Güclü sel Quba-Xınalıq yolunda maşını dərəyə aşırdı - Fotolar
Bu gün günorta saatlarında Quba rayonu ərazisinə güclü yağış yağıb.
APA verdiyi məlumata görə, Quba-Xınalıq yolunun 53-cü km-də güclü sel nəticəsində yolda olan “Mersedes” markalı avtomaşını yoldan çıxararaq dərəyə aşırıb. İstirahət üçün Xınalığa gələn Bakı sakinləri son anda avtomobili tərk edə biliblər. Hadisə nəticəsində xəsarət alan olmayıb.
Quba-Xınalıq yolu bir müddət bağlı qalıb. Əraziyə cəlb olunan texnikanın köməkliyi ilə yolda hərəkət yenidən bərpa olunub.