"Qafqazinfo" FHN-nin səhvini düzəltdi. FHN ANONS verir?
Bu gün "Qafqazinfo" Fövqəladə Hallar Nazirliyinin saytına istinadən xəbər verir ki, Bakı şəhərinin Səbail rayonu ərazisində yerləşən universitetin tədris binasının liftində 17 nəfər qalıb.
Bu xəbəri oxuyanda istər-istəməz yada “reket” qəzetlər düşür.
Adətən “reket” media bu üslubdan-metoddan istifadə edir: İcra başçılarından birinin oğlu...məmurlardan birinin xanımı...adını çəkmək istəmədiyimiz ali məktəblərdən birinin rektoru və s. “Reket” media bu yayğın informasiya ilə qarşı tərəfə sözünü çatdırır, yəni ANONS edir. Və bilmək olmur ki, söhbət konkret hansı məmurdan, hansı rayonun icra başçısından, hansı ali məktəbdən gedir.
FHN-nin yaydığı məlumatda da hansı ali məktəbin liftində problem olduğu məlum olmur. Necə yəni, “ Səbail rayonu ərazisində yerləşən universitetin...”. Bəlkə FHN-də ANONS verir ?
Axı, FHN az qala hərbləşdirilmiş dövlət qurumudur. Bu qurumun universitetin adını dəqiqləşdirməsi nə böyük problemdir ?
Yaxşı ki, "Qafqazinfo" saytı FHN-nin səhvini düzəldib: "Qafqazinfo-nun əldə etdiyi məlumata görə hadisə Azərabaycan Pedoqoji Universitetinin binasında baş verib. Hadisəyə səbəb işıqların sönməsi olub. Liftdə qalan şəxslərin sayı isə 17 deyil, 4 nəfər olduğu bildirilir”.
NUH.az