- ABŞ-dən sülhməramlıların Qarabağı tərk etməsinə - Reaksiya
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
- Rusiyanın sülhməramlı kontingenti Azərbaycanı tərk edir - Video
- Hadi Rəcəbli vəfat etdi - Yenilənib
- Tanınmış həkim telefon nömrəsini satışa çıxardı – 26 min manat
170 min dolları mənimsəyən Hicran Huseynovanı bu dəfə kim qoruyacaq?
İqtisadiyyat15 noyabr 2019 22:11
Son vaxtlar yaşlı məmurların cavan kadrlarla əvəzlənməsi, fəaliyyəti nəzərə çarpmayan nazirliklərin, komitələrin birləşdirilməsi bağlı islahatlar aparılır. Belə qurumlardan biri də Ailə, Qadın və Uşaq Problemləri üzrə Dövlət Komitəsinin sədri, Bakı Dövlət Universitetinin Diplomatiya və İnteqrasiya kafedrasının müdiri Hicran Huseynovadı. Bu xanımın həm təqaüd yaşı çatıb, həm də qurumun demək olar ki, heç bir fəaliyyəti nəzərə çarpmır.
Qeyd edək ki, hər il büdcədən bu quruma kifayət qədər pul ayrılır, ancaq dövlət komitəsinin əvəzinə ailələrə də, qadınlara da, uşaqlara da ya Heydər Əliyev Fondunun xətti ilə, ya da müxtəlif QHT-lər vasitəsi ilə kömək olunur, problemləri yoluna qoyulur.
Misal üçün Ailə, Qadın və Uşaq Problemləri üzrə Dövlət Komitəsinə 2019-cu il üçün büdcədən 3.4 milyon pul ayrılıb. Hələ komitənin büdcədən kənar xərclərini demirik, bunun pulunu da vətəndaşın yığılan vergisindən "sosial təminat” adı ilə xərcləyirlər.
Bəs 3.4 milyon hara xərclənib? Hicran Hüseynova yuxarıda olan vəzifəli şəxslərə arxalanaraq bu vaxta kimi həm vəzifəsini qoruya bilib, həm də dövlətin pulunu istədiyi kimi xərcləyib. Ancaq artıq həmin vəzifəli şəxs yoxdur, yəni yəqin ki, yeni ilə kimi Hicran Hüseynova komitəsi tarixin yaddaşlarına qovuşacaq.
Qeyd edək ki, Hicran Hüseynovanın adı 2017-ci ildə uşaq oğurluğu məsələsində, rüşvət qalmaqallarında artıq bir neçə ildir ki, hallanmaqdadır. Konkret olaraq Hicran Hüseynova 2012-ci ilin yay aylarında Eynur Kərimovun 170 min ABŞ dollar pulunu həmin zaman komitənin aparat rəhbəri olan Səfər İmanovun əli ilə alaraq mənimsəyib və vəd verib ki, onu Bakının rayonlardan birinə icra hakimiyyəti başçısının müavini təyin etdirəcək.
Xatırladaq ki, bu barədə mətbuat səhifələrində 2016-2017-ci illərdə çox yazılsa da heç bir nəticə olmadı. Səbəb isə o idi ki, Eynur Kərimovun əli ilə pul verdiyi İmanov Səfər Bəbir oğlu ölkə sərhədlərini tərk edərək Türkiyə Respublikasına qaçmışdı.
Eynur Kərimovun icra hakimiyyəti sistemində kiçik bir işə düzəlmək istəyinə Səfər İmanov müsbət reaksiya verib və Hicran Hüseynovla danışacağını bildirib.
Qeyd edək ki, Hicran Hüseynova ilə Səfər İmanov əslən Qubadlı rayonundandılar və qohumdular. Beləliklə bu söhbətdən bir neçə gün sonra Səfər İmanov Eynur Kərimovla görüşərək icra hakimiyyəti sistemində kiçik bir iş yox, Bakının rayonlarından birinə icra başçısının müavini vəzifəsinə duzəldəcəyini vəd verib. Bu vəzifəyə görə isə 170 min ABŞ dolları pul lazım olacağını bildirib.
Bu danışıqdan sonra Eynur Kərimov deyilən məbləği düzəldərək Səfər İmanovun dediyi kimi Ailə, Qadın və Uşaq Problemləri üzrə Dövlət Komitəsinə gedib. Orada da Səfər İmanovla xidməti otağında görüşərək 170 min ABŞ dolları ona verib. Bundan sonra Eynur Kərimovla Səfər İmanov birlikdə Hicran Hüseynovanın otağına gediblər. Hicran Hüseynova onları xoş qarşılayaraq bildirib ki, şəxsi işinlə tanış olmuşam, müavin vəzifəsinə tam uyğunluq var: "Mən hər zaman sənə dəstəyəm, dayağam, köməyəm, amma mənim adım hallanmasın". Bu söhbətdən sonra Səfər İmanov öz otağından pulla dolu çantanı götürərək Hicran xanımın otağına girib və təxminən 2-3 dəqiqə söhbətdən sonra geri qayıdaraq Eynur Kərimovu pilləkənlərdən yola salıb.
Bu hadisədən sonra Eynur Kərimovun Səfər İmanovla ara-sıra görüşləri olub. Hər dəfə də eyni vədlər, eyni sözlər. Aldadıldığını biləndən sonra Səfər İmanovdan pulu geri tələb etsə də sonuncu müxtəlif bəhanələrlə vaxtı uzadıb. Ancaq Eynur Kərimov nəticə olmadığını görüb Hicran Hüseynova ilə görüşmək qərarına gəlib. Axı pullar məhz Hicran Hüseynovaya çatmışdı. Sonuncu bəhanəni isə Səfər İmanov Hicran Hüseynovanın yubileyi ilə bağlayıb. Eynur Kərimova bildirib ki, 2015-ci ilin avqust ayında H. Huseynovanın 60 yaşı olmağı münasibəti ilə büdcədən pul ayrılacaq və o puldan sənin pulun qaytarılacaq. Ancaq yenə boş vədlər davam edib. 2015-ci ilin oktyabr ayında isə E.Kərimov H.Hüseynovanın qəbuluna gedib və pulunu geri tələb edib.
İlkin olaraq Hicran xanım özünü tanımamazlığa vursa da sonradan həmin vaxt komitədə maliyyə şöbəsinin müdiri vəzifəsində çalışan Nəsib müəllimi (Nəsib müəllim Hicran xanımın bibisi qızının həyat yoldaşıdır) yanına çağırıb və Səfərlə bu məsələni həll etməyi tapşırıb. Nəsib müəllim məsələyə qarısdıqdan sonra Səfərlə birgə bir neçə dəfə yenə görüşlər olub və son tarix kimi 2016-ci ilin 31 yanvarı seçilib. Hətta Səfər İmanov Eynur Kərimovda inam yaratmaq üçün 16 yanvar tarixində öz imzası ilə 170 min ABŞ dollarını təsdiqləyən qəbz də yazaraq verib. Ancaq sonuncu müddət çatanda məlum olub ki, Səfər İmanov ailəsi, uşaqları ilə birgə ölkəni tərk edib. Yenidən Hicran Hüseynova ilə görüşən Eynur Kərimov pulların məhz verildiyini və onu hüquq-mühafizə orqanlarına verəcəyini bildirib. Ancaq Hicran Hüseynova hüquq-mühafizə orqanlarına şikayət olunacağı təqdirdə onun da cinayət məsuliyyətinə cəlb olunacağını deyib. Yəni heç kimdən qorxusunun olmadığını açıq-aşkar söyləyib.
2016-cı il fevral ayında Baş Prokurorluğun mətbuat xidmətinin yaydığı məlumata görə, Ailə, Qadın və Uşaq Problemləri üzrə Dövlət Komitəsinin sabiq aparat rəhbəri Səfər İmanovun 2012-ci ildə vəzifə səlahiyyətlərindən sui-istifadə edərək vətəndaş Eynur Kərimovu məsul vəzifəyə təyin etdirəcəyi vədi ilə aldadaraq 170 min ABŞ dolları məbləğində pulunu ələ keçirməsində şübhələr üçün əsaslar olduğundan fakta görə Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb.
Zərərçəkən Eynur Kərimovun verdiyi məlumata görə, Hicran Hüseynova vəzifə səlahiyyətlərindən sui- istifadə edərək istintaqa təzyiq edib ki, mən onun işçisi olan Nəsib müəllimlə üzləşməyim: "Çünki faktiki olaraq Nəsib müəllim əsas şahidlərdən olub ki, Hicran Hüseynova məndən işə görə pul almasını etiraf edib və Səfərlə birgə bu işi yoluna qoymağı tapşırıb. Artıq 3 ildən yuxarıdır ki, Hicran Hüseynova öz dayaqlarına arxalanaraq Səfər İmanovun ölkəyə gətirilməsinin qarşını alır və mənim halal pulumu qaytarmaq istəmir. Mən ölkədə gedən son islahatlarla bağlı aidiyyatlı orqanlara yenidən müraciət edəcəm ki, nəyə görə məmurlar hələ də vətəndaşların hüquqlarını pozmaqda davam edir?!"
Eynur Kərimovun vəkili, tanınmış hüquqşünas Kamandar Nəsibovun Qaynarinfo-ya verdiyi məlumata görə, Səfər İmanov ölkədən qaçdığı üçün İnterpol xəttilə beynəlxalq axtarışa verilib: "Dəfələrlə Gürcüstanın DİN-nə, Gürcüstandakı səfirliyimizə, İnterpola Səfər İmanovla bağlı sorğular vermişəm. Səfər İmanovun yerini Gürcüstanda dəqiq göstərməyimizə baxmayaraq heç bir nəticə yoxdu. Bütün hüquqi prosedurlardan istifadə etsək də Səfər İmanovu həbs edib Azərbaycana təhvil vermirlər. İnterpol məktub vasitəsi ilə eyni məzmunda cavablar verməklə kifayətlənir. Cinayət işlərinin də icraatı dayandırılıb”.
İnanırıq ki, Hicran Hüseynova daha "toxunulmaz" statusunda deyil, sıravi bir məmurdur. Və onun Səfər İmanova "krişalığının" xeyri olmayacaq...
Oxşar xəbərlər
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 2024 12:08
- Vəzifədə olan dayısının evindən 90 min oğurlayıb - Qumarda uduzdu
16 aprel 2024 10:08
- Akademik Zərifə Əliyevanın anım günüdür
15 aprel 2024 20:43
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 2024 15:24
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 2024 09:29
- Bakıda uduzmaq üçün mənə 300 min dollar təklif etdilər
12 aprel 2024 11:30
- Azərbaycan cinayətkar qrupun liderini Qazaxıstana ekstradisiya etdi
11 aprel 2024 11:06
- SOCAR-ın sabiq vitse-prezidenti Mikayıl İsmayılovun keçmiş gəlini dövlət başçısına müraciət etdi
10 aprel 2024 23:08
- Vaqif Səmədoğlu niyə hirslənmişdi? - Firuz Mustafa yazır
10 aprel 2024 22:53
Xəbər lenti
- Mikayıl Cabbarova yeni müavin təyin edildi - Sərəncam
18 aprel 11:56
- ABŞ-dən sülhməramlıların Qarabağı tərk etməsinə - Reaksiya
18 aprel 11:43
- Başçının istəyi baş tutsaydı, Sumqayıtı kimin idarə edəcəyi də, müəmma olaraq qalırmış
18 aprel 11:07
- Rusiyanın sülhməramlı kontingenti Azərbaycanı tərk edir - Video
17 aprel 11:26
- İlham Əliyevə telefon açıb xahiş etdi
17 aprel 10:38
- Hadi Rəcəbli vəfat etdi - Yenilənib
17 aprel 10:29
- Tanınmış həkim telefon nömrəsini satışa çıxardı – 26 min manat
16 aprel 11:15
- Ailəli müəllim məktəbli ilə çılpaq halda maşında yaxalandı
16 aprel 11:06
- Müharibə veteranlarına şad xəbər: 80 manat artırılır – Deputat məbləği açıqladı
16 aprel 10:17
- Vəzifədə olan dayısının evindən 90 min oğurlayıb - Qumarda uduzdu
16 aprel 10:08
- 2300 maaşım idi, ayda 15 min manat paket alırdım - Sabiq nazir
16 aprel 09:45
- Məktəb direktoru haqda son qərar - Qalan ömrünü həbsdə keçirəcək
16 aprel 09:31
- Almaniya kansleri - 66 yaşım var, heç vaxt marixuana çəkməmişəm
15 aprel 21:16
- Sabiq baş həkimə hökm oxundu - 8 il 6 ay həbs
15 aprel 20:53
- Akademik Zərifə Əliyevanın anım günüdür
15 aprel 20:43
- Akif Çovdarov yenidən məhkəmədə: 30 milyonluq əmlakın taleyi necə olacaq?
15 aprel 10:22
- Tokayev İrəvanda səfərdədir - Foto
15 aprel 09:49
- Dubayda qızıldan hazırlanan alt paltarları satışa çıxarıldı
14 aprel 20:39
- İmişlidə məktəbliləri cərəyan vurub öldürdü
14 aprel 18:44
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 17:25
- Vəkillik fəaliyyətindən qovulmuş Sevil Hacıyeva məmurları TERROR-çuluqda ittiham edir
14 aprel 16:37
- İrandan qovulan, Fransada səfil vəziyyətinə düşən, Amerikada ömürlük cəza alan erməni qatilin faciəli sonluğu...
14 aprel 15:24
- Oqtay Əsədovun həyat yoldaşı son bir ildə Moskvada 14 milyon qazanıb
14 aprel 11:41
- Narkotik satan AXUND həbs olundu - Foto
13 aprel 13:04
- Kür çayında batan ata və altı yaşlı qızının FOTOSU
13 aprel 10:05
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 09:29
- Çingiz Abdullayev xəstəxanaya yerləşdirildi - Vəziyyəti ağırdır
13 aprel 08:38
- Əməkdar artist vəfat etdi
12 aprel 21:21
- Günəş "öləndə" nələr baş verəcək?
12 aprel 21:03
- Türkiyədə 2028-ci il seçkiləri: Əkrəm İmamoğlu, yoxsa Səlcuk Bayrakdar?
12 aprel 12:56
Video & Fotoqalereya
Video
Fotoqalereya