«Qarabağ»dan möhtəşəm oyun, tarixi nəticə
Çempionlar Liqasında III turun oyunları keçirilir. "Qarabağ" növbəti oyununu doğma meydanda "Atletiko"ya qarşı keçirib.
İlk iki oyunda "Çelsi" və "Roma"ya uduzan "Qarabağ" bu dəfə meydandan xalla ayrılıb. Dino Ndlovu 75-ci dəqiqədə meydandan qovulduğundan son 15 dəqiqəni azlıqda keçirən "Qarabağ" Çempionlar Liqasında 3 dəfə final oynayan rəqibi ilə "sülh" bağlayıb - 0:0. Hətta matçın fransalı baş hakimi "Qarabağ"ın penaltisini verməyib, komandamızın əleyhinə bəzi qərarları ilə diqqəti çəkib. Bu "Qarabağ"ın Çempionlar Liqasının qrup mərhələsindəki ilk xalı olub.
NUH.az