Dərc edilib: 28-09-2017

https://www.nuh.az/12481-.html

Arif Alışanovun Ukraynada restoranları üzə çıxdı — FOTO

28.09.2017 19:44:22

Siyasət

“Azərbaycan Televiziya və Radio Verilişləri” (AzTV) Qapalı Səhmdar Cəmiyyətinin sədri Arif Alışanovun Ukraynada restoranı olması barədə xəbərlər yayılıb.

Ukraynadakı özəl mənbələrdən “Ölkə.Az”-a verilən məlumata görə, Ukraynanın Dnepropetrovsk bölgəsində “Bakinskiy Dvorik” adlı restoran və “Şəkər-bura” adlı çay evi fəaliyyət göstərir. 

Redaksiyamıza həmin restoranın fotosu da göndərilib.

Göndərilən məlumatda qeyd olunur ki, sözügedən restoran və çay evinin əsl sahibi AzTV sədri Arif Alışanovdur:

“Hazırda həmin restoranlara AzTV-nin Ukrayna və Şərqi Avropa ölkələri üzrə xüsusi müxbiri Möhsün Qədiroğlu nəzarət edir. Möhsün Qədiroğlu özü də bizə dəfələrlə deyib ki, bu restoran Arif Alışanova məxsusdur. Restorana daha çox azərbaycanlılar və Azərbaycandan Ukraynaya gedən qonaqlar dəvət olunur”, - deyə məlumatda qeyd olunur.

Məsələ ilə bağlı AzTV-nin mətbuat xidməti ilə əlaqə saxlasaq da, zənglərimizə cavab verən olmadı. 

 

   NUH.az

 

NUH informasiya agentliyi səhifəsindən çap edilib