Azərbaycan prezidenti İlham Əliyev sentyabrın 5-də Xorvatiya Respublikasına rəsmi səfər edib.

“Qafqazinfo” xəbər verir ki, hər iki ölkənin dövlət bayraqlarının dalğalandığı Zaqreb şəhərinin “Franyo Tucman” hava limanında dövlətimizin başçısının şərəfinə fəxri qarovul dəstəsi düzülüb.

Hava limanında Azərbaycan prezidentini Xorvatiya Prezidenti ofisinin rəhbəri xanım Anamariya Kiriniç və digər rəsmi şəxslər qarşılayıblar.