Unikal.org-un əldə etdiyi məlumata görə, Azərbaycan Mərkəzi Bankının sədri Elman Rüstəmovun rəhbəri olduğu Şahmat Federasiyasında bir neçə aydır ki, maaşlar ödənilmir. Şahmatçılara yaxın zamanda problemin həll olunacağı deyilsə də, hələ də bir xəbər yoxdur.

Sayt məsələ ilə bağlı Azərbaycan Şahmat Federasiyasının vitse-prezidenti Mahir Məmmədovla əlaqə saxlayb.

Federasiya rəsmisi hazırda məzuniyyətdə olduğunu bildirsə də, bu gecikmənin kriminal hadisə olmadığını deyib:

"Mənim xəbərim yoxdur, gecikmə olub, ya yox… Gecikmə ola bilər burada qeyri-adi nə var ki? Burada kriminal hadisə baş verməyib ki?!”