəla, bu xəbər yalandır. Digər tərəfdən isə axı Ziya Məmmədovla Ramiz Mehdiyevin harada dincəlməsinin mətbuata nə dəxli var? Kimsə təqaüdə çıxıb haradasa istirahət edirsə, bu, mətbuatı nə üçün maraqlandırmalıdır? Bu, insanların şəxsi həyatıdır”.
Bizim əldə etdiyimiz məlumatlar “Ziya Məmmədovla Ramiz Mehdiyevin harada dincəlməsinin mətbuata dəxlinə” aydınlıq gətirəcək mahiyyətdədir.
Bildirildiyinə görə, Ramiz Mehdiyevin bu cür fəallaşmasının səbəbi heç də fərdi hakimiyyət davasından da irəli gəlmir. Azərbaycan hakimiyyətinin indiyədək reallaşdığı neft və qaz kəmərləri vasitəsilə Avropa Birliyinə iqtisadi inteqrasiya xətti tutması, dolayısıyla Rusiyanın “qoca qitənin” enerji inhisarçılığına qarşı həyata keçirilən layihələrdə iştirak etməsi Moskvada qəzəbinə qarşılanıb. Kreml Rusiyanın enerji siyasətinə qarşı layihələrdə yer alan rəsmi Bakını cəzalandırmağa qərar verib. Bunu isə ölkədəki özünə bağlı qüvvələrin əliylə həyata keçirmək istəyir. Son zamanlar hakimiyyətdə aparılan bir sıra kadr dəyişikliklərinin əsas səbəbi də bununla izah olunur.
İddia olunur ki, indiyədək balanslaşdırma siyasətilə xaricdən gələn təzyiqləri azaltmağa çalışan Azərbaycan rəhbərliyi artıq iki seçim qarşısındadır: o ya batmaqda olan Rusiya ilə eyni gəmidə oturmalı, ya da neft və qaz kəmərləriylə bağlandığı Qərb xəttini tutmalıdır.
İlk variantda onu Azərbaycanın illik qazancının 80-90%-nin gəldiyi layihələri gözdən çıxarmaq, ikinci variantda isə Rusiyanın təzyiqləri gözləyir. Rusiyanın təzyiqi isə Azərbaycandakı “5-ci kolon”undan gələ bilər. Fəzail Ağamalının sözlərinə inansaq, həmin qüvvələrin başında Ramiz Mehdiyev dayanır: “Beləliklə, bir tərəfdən 5-ci kolonun aparıcı şəxsi kimi Azərbaycanın beynəlxalq nüfuzuna xələl gətirir, başqa tərəfdən özünün “vacibliyini” və “təkrarolunmazlığını” nümayiş etdirir, mövqeyini gücləndirirdi”.
İddialara görə, Qərbin enerji təhlükəsizliyinə qoşulmağı Azərbaycanın milli maraqlarına uyğun hesab edən rəsmi Bakı hakimiyyətdəki rusqafalıların mümkün təxribatçı əməllərini zərərsizləşdirmək üçün onlardan yaxa qurtarmağa qərar verib. Ramiz Mehdiyevin, Əli Həsənovun və ötən ildən başlayaraq, bir-bir hakimiyyətdən uzaqlaşdırılan kadrların da bu məqsədlə çıxdaş olunduğu, yerlərinə isə Qərb ölkələrində təhsil alan gənclərin gətirildiyi bildirilir. Məqsəd həm də tədricən texnokratik hakimiyyət qurub Azərbaycanı yeni iqtisadi mərhələyə keçirməkdir. Bu isə Rusiya ilə yanaşı, sovet hakimiyyətindən qalma beyni kifli məmurları da narahat edir və onları Moskvadan gələcək əmrlərə amadə vəziyyətə gətirir. Ramiz Mehdiyevin öz kabinetini, Fəzail Ağamalının təbirilə desək, “qərargaha çevirməsi” bu mənada təsadüfi görünmür.
Qeyd edək ki, yalnız Azərbaycanda deyil, keçmiş SSRİ-nin orbitində olan Şərqi Avropada yaşanan bir sıra hadisələr də bu məlumatı təsdiqləyir. Sirr deyil ki, Polşadan tutmuş Bolqarıstana, vaxtilə eyni ittifaqda yer aldığımız Baltikyanı olkələrə, Ukraynaya qədər Şərqi Avropada da Qərbə meyllənmə prosesi gedir. Hətta Rusiyanın bu zamana qədər strateji müttəfiqi sayılan Belarus belə, Moskvayla siyasi-iqtisadi əlaqələrini yumşaldır, sönən ulduzun cazibəsindən uzaqlaşaraq, özünə yeni orbit axtarır. Belə bir şəraitdə ən yaxın strateji müttəfiqlərinin belə, üz döndərdiyi Rusiya ilə eyni gəmidə yer almaq Azərbaycanın yenidən qarşısıalınmaz proseslərin yedəyində sürüklənməsinə yol aça bilər.
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 2024 20:57
- İki Avropa ölkəsi gizli şəkildə birləşməyə hazırlaşır
22 aprel 2024 10:24
- Vəzifədə olan dayısının evindən 90 min oğurlayıb - Qumarda uduzdu
16 aprel 2024 10:08
- Bakıda uduzmaq üçün mənə 300 min dollar təklif etdilər
12 aprel 2024 11:30
- Bakıda yanacaqdoldurma məntəqəsində benzinə su qatılıb? - Rəsmi açıqlama
11 aprel 2024 20:25
- Çingizi arvadı ifşa edibmiş - Mərhum nazirin oğlu da dindirilib
29 mart 2024 10:29
- Prezident və xanımına qarşı sui-qəsd cəhdinin detalları 28 il sonra açıqlandı - Əl-Qaidə-nin planı
25 mart 2024 16:06
- Azərbaycanda icra başçısını öldürmək istəyən şəxs həbs edildi - DTX-dan açıqlama
25 mart 2024 11:35
- Taleh Qaraşovu öldürmək istəyiblər
25 mart 2024 11:29
- Hitlerin aqibəti – Müəmmаlаr dumаnındа GİZLƏDİLƏN HƏQİQƏTLƏR + FOTOLAR
25 mart 2024 10:54
- İlham Əliyev həmkarına Qarabağ atı hədiyyə etdi - Fotolar
25 aprel 21:20
- Elmira Süleymanova vəfat etdi
25 aprel 14:50
- Məhkəmə Rauf Nağıyevin vəzifəsinə bərpası ilə bağlı qərar verdi- ÖZƏL
25 aprel 14:30
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 13:05
- Mikayıl İsmayılov gəlininə qarşı hegemonluğunu davam etdirir FOTO/VİDEO
25 aprel 13:01
- Təkcə başçı Zakir Fərəcov deyil, onun vəzifə başındakı əlaltıları da...
25 aprel 11:47
- Dedik ki, bir neçə saata Xankəndiyə daxil olacağıq - Prezident
25 aprel 11:35
- Xadimə məktəb direktorunu niyə bıçaqlayıb?
25 aprel 11:07
- Keçmiş başçının hospitalından şikayət
24 aprel 21:35
- BAKCELL bütün ölkəni Bulvardakı konsertə çağırır
24 aprel 21:20
- Onu oğlum yandırmayıb, şantaj üçün özü üzərinə benzin töküb - Yenilənib
24 aprel 20:57
- Prezidentlərin məhdud tərkibdə görüşü oldu - Foto
24 aprel 20:28
- Japarov Azərbaycandadır - Yenilənib
24 aprel 11:42
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20