M Ə K T Ə B Y O L U
Qəlbən müəllim peşəsinə və məktəbə bağı olan
Malik Şirvan oğluna ithaf edirəm
Müəllim peşəsin müqəddəs sandın
Ömrünü bağladın, bəxş etdin ona.
Bu şirin həyatda şam kimi yandın
Talehin sığındı məktəb yoluna.
Şagirdin aldığı əla qiymətlər,
Mükafatın olar bəhrələnərdin.
Kimsə “axsayanda” dərsdə nə qədər
Gizlicə-gizlicə qəhərlənərdin.
Bir gün görməyəndə gözün dolası,
Dilində bitməsəm dilin alışar.
Məktəbdir ömrünün məğzi, mənası,
Qoynunda ən şirin xatirən yaşar.
Yormaz qədəmləri cığırı, izi,
Məktəbə borcludur, borcludur hamı.
Doğmalar içində yoxdur əvəzi,
Məktəbdən almısan ancaq ilhamı.
Məktəbi oxşayıb, məktəbi sevib,
Kamala bürünüb, əqlə bürünüb.
Bəlkə də ən uca zirvəni seçib
O uca zirvədən dünya görünüb.
Sənin əməlində arzu gül açar,
Qoymursan darıxaq çətində, darda.
Günəş tək yollara nur, şəfəq saçır
Alır gül ətrini səndən bahar da.
Unutmaq olarmı səni bir anlıq
Fərqi yox, yaxında, uzaqda olum.
Məktəbsiz bu həyat sənə qaranlıq
Məktəbdən başlanır işıqlı yolun,
Məktəbdən başlanır işıqlı yolun !
Həsən Orucoğlu
Şair-Publisist Zəngilan rayonu, Məmmədbəyli kəndi