Qaynarinfo xarici mediaya istinadən xəbər verir ki, 8 namizədin mübarizə apardığı, 56 milyon 430 min 712 seçicinin iştirak etdiyi seçkilərdə Vladimir Putin qələbə qazanıb. O, 76,69% səs toplayıb.

 

Kommunist Partiyasının lideri Pavel Qrudinin 11,77%-lə 2-ci, Liberal Demokrat Partiyasının sədri Vladimir Jirinovski isə 5,65%-lə 3-cü sırada qərarlaşıb.

 

Vətəndaş Təşəbbüsü Partiyasının namizədi, tanınmış telejurnalist Kseniya Sobçak 1,68 faizlə 4-cü, "Yabloko" Partiyasının namizədi Qriqori Yavlinski 1,05 faizlə 5-ci, İnkişaf Partiyasından olan namizəd Boris Titov və Rusiya Kommunistləri Partiyasının namizədi Maksim Suraykin 0,68 faizlə 6-7-ci, Rusiya Ümumxalq Partiyasının namizədi Sergey Baburin isə 0,65 faizlə 8-ci yeri tutub.