Dərc edilib: 05-11-2017

https://www.nuh.az/13323-.html

Şahmatçılarımız Avropa çempionatında Rusiyanı məğlub edərək lider oldu

05.11.2017 23:24:01

İdman

Azərbaycanın kişilərdən ibarət yığma komandası Yunanıstanda keçirilən şahmat üzrə Avropa çempionatında mübarizəni davam etdirir.

“Qafqazinfo” xəbər verir ki, Azərbaycan şahmatçıları VIII turda turnir cədvəlinin birinci pilləsində qərarlaşan Rusiya millisi ilə qarşılaşıblar.

Görüşün birinci lövhəsində Şəhriyar Məmmədyarov Aleksandr Qrişuku, ikinci lövhədə isə Teymur Rəcəbov Yan Nepomnyaşnını 1:0 hesabı ilə məğlub edib. Şəhriyar qara, Rəcəbov isə ağ fiqurlarla oynayıb.

Üçüncü lövhədə Arkadi Naydiç Maksim Matlakovla münasibətlərinə aydınlıq gətirib. Görüş şahmatçımızın 1:0 hesablı qələbəsi ilə yekunlaşıb.

Beləliklə, Azərbaycan sonuncu- dördüncü lövhədə Rauf Məmmədov və Danil Dubovun görüşünün nəticəsindən asılı olmayaraq, Rusiya yığmasını məğlub edib və xallarının sayını 13-ə çatdıraraq, liderliyə yüksəlib.

Rusiya isə 11 xalla ikinci pilləyə düşüb.

NUH informasiya agentliyi səhifəsindən çap edilib