24saat.org saytı xəbər verir ki, Hummet Bedelov adlı sosial şəbəkə istifadəçisinin profilindən aydın olur ki, "Miss Lafarella” yarışmasının qalibi olmuş Günel Mirzəyeva iddia olunduğu kimi Lənkəran qəbristanlığında deyil, Bakıda, "Qurd qapısı” deyilən ərazidəki məzarlıqda torpağa tapşırıblar.

Belə məlum olur ki, Günel Mirzəyevanın məzarına hər həftə yaxınları baş çəkirlər, onun məzarı üstünə gəlib-gedənlər var. Həmin şəxslər sırasında deputat Elmira Axundovanın, onun oğlu Həbib Axundovun olub-olmaması bilinmir. Saytının elektron poçtuna göndərilən məktubda isə Hümmət Bədəlov iddia edir ki, mətbuatda ilk gündən ölüm işində məhz Həbib Axundovun adı çəkilirdi. 

Bildirilirdi ki, Günel Mirzəyevanın Həbiblə münasibətləri var. Həbib Axundov ilk vaxtlar bu əlaqəni ciddi şəkildə inkar etsə də, sonradan üzə çıxan faktlar onun yalan danışdığını üzə çıxardı. Bilindi ki, Günel Mirzəyeva açıq dənizə məhz Həbib Axundova məxsus yaxtada çıxıb və naməlum şəraitdə suya düşərək boğulub. 4 günlük axtarışlardan sonra gənc xanımın tanınmaz hala düşmüş meyiti dənizdən çıxarıldı. Həmin günlərdə onun hamilə olması xəbəri də yayılmışdı. Meyit Sabunçu morquna aparılandan sonra orada gənc xanım cansız bədəni zahiri müayinə edilmiş və ailəsinə təhvil verilmişdi. 

Ekspertiza keçirib gənc xanımın hamilə olub-olmaması sualına aydınlıq gətirməmişdilər. Meyit tam ekspertizadan keçirilməmiş halda basdırıldı, onun hamilə olub-olmaması sualı da açıq qaldı. İlk baxışdan adi görünən bu suala cavab axtarılması əslində sirli bir cinayətin üstünü aça bilərdi. Gənc xanımın məhz hamilə olduğu üçün bu şəkildə aradan götürülməsi haqda fikirlər təsdiqlənə bilərdi. Baxmayaraq ki, 2017-ci il iyunun 24-də mübəm şəkildə dənizdə boğulan gənc bir xanımın ölümünün 1 ili tamam olacaq, müstəqil ekspertlər bu məsələnin araşdırılması üçün tibb elminin kifayət qədər inkişaf etdiyini deyirlər. 

Bildirirlər ki, meyir ekshumasiya olunsa, bu məsələ aydınlaşdırıla bilər. Sosial şəbəkədə yayılan digər bir məlumata görə Günel Mirzəyevanın ölümündən sonra onun ailəsinə deputat Ağalar Vəliyevin inşa etdirdiyi binalardan birindən mənzil bağışlanıb. Hətta həmin evdə Günel Mirzəyevanın ölümündən sonra ərindən boşanmış bacısının yaşadığı haqda da xəbərlər var. Həmin mənzilin ailəyə Həbib Axundov və ya onun deputat anasının bağışladığı haqda səhih məlumatlar yoxdur.

Yada salaq ki, Elmira Axundova Günel Mirzəyevanın müəmmalı ölüm işindən danışarkən demişdi ki, hadisə baş verəndə Bakıda olmayıb. Deputat əminliklə bildirmişdi ki, oğlu da Günel Mirzəyeva müəmmalı şəkildə dünyasını dəyişərkən orada olmayıb! "Deyə bilərəm ki, oğlum da hadisə yerində olmayıb. Orada olan şəxs onun dostu olub. Haqqında yayılan məlumat isə doğru deyil. Oğlum bu hadisədən sonra orada olmadığı üçün heyfsləndiyini bildirib. Əgər orada olsaydı, batan qızı xilas edərdi. Çünki 15 il üzgüçülüklə məşğul olub” – deyə Elmira Axundova oğlunu təmizə çıxarmağa çalışmışdı. 

Maraqlı odur ki, deputat əvvəl gündən niyə yalan danışır? Sanki oğlunun günahsız olmasını sübut etmək üçün dəridən-qabıqdan çıxır? Nitqini "Xəzərdə hər yay minlərlə adam boğulub, dünyasını dəyişir. Ümumiyyətlə, Həbibin heç yaxtası olmayıb. Təfərrüatları tam olaraq bilmirəm. Bu hadisəni şişirdənlər də bizim düşmənlərimizdir” kimi gülünc fikirlərlə davam etdirib hər kəsi günahkar bilirdi, bircə oğlundan savayı.

İndi isə bilinir ki, gənc qızı o dövrdə basdıranda belə Həbib Axundov orada olub. Görəsən Elmira Axundovanın oğlu Həbib Axundov dənizdə batanların dəfinində iştirak etmək öhdəliyi götürüb yoxsa başqa səbəblər var? Fakt odur ki, gənc bir xanım dənizdə batıb. Onun müəmmalı şəkildə batarkən hamilə olması xəbəri də ortadadır. Gənc xanım dənizdə batandan sonra ailəsinə mənzil bağışlayıblar. Bu da bilinir. O da məlumdur ki, həmin mənzil Elmira Axundovanın həmkarı, deputat yoldaşı Ağalar Vəliyevin inşa etdirdiyi binadandır. Bundan başqa, gənc xanım müəmmalı şəkildə ölənə qədər Həbib Axundovun adına olmuş maşını sürüb. Qalır bircə sosial şəbəkələrdə yayılan bu xəbərləri araşdırıb Günel Mirzəyevanın ölümü üzərinə çəkilən sirr pərdəsini kənara tullamaq.