"ReAl” hərəkatının İdarə Heyətinin üzvü Erkin Qədirli siyasi sferadan uzaqlaşdığını açıqlayıb.

“Qafqazinfo”nun verdiyi xəbərə görə, hərəkatın qurultaya çevrilmə ərəfəsində E.Qədirli bildirib ki, bir ağılda həm hüququ, həm siyasəti yaşatmaq olmur:

“Siyasətə girəndən, özümdən heç xoşum gəlmir. Amma problem xoşluqda deyil. Ağlım başqa cür işləyir - məndən siyasətçi çıxmaz. Peşəmdən daha çox uzaqlaşmamaq, ona daha çox ziyan vurmamaq üçün, yavaş-yavaş siyasətdən dönürəm. Hüquqa qayıdıram. Bu ölkədə siyasət mənlik deyil. “ReAl”da qalıram, dostlara yardım etmək üçün. Amma “ReAl”ın qurultayından sonra qurulacaq rəhbər vəzifələrdə olmayacağam. Səhifəmdə yazmağı davam edəcəyəm, siyasətə daha çox maarifçi yanaşacağam”.

     NUH.az