Dərc edilib: 21-10-2018

https://www.nuh.az/17611-.html

Bakıda restoranda 22 min manatlıq narkotik satmaq istədi

21.10.2018 08:57:01

Maraqlı

Bakıda külli miqdarda heroin satan şəxs yaxalanıb. Binəqədi rayonu ərazisindəki "Göyəzən" restoranında baş verib.


“Trend”  xəbər verir ki, Bakı şəhər sakini Mirzəyev Fərid Misir oğlunun 1 kiloqram heroini satmaq istəməsi barədə Binəqədi rayon Polis İdarəsinin 6-cı polis bölməsinə məlumat daxil olub.

F.Mirzəyev adı çəkilən restoranda 1 kiloqram 118,2 qram narkotik vasitə hesab edilən heroini 22 min manata şərti alıcı Mustafayev Elçin Mustafa oğluna satmaq üçün sövdələşib. Sonra onun zəngi ilə Səbail rayonu Bayıl qəsəbəsi, 20-ci dairə ərazisində əmisi oğlu Bayrıyev Müslüm Əhmədağa oğlu həmin narkotik maddəni E.Mustafayevə satarkən polis əməkdaşlarının keçirdiyi əməliyyat tədbirləri nəticəsində saxlanılıb.

Faktla bağlı Binəqədi rayon Polis İdarəsində cinayət işi başlanıb.

NUH informasiya agentliyi səhifəsindən çap edilib