Dünyanın etiraz etdiyi referendum başladı - Tək dəstəkçisi İsraildir
Bu gün İraqda Kürd Regional Hökumətinin müstəqilliyi uğrunda referendum keçirilir.
“Qafqazinfo” xəbər verir ki, Ərbildə baş tutan səsvermədə İraq Kürd Regional Hökumətinin rəhbəri Məsud Bərzani də iştirak edib. O, jurnalistlərin suallarını cavabsız qoyub.
Qeyd edilir ki, referendumda digər kürd siyasətçilər də fəal iştirak ediblər. Ali seçki komissiyası açıqlamasında bildirib ki, 3 milyon nəfər səsvermə hüququna malikdir. İraqda keçirilən referendumla bağlı Türkiyə XİN-i öz vətəndaşlarına Kürd Regional bölgəsini tərk etməyi tövsiyə edib.
Bütün dünyanın etirazla qarşıladığı referenduma tək dəstək verən ölkə İsrail olub.
NUH.az