Telman Dibirovu kim(lər) öldürüb ?
Telman Dibirovun qatili tapılacaqmı ?
Son vaxtlar “Səni axtarıram” verilişinin aparıcısı Xoşqədəm Hidayətqızının uzun illər bağlı qalan cinayətlərin, qətllərin üstünü aça bilməsi cəmiyyətdə maraq doğurub.
Hidayətqızının bu uğuru sosial şəbəkədə də ciddi müzakirə olunur.
Uzun illər açılmayan cinayət işlərindən biri də Telman Dibirovun qətli ilə bağlıdır.
Məlumat üçün bildirək ki, 1999-cu ilin avqust ayının 17-dən 18-nə keçən ğecə Balakən TV-nin 28 yaşlı telereportyoru Telman Dibirov polis şöbəsinin lap yaxınlığında əhalinin yaşadığı sıx ərazidə iş yerində işğəncələrlə qətlə yetirilib. Rayonda olan olaylarla bağlı çəkilmiş video kasetlər studiyadan yoxa çıxıb.
Mətbuatda gedən versiyalarda qeyd olunur ki,
Telman Dibirov yerli hakimiyyət orqanlarının mənafelərinə zidd olacaq informasiyalar yaydığı üçün öldürülüb.
Sosial şəbəkə iştirakçıları Telman Dibirovun qətli ilə bağlı hazırda “Səni axtarıram” verilişinin ciddi araşdırma apardığını qeyd edirlər.
Əlbəttə, Telman Dibirovun qatilinin kimliyi gec-tez məlum olacaq.